Liturhiya sang Pulong
(Miyerkules, Oktubre 9, 2019)
 |
| San Dionisio kag lya mga Kaupdanan, Obispo kag mga Martires |
Ang Pagbasa gikan sa Libro ni:
Jonas nga Propeta 4:1-11
Si Jonas wala malipay nahanungod sini kag naakig sia. Gani nagpangamuyo sia, “O GINOO, indi bala nga nagsiling ako sa imo sang wala pa ako makahalin sa amon, nga amo gid ini ang himuon mo? Amo ini ang kabangdanan nga nagtinguha ako sa pagpalagyo pakadto sa España! Nakahibalo ako nga ikaw mahigugmaon kag maluloy-on nga Dios, mapinatawaron kag malulo sa gihapon, kag handa sa gihapon sa pagbaylo sing imo hunahona kag indi magsilot. Gani karon, O Ginoo, kon mahimo kuhaa na lang ang akon kabuhi kay maayo pa nga mapatay ako sang sa mabuhi.”
Ang Ginoo nagsabat, "May katarungan bala ikaw sa pagpangakig?"
Si Jonas naggwa sa siyudad sa sidlangan nayon, kag naglingkod. Naghimo sia sing iya palasilungan kag nagpasilong didto. Dayon naghulat sia kon ano ang
matabo sa siyudad. Ang Ginoong Dios nagpatubo sing tanom nga naglapaw sa palasilungan ni Jonas, sa paghatag sa iya sing handong agod indi sia mainitan. Gani si Jonas nalipay gid sini. Pero sang kaagahon sang madason nga adlaw, ang tanom ginpakaon sang Dios sa ulod, kag napatay ini. Sang pagtaas sang adlaw, ang Dios nagpahuyop sung tama kainit nga salatan, kag si Jonas daw malipon sa kasingkal sang init nga nagatupa sa iya ulo. Gani naghandom sia nga mapatay. Nagsiling sia, "Maayo pa mapatay ako sang sa mabuhi.”
Pero ang Dios nagsiling sa iya, "May katarungan bala ikaw sa pagpangakig nahanungod sa tanom?"
Nagsabat si Jonas, "Huo e! May katarungan ako sa pagpangakig, bisan pa mapatay ako!"
Ang Ginoo nagsiling sa iya, "Ini nga tanom nagtubo sa isa ka gab-i kag sa madason nga gab-i wala na. Nabalaka ikaw sa tanom nga wala mo pagpangabudlayi kag indi ikaw ang nagtanom. Gani, daw ano pa gid ang akon pagkabalaka sa Ninive, inang daku nga siyudad nga may sobra sa 120,000 ka mga kabataan nga wala sing sala kag may madamo nga mga kahayupan!"
Ang Ginoo nagsabat, "May katarungan bala ikaw sa pagpangakig?"
Si Jonas naggwa sa siyudad sa sidlangan nayon, kag naglingkod. Naghimo sia sing iya palasilungan kag nagpasilong didto. Dayon naghulat sia kon ano ang
matabo sa siyudad. Ang Ginoong Dios nagpatubo sing tanom nga naglapaw sa palasilungan ni Jonas, sa paghatag sa iya sing handong agod indi sia mainitan. Gani si Jonas nalipay gid sini. Pero sang kaagahon sang madason nga adlaw, ang tanom ginpakaon sang Dios sa ulod, kag napatay ini. Sang pagtaas sang adlaw, ang Dios nagpahuyop sung tama kainit nga salatan, kag si Jonas daw malipon sa kasingkal sang init nga nagatupa sa iya ulo. Gani naghandom sia nga mapatay. Nagsiling sia, "Maayo pa mapatay ako sang sa mabuhi.”
Pero ang Dios nagsiling sa iya, "May katarungan bala ikaw sa pagpangakig nahanungod sa tanom?"
Nagsabat si Jonas, "Huo e! May katarungan ako sa pagpangakig, bisan pa mapatay ako!"
