Himaya (Misa Isidoriana)

Ref.: Himaya, himaya sa Dios sa kahitaasan,

kag sa duta paghidaet sa mga tawo

nga maayo sing kabubut-on.

1. O Ginoong Dios, Hari nga langitnon. Dios nga Amay

Makagagahum sang tanan. Nagadayaw kami sa Imo,

nagapanginbulahan kami. Nagasimba kami sa Imo,

nagahimaya kami. Nagapasalamat kami sa tanan sa Imo

bangud sang daku Mo nga himaya. (Ref.)

2. O Ginoong Jesucristo bugtong Anak sang Dios nga

Amay. Ginoong Dios Kordero sang Dios. Ikaw nga

nagawala sang mga sala sang kalibutan  malooy Ka

sa amon kag batuna ang amon pag-ampo Ikaw nga

nagalingkod sa tuo sang Dios nga Amay malooy Ka

sa amon. (Ref.)

3. Tungod kay Ikaw lamang ang Santo. Ikaw lamang ang Ginoo.

Ikaw lamang ang labing mataas o Jesucristo.

Upod sa Espiritu Santo sa himaya sang Dios nga Amay.

Amen. Amen!

 

Ginoo Malooy Ka (Misa Isidoriana)

Ginoo malooy Ka, malooy Ka sa amon

Ginoo malooy Ka, malooy Ka sa amon

Kristo malooy Ka, Kristo malooy Ka, malooy Ka sa amon

Kristo malooy Ka, Kristo malooy Ka, malooy Ka sa amon

  Ginoo malooy Ka, malooy Ka sa amon

Ginoo malooy Ka, malooy Ka sa amon

Tamda, Ginoo

Ref.: Tamda Ginoo, ining amon sakripisyo

Kami gaampo paagi sini nga himno

1. Ang kasingkasing pun-on Mo sing paghigugma,

Ikaw gid lamang sini gapanag-iya.

2. Akon nga handum nga Ikaw ang magasanag

sa panahon sang amon nga kalisdanan.

3. Ang mga tawo sa Imo nagahimaya,

pagsimbahon Ka namon diri sa duta.

Timaan Sang Panahon

KORO: Timaan sang panahon, nagapahayag sa kabuhi,

sa kasakitan, sa kalipay. Ang Ginoo nagasaysay

sa timaan sang panahon.

1. Sa kabuhi may panganod nga nagadulom sa akon mata.

Sa kabuhi may balud nga nagadala sang dakung kagha.

Timaan timaan sang panahon.

2. Sa kabuhi may suba nga naga-ilig sa dakung gugma,

Sa kabuhi may bubon nga nagabunyag sa dila nga mala.

Dungganon nga dulot sang gugma Mo.

Alleluia (Misa sang Mamumugon)

Pangamuyo ko nagalambot sa Imo, Ginoo.

Maayo kag mapinatawaron ang akon Ginoo.

Dayaw himaya alleluia, Dayaw himaya alleluia.

Mag-amba ang kapungsoran sing tingub alleluia.

 

Kasilingan

1. Masunson kita gatililipon, adlaw nga Domingo;

Manggaranon kag imol, gakanta, sang mga himno.

Masunson, kon Domingo, ang binunyagan gasimba.

Apang ginabaton ko bala, ang tagsatagsa sa ila?

Ref.: Kasilingan ko gatawag, gapangayo bulig ko;

Kasilingan, isigkatawo, utod ko kay Kristo.

2. Dugay na ang akon panawag, sa imo utod ko.

Apang dugay man nga ginkalimtan mo ang gugma Ko.

Dugay na nga yari ako, sa Imo gatawag.

Apang nagpabulagbulag ka sa kinahanglan ko.

Daku Nga Pagpanikasug

Sa daku nga pagpanikasug, saligan ta ang Dios;

Kag sa iya aton ibungat, ang tagsa ka dungog.

1. May mga nagapasimpalad nga masunson ginakugmat

Sa madamong kapaslawan bangud sang kakulangan.

2. Kon kita na ang ginatawag sa pagpakigsakop sa Dios;

Maghanda ta sa pagtugda sing wa'y duha-duha

3. Ang paghalad nga wa'y sing sablag, sang aton bug-os nga kalag

Karon aton ipabutyag sa aton Magbubuhat

4. Ang tanan naton nga pag-antus, ihalad ta sa aton Dios;

Kay sa aton paghimud-os, kalipay ang balus.

