♤♤♤♤♤
1 "Indi ka maghalad sa GINOO nga imo Dios sang isa ka baka ukon karnero nga may depekto, kay ini ginakangil-aran sang Ginoo.
2 "Kon may isa ka lalaki ukon babayi sa inyo mga banwa nga nakasala batok sa Ginoo kag nakalapas sang iya kasugtanan
3 paagi sa pagsimba kag pag-alagad sa iban nga mga dios, ukon sa adlaw, sa bulan, ukon sa mga bituon nga batok sa sugo sang Ginoo,
4 kon makabati ka sini, usisaa gid sing maayo. Kon matuod nga ining malaut nga butang natabo sa Israel,
5 dayon dalha ini nga tawo sa gwa sang banwa kag batuha sia tubtob mapatay.
6 Ang isa ka tawo sarang mapamatbatan sang kamatayon sa panaksihon sang duha ukon tatlo ka mga saksi, pero indi sia mapamatbatan sang kamatayon sa panaksihon sang isa ka tawo lamang.
7 Ang mga saksi amo ang nahauna nga dapat maghaboy sing bato, kag dayon ang iban nga mga tawo magbato man sa amo nga tawo. Sa amo nga paagi makuha ini nga kalautan.
8 "Kon may mga kaso nga mabudlay hukman nahanungod sa pagpatay, ukon pag-agaway sang mga pagkabutang, ukon pagsakit sang isa ka tawo, magkadto ka sa duog nga ginasimbahan,
9 kag itugyan ang imo kaso sa mga pari nga mga Levita kag sa hukom sina nga tion kag pahukmi sa ila ini nga kaso.
10 Magahatag sila sang ila pamatbat, kag himuon mo ang suno gid sa siling nila.
11 Batuna ang ila pamatbat kag tumana mg tanan nila nga mga ginasiling.
12 Ang bisan sin-o nga indi magtuman sa hukom ukon sa pari sa sina nga tion pagapatyon, kag sa sini nga paagi inakuha sa pumoluyo sang Israel ini nga kalautan.
13 Dayon ang tagsatagsa nga makabati sini magakahadlok, kag wala sing bisan isa nga magapangahas sa paghimo sang amo nga paagi.
Mga Pagtudlo Nahanungod sa Hari
14 "Sa tapos ninyo mapanag-iyahan ang duta nga ginahatag sang Ginoo nga inyo Dios sa inyo kag makapuyo na kamo didto, ayhan luyag na kamo nga may hari man kamo subong sang mga kapungsoran sa palibot ninyo.
15 Pat-uron gid ninyo nga ang tawo nga ginpili ninyo nga manginhari amo ang ginpili sang Ginoo. Kinahanglan isa sia sang inyo mga kasimanwa. Indi paghimoa ang isa ka dumoluong nga mangin-inyo hari.
16 Ang hari indi dapat magpanag-iya sang madamo nga mga kabayo para sa inaway, kag indi sia magsugo sing mga tawo sa Egipto sa pagbakal sing mga kabayo,l kay ang Ginoo nagsiling nga ang iya mga tawo indi na gid magbalik didto.
17 Ang hari indi dapat mag-angkon sing madamo nga mga asawa, kay ini sila magapahilayo sa iya sa Ginoo, kag indi sia dapat mag-angkon sing madamo nga mga pilak kag bulawan.
18 Kon maghari sia kinahanglan may libro sia sang mga kasugoan sang Dios kag mga pagtulon-an nga ginkopya halin sa nahauna nga Iibro nga gintago sang mga pari nga Levita.
19 Kinahanglan tipigan niya ini kag basahon sa bug-os niya nga kabuhi, agod magtuon sia sa pagtahod sa Ginoo kag sa pagtuman sing maayo sang tanan nga ginasugo sini.
20 Sa sini nga paagi indi sia magpabugal sa iya kasimanwa nga mga Israelinhon kag indi sia maglapas sang bisan ano nga mga sugo sang Ginoo. Dayon sia kag ang iya mga kaliwat magagahom sa Israel sa madamo nga mga kaliwatan.
lsa pagbakal sing mga kabayo; ukon nga ibaylo sa mga kabayo.
No comments:
Post a Comment