1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50
■■■■■
Ginbendisyunan ni Isaac si Jacob
1 Si Isaac tigulang na kag indi na makakita. Ginpatawag niya ang iya magulang nga anak nga si Esau kag nagsiling sa iya, “Toto!” Nagsabat sia, “Ano, tay?”2 Si Isaac nagsiling, “Tigulang na ako kag ayhan sa indi madugay mapatay na ako.
3 Karon, kon mahimo kuhaa ang imo mga hinganiban ang imo pana kag mga baslay, magkadto ka sa latagon kag magdakop sing isa ka sapat para sa akon.
4 Lutoi ako sing manamit nga pagkaon nga akon nauyonan, kag dalha diri sa akon. Sa tapos ako makakaon ihatag ko sa imo ang akon katapusan nga bendisyon sa wala pa ako mapatay.”
5 Si Rebeca nagapamati sang nagahambal si Isaac sa iya anak nga si Esau. Gani sang makalakat si Esau sa latagon sa pagdakop sing sapat para sa iya amay,
6 si Rebeca nagsiling kay Jacob, “Bag-o ko lang mabatian ang imo amay nga nagsiling kay Esau,
7 ‘Dalhi ako sing sapat, kag lutoi ako sing pagkaon. Sa tapos ako makakaon ihatag ko sa imo ang akon bendisyon sa atubangan sang GINOO sa wala pa ako mapatay.’
8 Karon, nonoy, tumana ako kag himoa ang isiling ko.
9 Kuhai ako sa aton mga hayop sing duha ka kanding nga matambok, agod maluto ko sila kag maaman ako sing pagkaon nga uyon gid sang imo amay.
10 Dalhon mo ang pagkaon sa imo amay agod kaunon niya, kag ihatag niya sa imo ang iya bendisyon sa wala pa sia mapatay.”
11 Pero si Jacob nagsiling sa iya iloy, “Nakahibalo ikaw nga si Esau bulbolon, pero ako akon wala sing bulbol.
12 Basi hikapon ako ni tatay kag mahibaluan niya nga ginalimbungan ko sia kag sa baylo nga bendisyunan niya ako iya ako pakamalauton.”
13 Ang iya iloy nagsabat, “Nonoy, ako ang manabat sang bisan ano nga pagpakamalaut sa imo. Himoa lang ang ginasiling ko, kag lakat ka kag kuhai ako sing mga kanding.”
14 Gani naglakat si Jacob sa pagkuha sang mga kanding, kag gindala niya ini sa iya iloy, kag ginluto sang iya iloy ang pagkaon nga nauyonan gid sang iya amay.
15 Dayon ginkuha ni Rebeca ang labing maayo nga mga bayu ni Esau nga iya gintago sa balay, kag ginpasuksok niya ini kay Jacob.
16 Ginbutang ni Rebeca ang mga panit sang kanding sa mga butkon ni Jacob kag sa iya liog nga wala sing bulbol.
17 Kag ginhatag niya kay Jacob ang manamit nga pagkaon, upod ang tinapay nga iya ginluto.
18 Dayon si Jacob nagkadto sa iya amay kag nagsiling, “Tay!” Nagsabat sia, “Ano? Sin-o ka bala anak ko?”
19 Si Jacob nagsabat, “Si Esau ako, ang magulang mo nga anak. Ginhimo ko ang ginsiling mo sa akon. Kon mahimo magpungko ka kag magkaon sang pagkaon nga gindala ko sa imo, agod mabendisyunan mo ako.”
20 Si Isaac nagsiling, “Paano mo nakuha ini sing madali, toto?” Si Jacob nagsabat, “Ang GINOO nga imo Dios nagbulig sa akon sa pagpangita sini.”
21 Si Isaac nagsiling kay Jacob, “Palapit ka sa akon agod mahikap ko ikaw, kon bala ikaw gid matuod ang akon anak nga si Esau.”
22 Si Jacob nagpalapit sa iya amay kag ginhikap sia sang iya amay kag nagsiling, “Ang imo tingog daw tingog ni Jacob, pero ang imo mga butkon daw iya ni Esau.”
23 Wala niya makilala si Jacob, kay ang iya sini mga butkon bulbolon pareho sang iya ni Esau. Bendisyunan na niya kuntani si Jacob,
24 pero nagpamangkot sia, “Ikaw gid bala ang anak ko nga si Esau?” Nagsabat sia, “Huo.”
25 Nagsiling si Isaac, “Dalhi ako sang imo linuto. Sa tapos ako makakaon sini bendisyunan ko ikaw.” Gindalhan sia ni Jacob sing linuto, kag bino nga ilimnon.
