1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50
■■■■■
Ang Anaw
1 Ang GINOO nagsiling kay Noe, “Sulod ka sa arka upod sa bug-os mo nga panimalay. Nakit-an ko nga ikaw lang sa sini nga mga tawo ang matarong.
2 Dala ka sing pito ka paris sang tagsa ka matinlo nga sapat, pero isa lang ka paris sang tagsa ka di-matinlo nga sapat.
3 Magdala ka man sing pito ka paris sang tagsa ka sari sang pispis. Himoa ini agod ang tagsa ka sari sang sapat kag pispis may mabilin nga buhi kag magamuad liwat sa duta.
4 Sa tapos sang pito ka adlaw halin karon magapadala ako sing ulan sa duta sa sulod sing 40 ka adlaw kag 40 ka gab-i, sa paglaglag sang tanan nga buhi nga mga butang nga akon ginhimo.”
5 Kag gintuman ni Noe ang tanan nga ginsugo sa iya sang GINOO.
6 Si Noe nagaedad sing 600 ka tuig sang mag-abot ang anaw sa duta.
7 Sia kag ang iya asawa, ang iya mga anak nga lalaki kag ang ila mga asawa nagsulod sa arka agod indi sila maano sang anaw.
8 Ang isa ka paris sang tagsa ka sari sang sapat kag pispis, matinlo ukon di-matinlo,
9 nagsulod sa arka upod kay Noe, suno sa ginsugo sang Dios.
10 Sang makaligad ang pito ka adlaw nag-abot ang anaw sa duta.
11 Sang si Noe nagaedad sang 600 ka tuig, sang ika-17 sang ikaduha nga bulan, ang tanan nga mga tuboran sa malapad nga dagat sa idalom sang duta nabulwang kag ang mga alagyan sang tubig sa langit ginbuksan,
12 kag nag-ulan sing 40 ka adlaw kag 40 ka gab-i.
13 Sa sadto gid nga adlaw, si Noe kag ang iya asawa, ang ila tatlo ka anak nga lalaki nga si Sem, si Ham, si Jafet kag ang ila mga asawa nagsulod sa arka.
14 Nag-upod sa ila ang tagsa ka sari sang mga sapat, talunon kag anta, magamay kag dalagku, kag ang tagsa ka sari sang mga pispis.
15 Ang isa ka paris sang tagsa ka buhi nga tinuga nagsulod sa arka upod kay Noe,
16 suno sa ginsugo sang Dios. Dayon gintakpan sang GINOO ang puwertahan sang nakasulod na si Noe.
17 Nagpadayon ang pagbaha sa sulod sang 40 ka adlaw, kag ang tubig nagdalom nga sarang na makalutaw ang arka.
18 Ang tubig nagdalom pa gid kag ang arka nagpaanod sa tubig.
19 Nagdalom nga nagdalom pa gid ang tubig kag ang tanan nga labing mataas nga mga bukid nalapawan.
20 Nagsigi pa gid dalom ang tubig tubtob nga naglapaw ini sing 25 ka tapak sa ibabaw sang mga bukid.
21 Ang tanan nga nagakabuhi sa duta nagkalamatay—ang tanan nga mga pispis, ang tanan nga mga sapat, kag ang tanan nga mga tawo.
22 Ang tanan nga mga nagakabuhi sa duta nagkalamatay.
23 Ang GINOO naglaglag sang tanan nga nagakabuhi sa duta, lakip ang mga tawo, ang mga sapat, kag ang mga pispis. Ang wala lang magkalamatay amo si Noe kag ang mga upod niya sa arka.
24 Ang tubig wala magsugod sa paghubas sa sulod sang 150 ka adlaw.
No comments:
Post a Comment