Liturhiya sang Pulong
(Huwebes, Agosto 15, 2019)
 |
| Ang Pagdala sa Langit sa Mahal nga Birhen Maria (Misa sa Bihilya) |
1. Ang Pagbasa gikan sa Nahauna nga Libro sang:
Mga Cronica 15:3-4, 15-16; 16:1-2
Gani gintipon ni David ang tanan nga mga tawo sang Israel sa Jerusalem sa pagdala sang Kaban sang Kasugtanan pakadto sa duog nga iya gin-aman para sa sini. Dayon ginpatawag niya ang mga kaliwat ni Aaron kag ang mga Levita.
Ginyayungan ini sang mga Levita, suno sa ginsugo sang Ginoo kay Moises nga pagahimuon.
Ginsugo ni Moises ang mga pangulo sang mga Levita sa pagpili sing mga Levita sa pagkanta kag sa pagtukar sang mga arpa kag mga platilyos.
Gindala nila ang Kaban sang Kasugtanan pakadto sa tolda nga gin-aman ni David para sa sini kag ginbutang ini pasulod. Dayon nagdulot sila sing mga halad nga sinunog kag mga halad sa paghiambit sa Dios. Sang makatapos si David sa pagdulot sing mga halad nga sinunog, ginbendisyunan niya ang mga tawo sa ngalan sang Ginoo.
Ginyayungan ini sang mga Levita, suno sa ginsugo sang Ginoo kay Moises nga pagahimuon.
Ginsugo ni Moises ang mga pangulo sang mga Levita sa pagpili sing mga Levita sa pagkanta kag sa pagtukar sang mga arpa kag mga platilyos.
Gindala nila ang Kaban sang Kasugtanan pakadto sa tolda nga gin-aman ni David para sa sini kag ginbutang ini pasulod. Dayon nagdulot sila sing mga halad nga sinunog kag mga halad sa paghiambit sa Dios. Sang makatapos si David sa pagdulot sing mga halad nga sinunog, ginbendisyunan niya ang mga tawo sa ngalan sang Ginoo.
Salmo sa Pagsabat:
Mga Salmo 132:6-7, 9-10, 13-14
(S) Kari ka sa imo palahuwayan, O Ginoo, upod sa imo Kaban sang Kasugtanan, ang tanda sang imo gahom.
Nakabati kami sa Bethlehem nahanungod sang Kaban sang Kasugtanan, kag nakita namon ini sa latagon sang Jaar. Nagsiling kami, “Makadto kita sa balay sang Ginoo; masimba kita sa atubangan sang iya trono!” (S)
Kabay ang imo mga pari magbantala nga ikaw nagaluwas sang imo mga tawo; kabay ang imo mga tawo maghugyaw sa kalipay! Nagsaad ka sa imo alagad nga si David, indi pagsikwaya ang imo pinili nga hari, O Ginoo! (S)
Ginpili sang Ginoo ang Sion, kay luyag sia maghimo sang iya puloy-an didto; “Diri ako magapuyo sa walay katubtoban, diri ako luyag maggahom. (S)
2. Ang Pagbasa gikan sa Nahauna nga Sulat ni San Pablo nga Apostol, sa mga:
Kabay ang imo mga pari magbantala nga ikaw nagaluwas sang imo mga tawo; kabay ang imo mga tawo maghugyaw sa kalipay! Nagsaad ka sa imo alagad nga si David, indi pagsikwaya ang imo pinili nga hari, O Ginoo! (S)
Ginpili sang Ginoo ang Sion, kay luyag sia maghimo sang iya puloy-an didto; “Diri ako magapuyo sa walay katubtoban, diri ako luyag maggahom. (S)
2. Ang Pagbasa gikan sa Nahauna nga Sulat ni San Pablo nga Apostol, sa mga:
Taga-Corinto 15:54-57
Gani kon ang pagkamamalatyon masukloban sang pagkadi-mamalatyon, kag kon ang mapatay pa masukloban sang indi na mapatay, ti, manginmatuod ang kasulatan nga nagasiling, “Ang Kamatayon gindaog na!” “O Kamatayon, Diin na bala ang imo pagdaog? O Kamatayon, Diin na bala Ang imo gahom sa pagsakit?” Ang gahom sang kamatayon sa pagsakit nagagikan sa sala, kag ang gahom sang sala nagagikan sa Kasugoan. Pero salamat sa Dios nga nagahatag sa aton sing pagdaog paagi sa kay Ginoong Jesu-Cristo!
Aleluya:
Lucas 11:28
Bulahan ang nagapamati sang pulong sang Dios kag nagatuman sini!
Ang Pagbasa sang Santos nga Ebanghelyo suno kay:
San Lucas 11:27-28
Sang makahambal si Jesus sini, may isa ka babayi sa tunga sang mga tawo didto nga nagsinggit, “Bulahan ang babayi nga nagbusong kag nagbatiti sa imo.”
Pero si Jesus nagsabat, “Bulahan pa gid ang mga nagapamati sang pulong sang Dios kag nagatuman sini!”
Pero si Jesus nagsabat, “Bulahan pa gid ang mga nagapamati sang pulong sang Dios kag nagatuman sini!”
No comments:
Post a Comment