GENESIS - Kapitulo 5

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

■■■■■

Ang mga Kaliwat ni Adam

1 Amo ini ang lista sang mga kaliwat ni Adam. Sang pagtuga sang Dios sang tawo, ginhimo niya sila nga pareho sang iya kaugalingon.

2 Gintuga niya sila nga lalaki kag babayi, ginbendisyunan kag gintawag sila nga “Tawo.”

3 Sang si Adam nagaedad sing 130 ka tuig, ang iya asawa nagbata sing lalaki nga pareho gid sa iya, kag ginhingalanan niya sia kay Set.

4 Sa tapos sini, si Adam nagkabuhi pa sing 800 ka tuig. May iban pa sia nga mga kabataan,

5 kag sang 930 na ka tuig ang iya edad napatay sia.

6 Sang si Set nagaedad sing 105 ka tuig, nagbata ang iya asawa kay Enos,

7 kag nagkabuhi sia sing 807 pa ka tuig. May iban pa sia nga mga kabataan,

8 kag sang nagaedad sia sing 912 ka tuig napatay sia.

9 Sang si Enos nagaedad sing 90 ka tuig, nagbata ang iya asawa kay Kenan,

10 kag nagkabuhi sia sing 815 pa ka tuig. May iban pa sia nga mga kabataan,

11 kag sang nagaedad sia sing 905 ka tuig napatay sia.

12 Sang si Kenan nagaedad sing 70 ka tuig, nagbata ang iya asawa kay Mahalalel,

13 kag nagkabuhi sia sing 840 pa ka tuig. May iban pa sia nga mga kabataan,

14 kag sang nagaedad sia sing 910 ka tuig napatay sia.

15 Sang si Mahalalel nagaedad sing 65 ka tuig, nagbata ang iya asawa kay Jared,

16 kag nagkabuhi sia sing 830 pa ka tuig. May iban pa sia nga mga kabataan,

17 kag sang nagaedad sia sing 895 ka tuig napatay sia.

18 Sang si Jared nagaedad sing 162 ka tuig, nagbata ang iya asawa kay Enoc,

19 kag nagkabuhi sia sing 800 pa ka tuig. May iban pa sia nga mga kabataan,

20 kag sang nagaedad sia sing 962 ka tuig napatay sia.

21 Sang si Enoc nagaedad sing 65 ka tuig, nagbata ang iya asawa kay Metusela.

22 Si Enoc nagkabuhi upod sa Dios sa sulod sang 300 pa ka tuig, kag may iban pa sia nga mga kabataan,

23 tubtob nga nag-edad sia sing 365 ka tuig.

24 Nagkabuhi sia upod sa Dios, kag sang ulihi nadula sia, kay ginkuha sia sang Dios.

25 Sang si Metusela nagaedad sing 187 ka tuig, nagbata ang iya asawa kay Lamec,

26 kag nagkabuhi sia sing 782 pa ka tuig. May iban pa sia nga mga kabataan,

27 kag sang nagaedad sia sing 969 ka tuig napatay sia.

28 Sang si Lamec nagaedad sing 182 ka tuig, nagbata ang iya asawa sing lalaki,

29 kag nagsiling sia, “Gikan sa duta nga ginpakamalaut sang GINOO, ini nga anak magahatag sa aton sing kapahuwayan gikan sa aton mabudlay nga mga bulohaton.” Gani, ginhingalanan niya sia kay Noe.^s

30 Si Lamec nagkabuhi sing 595 pa ka tuig. May iban pa sia nga mga kabataan,

31 kag sang nagaedad sia sing 777 ka tuig napatay sia.

32 Sang makaedad si Noe sing 500 ka tuig, nagbata ang iya asawa kay Sem, Ham, kag Jafet.


^sNOE: Ini nga ngalan kon ihambal sa Hebreo daw pareho sang Hebreo nga pulong nga kon sayuron "kapahuwayan."

 GENESIS - Kapitulo 4 <<<   >>> GENESIS - Kapitulo 6