Ang Wa'y Sing Tupong Nga Gugma

Ref.: Ang wa'y sing tupong nga gugma

Ginpa-ambit sang mahal nga Dios;

Gugma nga mangin-bahandi

Sang tanan nga paghimud-os.

1. Gugma nga mainantuson gugma nga wala'y sablag;

Kag wa'y paghinulsol nga ginahatag sang halangdon naton nga Dios.

2. Gugma nga wala sing dagta, gugma nga di-mahisa;

Kay masunson nga ginakaibugan, sang madamo nga katawohan.

3. Gugma nga nagapabaskug, sang maluya nga kalag,

Kag may kalipay nga ginapa-ambit sang halangdon naton nga Dios.

Aklamasyon (Misa Kalinungan)

Si Kristo namatay, alleluia, alleluia.

Si Kristo nabanhaw, alleluia, alleluia.

Si Kristo magkari liwat, alleluia, alleluia.

Santo (Misa Kalinungan)

Santo, Santo, Santo, ang Ginoo Dios sang mga ehersitu;

Hosana sa kahitaasan

1. Puno ang langit kag duta sang Imo himaya;

Hosana, hosana, hosana sa kahitaasan.

2. Dayawon ang nagakari sa ngalan sang Ginoo,

Hosana, hosana, hosana sa kahitaasan.

Ang Malig-on nga Pagtuo

Ang malig-on nga pagtuo, Ihalad sa Ginoo;

Nga may dala'ng pag-amba. Ang iyang pagkabala-an

Nagadala sang grasya sa aton kaluwasan.

1. Ang tanan nga pag-antus, nga ginahalad sa Dios;

may tigana nga katibawasan.

2. Ang pagkasakit sa Krus nga gin-antus ni Jesus,

Ginbalusan sang kahimaya-an.

Pagpahayag Sang Gugma

1. Akon nga kantahon kabuhi sa uma,

Hayop kag hilamon masinadyahon

Dapya sang hangin nga mabugnaw,

akon nga kantahon kag ihugyaw.

Ang paghigugma sang Manugtuga,

ginapahayag sang tanum sa uma.

2. Akon nga kantahon tubig sa dagat,

palangitan-an sang katawohan;

Sulog sang tubig nga mabugnaw,

akon nga kantahon kag ihugyaw.

Ang paghigugma sang Manugtuga,

ginapahayag sang balud sa laya.

3. Akon nga kantahon talon sa bukid,

Tigbaw kag talahib sa akon dalan;

Ilig sang tubig sa may busay;

akon nga kantahon kag isaysay.

Ang paghigugma sang Manugtuga,

ginapahayag sa tigbaw kag banas.

4. Akon nga kantahon tubig sang bunyag,

kabuhi sa altar ani sa duta;

Halad sa Imo, amon Amay,

paagi kay Jesus manunubos;

Ang paghigugma sang Manugtuga,

Ginapahayag sang Anak sa Amay.

 

Alleluia (Misa Kalinungan)

Alleluia, kantahon ang pagpasalamat;

Alleluia, sa Dios nga aton Magbubuhat.

Alleluia, alleluia, ang tanan nga pulong sang Dios;

Alleluia, alleluia, pagtuohan sing bug-os.

Himaya (Misa Kalinungan)

Ref.: Kantahon ko ang pagdayaw, himaya sa Dios,

himaya sa Dios, kag akon nga ihugyaw himaya sa

Dios sa Kahitaasan.

1. Kag sa duta paghidait sa mga tawo nga maayo sing kabubut-on;

O Ginoo'ng Dios, Haring langitnon, Dios nga Amay,

makagagahum sang tanan.   (Ref.)

2. Nagadayaw kami sa Imo. Nagapanginbulahan kami, nagasimba

kami sa Imo; Nagahimaya kami sa Imo; Nagapasalamat kami sa Imo

bangud sang Imong dakung himaya.   (Ref.)

3. O Ginoong Jesukristo, bugtong Anak sang Dios nga Amay,

Ginoong Dios, Kordero sang Dios.   (Ref.)

