Si Jehu Ginhaplas nga Manginhari sang Israel
1 Sa pihak nga bahin, si Eliseo nga propeta nagpatawag sang isa ka
pamatan-on nga propeta kag nagsiling sa iya, "Mag-aman ka kag magkadto sa
Ramot nga sakop sang Galaad. Dalha ining tibod sang lana sang olivo,
2 kag kon makaabot ka didto pangitaa si Jehu nga anak ni Josafat
kag apo ni Nimsi. Dalha sia sa sekrito nga kuwarto, nga malayo sa iya mga
kaupdanan,
3 ibubo ining lana sang olivo sa iya ulo, kag magsiling, 'Ang GINOO
nagsiling nga ginahaplas niya ikaw nga hari sa Israel.' Dayon bayai sia sing
dalidali.”
4 Gani ang pamatan-on nga propeta nagkadto sa Ramot,
5 sa diin nakita niya ang mga opisyales sang mga hangaway nga
nagasugilanon. Nagsiling sia, "Sir, may ihambal ako sa imo."
Nagpamangkot si Jehu, "Sin-o sa amon ang ginahambalan mo?" Nagsabat
sia, "Ikaw, sir."
6 Dayon sila nga duha nagsulod sa isa ka balay kag ang pamatan-on
nga propeta nagbubo sang lana nga olivo sa ulo ni Jehu kag nagsiling sa
iya,"Ang Ginoo, ang Dios sang Israel, nagasiling, 'Ginahaplas ko ikaw nga
manginhari sang akon mga tawo ngaIsraelinhon.
7 Patyon mo ang imo agalon nga hari nga anak ni Acab, agod
masilutan ko si Jezebel tungod sang iya pagpamatay sang akon mga propeta kag
sang akon iban nga mga alagad.
8 Ang tanan nga mga katapo sang panimalay kag mga kaliwat ni Acab
dapat mapatay; papason ko ang tagsa ka lalaki sa iya panimalay, bata kag tigulang.
9 Himuon ko sa iya panimalay ang akon ginhimo sa panimalay ni
Haring Jeroboam sang Israel kag sa panimalay ni Haring Baasa sang Israel.
10 Si Jezebel indi pag-ilubong; ang iya bangkay pagakaunon sang
mga ido sa kadutaan sang Jezreel. Sa tapos masiling ini sang pamatan-on nga
propeta naggwa sia sa kuwarto kag nagpalagyo.
11 Nagbalik si Jehu sa iya kaupod nga mga opisyales, kag
ginpamangkot sia, "Kamusta man? Ano bala ang kinahanglan sadtong buang nga
tawo sa imo?" Nagsabat si Jehu,"Nahibal-an na ninyo ang iya
kinahanglan."
12 Nagsabat sila,"Wala kami makahibalo. Sugiri kami sang iya
ginsiling!" "Ginsugiran niya ako nga ang Ginoo
nagasiling,"Ginahaplas ko ikaw nga hari sang Israel.'"
13 Sa gilayon ang kaupod ni Jehu nga mga opisyales naghumlad sang
ila mga kunop sa ibabaw sang hagdanan sa atubangan ni Jehu nga iya
pagatindugan, nagpatunog sang mga trumpeta kag nagsinggit, “Mabuhay si Jehu nga
hari!”
Si Haring Joram sang Israel Ginpatay
14-15 Dayon si Jehu naghimbon batok kay Haring Joram. Ang hari
yadto sa Jezreel, sa diin nagapaayo sia sang mga pilas nga naagom sa inaway
didto sa Ramot batok kay Haring Hazael sang Siria. Gani si Jehu nagsiling sa
iyakaupod nga mga opisyales, “Kon kamo nagaapin sa akon, sigurohon ninyo nga
wala sing isa nga makagwa sa Ramot nga maglakat kag magpaandam sa mga tawo sang
Jezreel."
16 Dayon nagsakay sia sa iya karuwahi kag nagkadto sa Jezreel. Si
Joram wala pa gid mag-ayo, kag si Haring Ocozias sang Juda yadto didto nga
nagaduaw sa iya.
17 Ang gwardya nga nagabantay sa tore sa Jezreel nakakita kay Jehu
kag sang iya mga tinawo nga nagapakari. Nagsinggit sia, "Nakita ko nga may
mga tawo nga nagasakay sa kabayo nga nagapakari!" Si Joram
nagsabat,"Padala ka sang isa ka manugkabayo sa paghibalo kon sila mga
abyan ukon mga kaaway.”
18 Ang manugkabayo naggwa sa pagsugata kay Jehu kag ginsingganan
sia, "Luyag mahibal-an sang hari kon nagkari ka subong abyan."
Nagsabat si Jehu, “Wala ka sing labot, sunod ka sa amon." Ang gwardya sa
tore nagsugid nga ang manugkabayo nakalambot didto sa grupo, pero wala makabalik.
19 Ginpadala pa gid ang isa ka manugkabayo, nga mamangkot kay Jehu
sang amo man ngapamangkot. Liwat nagsabat si Jehu, “Wala ka sing labot sini!
Sunod ka sa amon.”