Ang Ginoo nagsiling sa iya, "Ini nga tanom nagtubo sa isa ka gab-i kag sa madason nga gab-i wala na. Nabalaka ikaw sa tanom nga wala mo pagpangabudlayi kag indi ikaw ang nagtanom. Gani, daw ano pa gid ang akon pagkabalaka sa Ninive, inang daku nga siyudad nga may sobra sa 120,000 ka mga kabataan nga wala sing sala kag may madamo nga mga kahayupan!"
Salmo sa Pagsabat:
Ikaw amo ang akon Dios, gani kaluoyi ako, O Ginoo, nagapangamuyo ako sa imo sa bug-os nga adlaw. Lipaya man ang imo alagad, O Ginoo, kay ang akon pangamuyo nagalambat sa imo. (S)
O Ginoo, maayo ka kag mapinatawaron, puno sang mapinadayunon nga gugma sa tanan nga nagapangamuyo sa imo. Pamatii man, O Ginoo, ang akon pangamuyo, dungga ang akon pagpangayo sing bulig. (S)
Ang tanan nga mga kapungsoran nga imo gintuga magakari kag magaluhod sa imo. Magadayaw sila sang imo pagkagamhanan. lkaw gamhanan kag nagahimo sang makatilingala nga mga butang; ikaw lamang amo ang Dios. (S)
Mga Salmo 86:3-4, 5-6, 9-10
(S) O Ginoo, ikaw indi madali mangakig, malulo kag matutom sa gihapon.Ikaw amo ang akon Dios, gani kaluoyi ako, O Ginoo, nagapangamuyo ako sa imo sa bug-os nga adlaw. Lipaya man ang imo alagad, O Ginoo, kay ang akon pangamuyo nagalambat sa imo. (S)
O Ginoo, maayo ka kag mapinatawaron, puno sang mapinadayunon nga gugma sa tanan nga nagapangamuyo sa imo. Pamatii man, O Ginoo, ang akon pangamuyo, dungga ang akon pagpangayo sing bulig. (S)
Ang tanan nga mga kapungsoran nga imo gintuga magakari kag magaluhod sa imo. Magadayaw sila sang imo pagkagamhanan. lkaw gamhanan kag nagahimo sang makatilingala nga mga butang; ikaw lamang amo ang Dios. (S)
Aleluya:
Roma 8:15
Kamo ginahimo nga mga anak sang Dios, kag paagi sa gahom sang Espiritu nagapanawag kita sa Dios, “O Amay, Amay ko!”
Ang Pagbasa sang Santos nga Ebanghelyo suno kay:
San Lucas 11:1-4
Isa sadto ka tion si Jesus nagapangamuyo sa isa ka duog. Sang pagkatapos niya, ang isa sang iya mga gintuton-an nagsiling sa iya, “Ginoo, tudloi kami sa pagpangamuyo, subong nga si Juan nagtudlo man sang iya mga gintuton-an.”
Si Jesus nagsiling sa ila, “Magpangamuyo kamo sing subong sini:
‘Amay,
Kabay nga magkari ang imo Ginharian.
Hatagi kami adlaw-adlaw sang kalan-on
Nga amon kinahanglanon.
Patawara kami sang amon mga sala,
Kay ginapatawad man namon
Ang tanan nga nakasala sa amon.
Indi kami pag-ipadaog sa mga pagsulay.’ ”
Si Jesus nagsiling sa ila, “Magpangamuyo kamo sing subong sini:
‘Amay,
Kabay nga magkari ang imo Ginharian.
Hatagi kami adlaw-adlaw sang kalan-on
Nga amon kinahanglanon.
Patawara kami sang amon mga sala,
Kay ginapatawad man namon
Ang tanan nga nakasala sa amon.
Indi kami pag-ipadaog sa mga pagsulay.’ ”
No comments:
Post a Comment