Liturhiya sang Pulong
(Sabado, Oktubre 12, 2019)
Ang Pagbasa gikan sa Libro ni:
Joel nga Propeta 4:12-21
"Dapat maghanda ang mga kapungsoran kag magkari sa Kapatagan sang Hosapat. Didto, ako nga Ginoo, magalingkod sa paghukom sang tanan nga mga kapungsoran sa palibot. Tama sila kalaut, gani galaba sila subong sang trigo sa tion sang tig-alani, linasa sila subong sang paglinas sang ubas sa pulogaan tubtob nga mag-awas ang bino.”
Linibulibo ang yara sa Kapatagan sang Paghukom. Didto magaabot ang adlaw sang Ginoo sa labing madali. Madulom ang adlaw kag ang bulan, kag ang bituon indi na nagasiga. Ang Ginoo nagangurob sa Bukid sang Sion, nagadaguob sia gikan sa Jerusalem, nagakurog ang duta kag langit, pero pagaapinan niya ang iya mga tawo. "Dayon, O Israel, mahibaluan mo nga ako amo ang Ginoo nga inyo Dios. Nagapuyo ako sa Sion, ang akon balaan nga bukid. Ang Jerusalem manginbalaan nga siyudad, indi na gid sia pag-agawon liwat sang mga dumoluong. Sa sadto nga tion ang mga bukid nahil-ob sang mga katamnan sang ubas, makita sa tanan nga mga bakulod ang mga hayop, may bugana nga tubig sa bug-os nga Juda. Ang isa ka sapa magailig gikan sa Templo sang Ginoo, kag magatubig ini sa Kapatagan sang Kahoy nga Akasya. "Ang Egipto mangin-isa ka desierto, ang Edom malaglag kag mangin-walay pulos, kay ginsalakay nila ang duta sang Juda kag ginpamatay ang iya mga tawo nga wala sing sala. Pagatimalusan ko ang mga ginpamatay, kag indi ko pagluwason ang mga nakasala. Ang Juda kag Jerusalem pagapuy-an sa walay katubtoban, kag, ako, ang Ginoo magapuyo sa Bukid sang Sion.”
Linibulibo ang yara sa Kapatagan sang Paghukom. Didto magaabot ang adlaw sang Ginoo sa labing madali. Madulom ang adlaw kag ang bulan, kag ang bituon indi na nagasiga. Ang Ginoo nagangurob sa Bukid sang Sion, nagadaguob sia gikan sa Jerusalem, nagakurog ang duta kag langit, pero pagaapinan niya ang iya mga tawo. "Dayon, O Israel, mahibaluan mo nga ako amo ang Ginoo nga inyo Dios. Nagapuyo ako sa Sion, ang akon balaan nga bukid. Ang Jerusalem manginbalaan nga siyudad, indi na gid sia pag-agawon liwat sang mga dumoluong. Sa sadto nga tion ang mga bukid nahil-ob sang mga katamnan sang ubas, makita sa tanan nga mga bakulod ang mga hayop, may bugana nga tubig sa bug-os nga Juda. Ang isa ka sapa magailig gikan sa Templo sang Ginoo, kag magatubig ini sa Kapatagan sang Kahoy nga Akasya. "Ang Egipto mangin-isa ka desierto, ang Edom malaglag kag mangin-walay pulos, kay ginsalakay nila ang duta sang Juda kag ginpamatay ang iya mga tawo nga wala sing sala. Pagatimalusan ko ang mga ginpamatay, kag indi ko pagluwason ang mga nakasala. Ang Juda kag Jerusalem pagapuy-an sa walay katubtoban, kag, ako, ang Ginoo magapuyo sa Bukid sang Sion.”
Salmo sa Pagsabat:
Ang Ginoo amo ang hari! Magkalipay ka, O duta! Magkalipay kamo, tanan nga mga isla sang kadagatan! Ang mga panganod kag kadudolman yara sa palibot niya; ang iya ginharian napasad sa katarungan kag hustisya. (S)
Ang mga bakulod nagakatunaw subong sang kandila sa atubangan sang Ginoo, sa atubangan sang Ginoo sang bug-os nga duta. Ang kalangitan nagabantala sang iya pagkamatarong, kag ang tanan nga katawuhan nakakita sang iya himaya. (S)
Ang kapawa nagasilak sa mga matarong, kag ang kalipay sa maayo nga mga tawo. Magkalipay kamo, tanan nga mga matarong, tungod sang ginhimo sang Ginoo! Dumdoma ang ginhimo sang Balaan nga Dios, kag magpasalamat kamo sa iya! (S)
Mga Salmo 97:1-2, 5-6, 11-12
(S) Magkalipay sa Ginoo kamo nga mga matarong.Ang Ginoo amo ang hari! Magkalipay ka, O duta! Magkalipay kamo, tanan nga mga isla sang kadagatan! Ang mga panganod kag kadudolman yara sa palibot niya; ang iya ginharian napasad sa katarungan kag hustisya. (S)
Ang mga bakulod nagakatunaw subong sang kandila sa atubangan sang Ginoo, sa atubangan sang Ginoo sang bug-os nga duta. Ang kalangitan nagabantala sang iya pagkamatarong, kag ang tanan nga katawuhan nakakita sang iya himaya. (S)
Ang kapawa nagasilak sa mga matarong, kag ang kalipay sa maayo nga mga tawo. Magkalipay kamo, tanan nga mga matarong, tungod sang ginhimo sang Ginoo! Dumdoma ang ginhimo sang Balaan nga Dios, kag magpasalamat kamo sa iya! (S)
Aleluya:
Lucas 11:28
Bulahan pa gid ang mga nagapamati sang pulong sang Dios kag nagatuman sini!
Ang Pagbasa sang Santos nga Ebanghelyo suno kay:
San Lucas 11:27-28
Sang makahambal si Jesus sini, may isa ka babayi sa tunga sang mga tawo didto nga nagsinggit, “Bulahan ang babayi nga nagbusong kag nagbatiti sa imo.”
Pero si Jesus nagsabat, “Bulahan pa gid ang mga nagapamati sang pulong sang Dios kag nagatuman sini!”
Pero si Jesus nagsabat, “Bulahan pa gid ang mga nagapamati sang pulong sang Dios kag nagatuman sini!”
No comments:
Post a Comment