1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50
■■■■■
Ang mga Kaliwat sang mga Anak ni Noe
1 Ang mga anak ni Noe amo sanday Sem, Ham, kag Jafet. Ini sila may mga anak nga nagkalatawo sa tapos ang anaw.
2 Ang mga anak nga lalaki ni Jafet amo sanday Gomer, Magog, Madai, Javan, Tubal, Mesec, kag Tiras. Ang ila mga kaliwat nagdala sang ila mga ngalan.
3 Ang mga kaliwat ni Gomer amo ang mga tawo sang Askenaz, Rifat, kag Togarma.
4 Ang mga kaliwat ni Javan amo ang mga tawo sang Elisa, Tarsis, Kitim, kag Dondanim.
5 Sila ang mga ginhalinan sang mga tawo nga nagpuyo sa mga baybayon kag sa mga kapuloan sang dagat. Ini tanan amo ang mga kaliwat ni Jafet nga nagpuyo sa nagkalainlain nga mga tribo kag mga pungsod, kag ang tagsa ka grupo may kaugalingon nga linggwahe.
6 Ang mga anak nga lalaki ni Ham amo sanday Cus, Egipto, Put kag Canaan. Ang ila mga kaliwat nagdala sang ila mga ngalan.
7 Ang mga kaliwat ni Cus amo ang mga tawo sang Seba, Havila, Sabta, Raama, kag Sabteca. Ang mga kaliwat ni Raama amo ang mga tawo sang Seba kag Dedan.
8 Si Cus may mga anak nga lalaki nga ginhingalanan kay Nimrod, nga amo ang nahauna nga mandadaog sa kalibutan.
9 Sa bulig sang GINOO nanginmaayo sia nga mangangayam, amo ina nga ang mga tawo nagasiling, “Kabay nga ang GINOO maghimo sa imo nga maayo nga mangangayam pareho kay Nimrod.”
10 Ang nahauna niya nga ginharian nagsakop sang Babel, Erec, kag Cad. Ini sila lunsay sa duta sang Babilonia.
11 Gikan sa sadto nga duta nagkadto sia sa Asiria kag nagpatindog sang siyudad sang Ninive, Rehobot-Ir, Cala,
12 kag Resen, nga yara sa gin-utlan sang Nineve kag sang daku nga siyudad sang Cala.
13 Ang mga kaliwat ni Egipto amo ang mga tawo sang Lud, Anam, Lehab, Naftu,
14 Patrus, Caslu, kag Creta nga amo ang ginhalinan sang mga Filistinhon.v
15 Ang mga anak ni Canaan amo si Sidon, ang magulang, kag si Het. Ang ila mga kaliwat nagdala sang ila mga ngalan.
16 Si Canaan amo man ang ginhalinan sang mga Jebusnon, Amornon, Girgasanhon,
17 Hevhanon, Araknon, Sinhanon,
18 Arvadnon, Zemarnon, kag Hamatnon. Sang uhili ang nagkalainlain nga mga tribo sang Canaanhon naglapta,
19 kag ang ila dulonan halin sa Sidon naglambot sa bagatnan sa Gerar tubtob sa Gaza, sa sidlangan sa Sodoma, Gomorra, Adma, kag Zeboim, tubtob sa Lasa.
20 Amo ini sila ang mga kaliwat ni Ham nga nagapuyo sa nagkalainlain nga mga tribo kag mga pungsod, kag ang tagsa ka grupo may kaugalingon nga linggwahe.
21 Si Sem, ang magulang ni Jafet, amo ang ginhalinan sang tanan nga mga Hebreo.
22 Ang mga anak nga lalaki ni Sem amo sanday Elam, Asur, Arfaxad, Lud kag Aram. Ang ila mga kaliwat nagdala sang ila mga ngalan.
23 Ang mga kaliwat ni Aram amo ang mga tawo sang Uz, Hul, Geter, kag Mesec.
24 Si Arfaxad amay ni Sela kag si Sela amay ni Heber.
25 Si Heber may duha ka anak nga lalaki: ang isa ginhingalanan kay Peleg,w kay sa iya panahon ang mga tawo sa kalibutan nabahinbahin; kag ang ngalan sang iya utod amo si Joctan.
26 Ang mga kaliwat ni Joctan amo ang mga tawo sang Almodad, Selef, Hazarmavet, Jera,
27 Hadoram, Uzal, Dicla,
28 Obal, Abimael, Saba,
29 Ofir, Havila, kag Jobab. Ini sila tanan naghalin kay Joctan.
30 Nag-estar sila sa duta halin sa Mesa pakadto sa Sefar tubtob sa mga bukid sa sidlangan.
31 Amo ini sila ang mga kaliwat ni Sem nga nagpuyo sa nagkalainlain nga mga tribo kag mga pungsod kag ang tagsa ka grupo may kaugalingon nga linggwahe.
32 Ini tanan nga mga tawo mga kaliwat ni Noe, suno sa ila mga nagkalainlain nga linahi kag mga pungsod. Sa tapos ang anaw ang tanan nga mga pungsod sang kalibutan nagikan sa sini nga mga anak nga lalaki ni Noe.
vKag Creta . . . Filistinhon; sa Hebreo nga amo ang ginhalinan sang mga Filistinhon, kag Creta.
wPELEG: Ini nga ngalan kon ihambal sa Hebreo daw pareho sang Hebreo nga pulong nga kon sayuron “nabahinbahin."
No comments:
Post a Comment