4. Ikaw nga nagawala sang sala kalibutan, malooy ka

sa amon; kag batuna ang amon pag-ampo. Ikaw nga nagalingkod

sa tuo sang Dios nga Amay, malooy Ka sa amon.   (Ref.)

5. Tungod kay Ikaw lamang ang Santo, Ikaw lamang ang Ginoo;
Ikaw lamang ang labing mataas, O Jesukristo.
Upod sa Espiritu Santo sa Himaya sang Dios nga Amay.   (Ref.)

Ang Kalinungan

Ref.: Ang kalinungan, ginahandum sang tanan;

Ang paghangpanay, katumbas sang kalipay.

1. Ang pag-ampo ni Jesus, nga kita mangin-isa,

sa pagsirbe sa Iya, pina-agi sa gugma;

Ang tanan nga pagdumot ikalimtan ta.   Refrain...

2. Ginahandum sang tanan ang ining kalinungan

nga amo ang mag-untat sang mga kagamuhan

Tamyawon ta ang tanan nga kautoran.   Refrain...

3. Sa aton pagkabuhi busgon ta sing pagtamud;

ang tagsa ka higayon sa paghatag sang gugma

kay paagi sa sini may kahilwayan.   Refrain...

Ang Ginoo Gahari Karon

Ang Ginoo gahari karon, aton isinggit ang kalipay;

Mag-amba kita sa pagdayaw sa Diosnong hari angay.

1. Mga tawo hinugyaw kamo, sa kalipay palakpak kamo;

Ang Ginoo sang kahimayaan, Hari man sa sining kalibutan.

2. Dayawon ta ang Amay kag ang Anak kag ang Dios nga Espiritu Santo,

Gapuyo sa aton kasingkasing, karon kag sa gihapon. Amen.

Kabuhing Dayon

Ref.: Kabuhing dayon ginalauman ko,

kay ang Ginoo ang nagsiling:

1. Ang makakaon, sining lawas Ko, Magakabuhi tubtob san-o.   Ref.

2. Ining dugo Ko, batunon ninyo, kabuhing dayon idulot Ko.   Ref.

3. Ako ang dalan, para sa inyo; ang magatu-o, buhion Ko.   Ref.

4. Ako ang iwag, nga magasanag, sa katawhanan nga nadulman.   Ref.

5. Sa mga tawo nga may pagtuo, kabuhing dayon idulot Ko.   Ref.

Ihalad Namon sa Imo

1. Ihalad namon sa imo, mahigugmaong Ginoo,

Ang mga pag-ampo kag pag-antus, kag ang mga buhat namon,

Ref.: Dira upod sa imo, sa gihapon naga-amba

Ang gugma mo, O Ginoo, amo ang gugmang labing himpit.

2. Ang kasingkasing, Ginoo, kag ang amon nga paghigugma

Karon imo tanan batuna, kalag kag lawas yari na.

3. Gikan sa diotay namon nga manggad, ini gid ang labing maayo,

Pinili sa dakung paghimulat, nga makabalus sa imo.

Ang Pulong Mo, Ginoo

1. Ang pulong Mo, Ginoo, ang nagtawag sa amon, sa sining paghiugyon

Imo nga ginbantala ang imo nga kaayo sa tanan nga banwa Mo.

Ref.: Ihatag mo ang grasya, sa tagsa ka tinuga nga gasimba sa Imo.

Ang amon kaluwasan sa amon kasal-anan itugot, Ginoo.

2. Ang amon kasingkasing, daw wala sing kabuhi, kon ikaw italikdan.

Ihatag mo sa amon, ang grasya sa pagtuman, sang tanan nga sugo Mo.

Kita Naga-ambahan

Kita tanan naga-ambahan, sa pagpasalamat

sa aton nga Ginoo, nga aton Magbubuhat

1. Sa aton ginatugyan, sang Dios ang pagpalapnag

sang iya nga himaya, sa bug-os nga katawhan

2. Kay aton nahibal-an nga may mga katawhan,

nga angay gid hatagan sang aton paghigugma.

3. Natapus na ang Misa, sa altar sang Ginoo,

aton nga padayunon sa tagsa ka tion.

4. Ang aton nga kabuhi, upod kay Jesukristo,

pun-on ta sing paglaum, sa kabuhi nga dayon.