26 Dayon ang iya amay nagsiling sa iya, “Toto, palapit ka kag haluki ako.”
27 Sang pagpalapit niya sa paghalok sa iya amay nasimhutan ni Isaac ang iya mga bayu, gani ginbendisyunan niya sia nga nagasiling, “Ining kahamot sang akon anak kaangay sang kahamot sang latagon nga ginbendisyunan sang GINOO.
 |
| Ginbendisyunan niya sia. (27:27) |
29 Kabay nga ang mga kapungsoran mangin-imo mga alagad, kag ang mga katawuhan magsaludo sa atubangan mo. Kabay nga maggahom ka sa imo mga himata, kag kabay nga ang mga kaliwat sang imo iloy magsaludo sa imo atubangan. Kabay nga ang nagapakamalaut sa imo pagapakamalauton, kag ang nagabendisyon sa imo pagabendisyunan.”
Ginbendisyunan ni Isaac si Esau
30 Si Isaac nakatapos sang iya pagbendisyon, kag sang nakahalin gid lang si Jacob, nag-abot si Esau halin sa iya pagpangayam.31 Nagluto man sia sing manamit nga pagkaon kag iya ini gindala sa iya amay. Nagsiling sia, “Tay, kon mahimo magpungko ka kag magkaon sang linuto nga gindala ko sa imo, agod mabendisyunan mo ako.”
32 Si Isaac nagpamangkot sa iya, “Sin-o ka?” Nagsabat sia, “Si Esau, ang imo magulang nga anak.”
33 Nagpalangurog ang bug-os nga lawas ni Isaac kag nagpamangkot sia, “Karon sin-o yadtong nag-ihaw sing sapat kag nagdala sadto sa akon? Nakaon ko gid lang kag umabot ka. Ginhatag ko sa iya ang akon katapusan nga bendisyon, kag mangin-iya ini sa wala sing katubtoban.”
34 Sang pagkabati ni Esau sini, naghibi sia sing tudo gid nga nagahibubon-ot kag nagsiling, “Tay, bendisyuni man ako!”
35 Si Isaac nagsabat, “Ang imo utod nagkari kag nagdaya sa akon. Nakuha na niya ang bendisyon nga para sa imo.”
36 Si Esau nagsiling, “Ikaduha na ini nga pagdaya niya sa akon. Gai ko man nga ang iya ngalan si Jacob.q Ginkuha niya ang akon mga kinamatarong subong panganay, kag karon ginkuha niya ang bendisyon nga para sa akon. Wala ka na gid bala sing bendisyon para sa akon?”
37 Si Isaac nagsabat kay Esau, “Ginhimo ko na sia nga agalon mo, kag ginhimo ko ang iya mga kahimataan nga iya mga ulipon. Ginhatagan ko sia sing kalan-on kag bino. Karon toto, wala na gid ako sing mahimo para sa imo?”
38 Si Esau nagpadayon sa pagpakiluoy sa iya amay, “Tay, isa gid lang bala ang imo bendisyon? Bendisyuni man ako, tay.” Kag naghibi sia sing tudo gid.
39 Dayon si Isaac nagsiling sa iya, “Wala sing maayo nga duta para sa imo, wala sing tun-og sang langit para sa imo mga uma.
40 Magakabuhi ikaw paagi sa imo espada, kag mangin-ulipon sang imo utod. Pero kon magpamatok ka, makapanginpadlos ka sa iya gahom.”
41 Si Esau nagdumot kay Jacob, kay ang bendisyon nga para sa iya ginhatag sang iya amay kay Jacob, kag si Esau nagsiling sa iya kaugalingon, “Ang paglalaw sa kamatayon sang akon amay madali na lang. Kon matapos ini, patyon ko si Jacob.”
42 Pero si Rebeca nakabati sang plano ni Esau, gani ginpatawag niya si Jacob kag ginsingganan, “Mag-andam ka, si Esau nga imo utod nagadumot sa imo kag nagaplano sa pagpatay sa imo.
43 Nonoy, tumana ang ginasiling ko sa imo. Manghimos ka kag magkadto didto sa akon utod nga si Laban sa Haran.
44 Didto ka lang anay sa iya tubtob mag-ugdaw ang kaakig sang imo utod,
45 kag malipatan niya ang ginhimo mo sa iya. Ipasugat ko ugaling ikaw didto. Ngaa duha gid ka mga anak ko ang madula sa akon sa isa ka adlaw?”
Ginpakadto ni Isaac si Jacob kay Laban
46 Si Rebeca nagsiling kay Isaac, “Natak-an ako kag nagamuhan sang mga asawa ni Esau nga mga dumoluong. Kon mapangasawa ni Jacob ang isa pa sining mga babayi nga Hethanon, maayo pa nga mapatay na lang ako.”qJACOB: Tan-awa ang 25:26.
No comments:
Post a Comment