NUMEROS - Kapitulo 2

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36

□□□□□

Ang Pagpahamtang sang mga Tribo sa Kampamento

1 Ang GINOO naghambal kay Moises kag kay Aaron nga nagasiling nga

2 kon ang mga Israelinhon magpatindog sing kampamento, ang tagsa ka tawo magpatindog sang iya tolda sa idalom sang bandera sang iya grupo kag sang bandera sang iya kaugalingon nga baranggay. Ang kampamento ipahamtang sa palibot sang Tolda nga Tilipunan.

3-9 Sa nasidlangan nga bahin, ang mga nasakop sa idalom sang bandera sang grupo ni Juda magapatindog sing kampamento upod sa ila mga sakop, sa idalom sang ila mga pangulo nga amo ang masunod:

Tribo          Pangulo                          Kadamuon
Juda          Naason nga anak ni
                     Aminadab                      74,600
Isacar       Natanael nga anak ni
                     Zuar                                 54,400
Zabulon   Eliab nga anak ni
                     Helon                              57,400

                             Kabug-osan:        186,400

Ang grupo ni Juda amo ang magalakat sing una.

10-16 Sa nabagatnan nga bahin, ang mga nasakop sa idalom sang bandera sang grupo ni Ruben magapatindog sing kampamento upod sa ila mga sakop, sa idalom sang ila mga pangulo nga amo ang masunod:

Tribo         Pangulo                           Kadamuon
Ruben      Elizur nga anak ni
                    Sedeur                              46,500
Simeon    Selumiel nga anak
                    ni Zurisadai                     59,300
Gad          Eliasaf nga anak
                    ni Devel                            45,650

                                Kabug-osan:      151,450

Ang grupo ni Ruben amo ang ikaduha nga magalakat.

17 Dayon, sa gin-utlan sang nahauna nga duha ka grupo kag sang katapusan nga duha ka grupo ang mga Levita amo ang magalakat nga nagadala sang Tolda nga Tilipunan. Ang tagsa ka grupo magalakat sa amo man nga pagpasunod subong sang ila pagpahamtang sang ila kampamento, ang tagsatagsa sa idalom sang ila bandera.

18-24 Sa nakatundan nga bahin, ang mga nasakop sa idalom sang bandera sang grupo ni Efraim magapatindog sang ila kampamento upod sa ila grupo, sa idalom sang ila mga pangulo subong sang masunod:

Tribo              Pangulo                      Kadamuon
Efraim           Elisama nga anak
                          ni Amiud                    40,500

Manases       Gamaliel nga anak
                          ni Pedazur                 32,200
Benjamin     Abidan nga anak ni
                          Gideoni                      35,400

                                Kabug-osan:     108,100

Ang grupo ni Efraim amo ang ikatlo nga magalakat.

25-31 “Ang mga tribo ni, Asher, kag Naftali magkampo Sa Naaminhan nga bahin, ang mga nasakop sa idalom sang bandera sang grupo ni Dan magapatindog sang ila kampamento upod sa ila grupo, sa idalom sang ila mga pangulo subong sang masunod:

Tribo         Pangulo                           Kadamuon

Dan           Ahiezer nga anak
                     ni Amisadai                    62,700
Asher        Pagiel nga anak ni
                     Ocran                               41,500

Neftali      Ahira nga anak ni
                     Enan                                 53,400

                                Kabug-osan:       157,600

Ang grupo ni Dan amo ang katapusan nga magalakat.

32 Ang bug-os nga kadamuon sang mga tawo sang Israel nga nalista sa mga grupo 603,550.

33 Suno sa ginmando sang GINOO kay Moises, ang mga Levita wala ginlista upod sa iban nga mga Israelinhon.

34 Gani ang mga tawo sang Israel nagtuman sang tanan nga butang nga ginsugo sang GINOO kay Moises. Naghimo sila sing kampamento, ang tagsatagsa sa idalom sang iya kaugalingon nga bandera, kag naglakat sila, ang kadaisa upod sa iya kaugalingon nga baranggay.

NUMEROS - Kapitulo 1 <<<   >>> NUMEROS - Kapitulo 3