20 Sa liwat ang gwardya nagsugid nga ang manugkabayo nakalambot sa
grupo, pero wala makabalik. Kag nagsiling pa gid sia."Ang pangulo sa grupo
nagapadalagan sang iya karuwahi sing tudotudo gid kaangay ni Jehu!"
21 Nagsugo si Joram,"Ihanda ang akon karuwahi. Ginhanda ini,
kag sia kag si Haring Ocozias naggwa, ang tagsatagsa sa iya karuwahi sa
pagsugata kay Jehu. Ginsugata nila sia sa uma ni Nabot.
22 Si Joram nagpamangkot sa iya, "Nagakari bala ikaw sa
paghidait?" Nagsabat si Jehu, “Ano ang pagluntad sang paghidait, nga sa
gihapon nagapadayon ang tanan nga pagbinabaylan kag pagsimba sa diosdios nga
ginsugoran sang imo iloy nga si Jezebel?"
23 Samtang ginapaliso ni Joram ang iya karuwahi sa pagpalagyo,
nagsinggit sia,"Ginaluiban kita, Ocozias!”
24 Ginkuha ni Jehu ang iya pana, kag sa iya bug-os nga kusog
ginpana niya si Joram kag naigo sa likod kag naglapos sa iya tagipusoon.
Natumba si Joram kag napatay sa iya karuwahi,
25 kag ginsingganan ni Jehu ang iya kabulig nga si Bidkar,
"Kuhaa ang iya bangkay kag ihaboy sa uma ni Nabot. Dumdoma nga sang
nagasakay kita nga nagasunod kay Acab nga amay ni Haring Joram, ang Ginoo
naghambal sini nga mga pulong batok kay Acab:
26 ‘Nakita ko ang pagpataykay Nabot kag sang iya anak nga mga lalaki
kahapon. Kag nagasaad ako nga silutan ko ikaw sa sini man nga
uma.'"Nagsugo si Jehu sa iya kabulig, "Gani kuhaa ang bangkay ni
Joram kag ihaboy sa uma nga iya ni Nabot, suno sa ginsiling sang Ginoo nga
matabo."
Si Haring Ocozias sang Juda Ginpatay
27 Nakita ni Haring Ocozias ang natabo, gani nagpalagyo sia sa iya
karuwahi padulong sa banwa sang Bethagan, nga ginalagas ni Jehu. Si Jehu
nagsugo sa iya mga tinawo,"Patya man ninyo sia."Kag ginpilasan nila
siaj samtang nagapadalagan sia sang iya karuwahi pataklad sa Gur, malapit sa
banwa sang Ibleam. Pero nakapalagyo pa sia tubtob nakalambot sa siyudad sang
Megido sa diin napatay sia.
28 Ang iya mga opisyales nagkuha sang iya bangkay kag gindala ini
pabalik sa Jerusalem nga nakarga sa karuwahi, kag ginlubong sia sa lulobngan
sang mga hari sa Siyudad ni David, ang daan nga bahin sang Jerusalem.
29 Si Ocozias nanginhari sang Juda sa ika-11 nga tuig ni Joram nga
anak nga lalaki ni Acab nga hari sang Israel.
Si Jezebel nga Rayna Ginpatay
30 Si Jehu nag-abot sa Jezreel. Si Jezebel nga nakabati sang
natabo, nagpamutang sing kolor sa iya mata, nagpahinar sang iya buhok, kag
nagpamintana sa palasyo sa pagtan-aw sa kalsada.
31 Samtang nagapasulod si Jehu sa puwerta, nagsinggit si Jezebel,
"Ikaw Zimri!k Ikaw nga manugpatay! Ngaa bala yari ka diri?"
32 Si Jehu nagtangla kag nagsinggit, "Sin-o bala ang nagaapin
sa akon?"May duha ukon tatlo ka opisyales sang palasyo nga naggawa sa
bintana,
33 kag si Jehu nagsiling sa ila, "Ihulog ninyo sia!"
Ginhulog nila si Jezebel kag ang iya dugo nag-agsik sa pader kag sa mga kabayo.
Ginpalakat ni Jehu ang iya kabayo kag ginpaagyan sang iya karuwahi ang iya
bangkay.
34 Dayon nagsulod sia sa palasyo, kag nagkaon. Nagsiling sia,
"Dalha ninyo inang malaut nga babayi kag ilubong, kay sia anak sang hari.”
35 Pero ang mga tawo nga naggwa sa paglubong sa iya nakakita nga
ang nabilin na lang amo ang iya bagol, kag ang mga tul-an sang iya mga kamot
kag mga tiil.
36 Sang ginsugid nila ini kay Jehu, nagsiling si Jehu, “Amo ini
ang ginsiling sang Ginoo nga matabo, sang sia naghambal paagi sa iya alagad nga
si Elias, ‘Ang mga ido magakaon sang unod sang bangkay ni Jezebel sa kadutaan
sang Jezreel.
37 Ang iya lawas magalapta didto kaangay sang ipot, agod nga wala
sing isa nga makakilala sa iya.'”
jSa iban nga dumaan nga pagbadbad ginpilasan nila sia; wala ini
nga mga pulong sa Hebreo.
kZIMRI: Opisyal sang mga hangaway sang Israel nga nagpatay sang
hari sang Israel (tan-awa ang Hari 16:8-12).
No comments:
Post a Comment