Ang inyo Amay sa Langit Nakahibalo na sang inyo Kinahanglan

Liturhiya sang Pulong

(Martes, Marso 3, 2020)

Nahauna nga Senana sang Kwaresma

Ang Pagbasa gikan sa Libro ni:

Isaias nga Propeta 55:10-11

   “Ang akon pulong kaangay sangyelo kag ulan nga nagahalin sa langit sa paghatag sing tubig sa duta.Magapatubo ini sang mga tanom; nagahatag ini sing binhi nga inugtanom kag kalan-on agod kaunon.
   Amo man ang pulong nga akon ginahambal-indi ini mapaslawan sa paghimo sang akonginaplano; magahimo ini sang tanan nga akon tinutoyo.

Salmo sa Pagsabat:

Mga Salmo 34:4-5, 6-7, 16-17, 18-19

(S) Ang Ginoo nagluwas sa mga matarong sa tanan nila nga kalisdanan.

Ibantala ta ang pagkadaku sang Ginoo, dayawon ta sing tingob ang iya ngalan! Nagpangamuyo ako sa Ginoo kag ginasabat niya ako; ginkuha niya ang tanan ko nga mga kahadlok. (S)
Ang mga ginapigos nagasalig sa iya kag nagakalipay sila; indi gid sila mapaslawan. Ang mga makaluluoy nagapanawag sa sa iya, kag nagasabat sia sa ila; ginaluwas niya sila sa tanan nila nga mga kalalat-an. (S)
Ang Ginoo nagabantay sa mga matarong, kag nagapamati sa ila mga pagpanawag; pero ginasumpong niya ang mga nagahimo sing malaut, sa bagay nga bisan ang ila mga kasimanwa nagakalipat sa ila. (S)
Ang mga matarong nagapanawag sa Ginoo kag nagpamati sia, kag ginaluwas niya sila sa tanan nila nga mga kalisdanan. Ang Ginoo malapit sa mga napaslawan; ginaluwas niya ang mga nadulaan sing paglaum. (S)

Sa Wala pa ang Ebanghelyo:

Mateo 4:4

   Indi lamang sa tinapay mabuhi ang tawo kundi sa tagsa ka pulong nga ginahambal sang Dios.

Ang Pagbasa sang Santos nga Ebanghelyo suno kay:

San Mateo 6:7-15

   “Sa inyo pagpangamuyo indi kamo maggamit sang madamo nga mga pulong nga wala sing pulos subong sang ginahimo sang mga pagano, nga nagahunahona nga pagapamatian sila sang Dios tungod kay malawig ang ila mga pangamuyo. Indi kamo magmanginkaangay sa ila, kay ang inyo Amay nakahibalo na sang inyo kinahanglan sa wala pa kamo makapangamuyo. Gani dapat kamo magpangamuyo sing subong sini:
     ‘Amay namon nga yara sa langit,
     Pakabalaanon ang imo ngalan,
     Magkari ang imo Ginharian,
     Matuman ang imo kabubot-on
     Diri sa duta
     Subong man sang sa langit.
     Hatagi kami karon nga adlaw
     Sang kalan-on
     Nga amon kinahanglanon,
     Patawara kami sang amon mga sala,
     Subong nga ginapatawad man namon
     Ang mga nakasala sa amon.
     Indi kami pag-ipadaog
     Sa mga pagsulay,
     Kundi luwasa kami sa Malaut.’
   “Kay kon ginapatawad ninyo ang mga nakasala sa inyo, ang inyo Amay sa langit magapatawad man sang inyo mga sala. Pero kon wala ninyo ginapatawad ang mga nakasala sa inyo, ang inyo Amay sa langit indi man magpatawad sa inyo.”

Marso 2 | Marso 4