□□□□□
Ang mga Hitabo sa Cades
(Ex 17:1-7)
1 Sa nahauna nga bulan, ang bug-os nga katilingban sang Israel nakaabot sa desierto sang Zin kag naghimo sila sing kampamento sa Cades. Didto si Miriam napatay kag ginlubong.
2 Wala sing tubig sa duog nga ila ginhimuan sing kampamento, gani ang mga tawo nagtipon sa palibot ni Moises kag ni Aaron
3 kag nagreklamo, "Maayo pa kontani kon magkalamatay kami sa atubangan sang Tolda nga Tilipunan sang Ginoo, upod sa amon kasimanwa nga Israelinhon.
4 Ngaa bala gindala ninyo kami sa sini nga desierto? Agod bala magkalamatay kami upod sa amon mga kasapatan?
5 Ngaa bala nga ginpagwa ninyo kami halin sa Egipto pakadto sa sining malain nga duog nga wala sing bisan ano nga nagatubo? Wala sing trigo, mga higos, mga ubas, ukon mga granada. Wala gani sing tubig nga sarang mainom!"
6 Si Moises kag si Aaron naghalin sa mga tawo kag nagtindog sila sa puwertahan sang Tolda nga Tilipunan. Nagluhod sila nga ang ila mga guya nagaduot sa duta kag ang masilaw nga kapawa nga nagapakita sang presensya sang Ginoo nagpahayag sa ila.
7 Ang Ginoo nagsiling kay Moises,
8 “Kuhaa ang baston nga yara sa atubangan sang Kaban sang Kasugtanan, dayon ikaw kag si Aaron magtipon sang bug-os nga katilingban. Didto sa atubangan sang tanan maghambal ka sa bato, kag gikan sa sini magatubod ang tubig. Sa sini nga paagi magapagwa ka sing tubig gikan sa bato para sa mga tawo, agod imnon nila kag sang ila mga kasapatan."
9 Si Moises naglakat kag ginkuha niya ang baston suno sa sugo sang Ginoo.
10 Sia kag si Aaron nagtipon sang bug-os nga katilingban sa atubangan sang bato, kag si Moises nagsiling, "Pamati kamo nga mga rebelde! Kinahanglan bala nga magkuha kami sing tubig gikan sa sini nga bato para sa inyo?"
11 Dayon ginbayaw ni Moises ang baston kag ginhampak sing makaduha ang bato, kag nagpuswak ang madamo nga tubig, kag ang tanan nga mga tawo kag mga kasapatan nag-inom.
 |
| Nagpuswak ang madamo nga tubig. (20:11) |
12 Pero gin-akigan sang GINOO si Moises kag si Aaron. Nagsiling ang GINOO, “Tungod kay kulang ang inyo pagtuo sa pagkilala sang akon balaan nga gahom sa atubangan sang mga tawo sang Israel, indi kamo makadala sa ila sa pagsulod sa duta nga akon ginsaad nga ihatag sa ila."
13 Nahanabo ini sa Meriba,o sa diin ang mga tawo sang Israel nagreklamo batok sa Ginoo, kag sa diin nagpakita sia sa ila nga sia balaan.
Ang Hari sang Edom wala Magpaagi sang Israel
14 Si Moises nagpadala sing mga mensahero halin sa Cades pakadto sa hari sang Edom. Nagsiling sila, "Ini nga mensahi naghalin sa imo mga himata nga mga tribo sang Israel. Nakahibalo ikaw sang mga kabudlayan nga amon inagihan,
15 kon paano nga ang amon mga katigulangan nagkadto sa Egipto, sa diin nagpuyo kami sa sulod sang madamo nga mga tinuig. Ang mga Egiptohanon nagpigos sang amon mga katigulangan kag sa amon,
16 kag nagpangayo kami sa Ginoo sing bulig. Ginpamatian niya ang amon pagpanawag kag nagpadala sia sa amon sing anghel, nga nagtuytoy sa amon pa gwa sa Egipto. Karon yara kami sa Cades, isa ka banwa nga yara sa dulonan sang imo duta.
17 Kon mahimo tugoti kami sa pag-agi sa imo duta. Kami kag ang imo mga kasapatan indi maglipas sa alagyan ukon magkadto sa imo mga kaumhan ukon mga talamnan sang ubas, kag indi kami mag-inom sa imo mga bubon. Indi kami maglipas sa dalanp tubtob makagwa kami sa imo duta.”
18 Pero ang mga taga-Edom nagsabat, "Indi kami magtugot nga mag-agi kamo sa amon duta! Kon mag-agi kamo, magwa kami kag salakayon namon kamo.”
19 Ang mga tawo sang Israel nagsiling, "Indi kami maglipas sa dalan, kag kon kami kag ang amon mga kasapatan mag-inom sang inyo tubig, bayaran namon ini—ang amon lamang luyag amo nga makaagi kami."
20 Ang mga taga-Edom nagsiling liwat, "Indi kami magtugot!" Dayon naggwa sila upod sa madamo nga mga hangaway sa pagsalakay sa ila.
21 Tungod kay ang mga taga-Edom indi magtugot sa mga Israelinhon sa pag-agi sa ila duta, ang mga Israelinhon naglikaw kag nag-agi sa iban nga dalan.
Ang Pagkapatay ni Aaron
22 Ang bug-os nga katilingban sang Israel naghalin sa Cades kag nakaabot sila sa bukid sang Hor,
23 sa dulonan sang Edom. Didto ang Ginoo nagsiling kay Moises kag kay Aaron,
24 "Si Aaron indi makasulod sa duta nga akon ginsaad nga ihatag sa Israel; mapatay sia, kay kamo nga duha nagrebelde batok sa akon sugo sa Meriba.
25 Dalha si Aaron kag ang iya anak nga lalaki nga si Eleazar sa pagtaklad sa bukid sang Hor,
26 kag ubahi si Aaron sang iya bayo sang pagkapari kag isuksok ini kay Eleazar. Si Aaron mapatay didto."
27 Gintuman ni Moises ang sugo sang Ginoo. Nagtaklad sila sa bukid sang Hor nga nagatan-aw ang bug-os nga katilingban,
28 kag gin-ubahan ni Moises si Aaron sang iya bayo sang pagkapari kag ginpasuksok ini sa kay Eleazar. Didto sa putokputokan sang bukid napatay si Aaron, kag si Moises kag si Eleazar nagdulhog pabalik.
29 Ang bug-os nga katilingban nakahibalo nga napatay si Aaron, kag naglalaw sila para sa iya sa sulod sang 30 ka adlaw.
oMERIBA: Ini nga ngalan sa Hebreo nagakahulogan "pagreklamo."
pdalan; ukon Dalan sang Hari.
pdalan; ukon Dalan sang Hari.
No comments:
Post a Comment