□□□□□
Ang Pagbisita sang Rayna sang Saba
(2 Cron. 9:1-12)
1 Ang rayna sang Saba nakabati sang kabantugan ni Salomon, gani nagkadto sia sa Jerusalem sa pagtilaw sa iya sang mabudlay nga mga pamangkot. |
| Ang rayna sang Saba nakabati sang kabantugan ni Salomon. (10:1) |
3 Ginsabat ni Salomon sang tanan niya nga mga pamangkot kag wala sing bisan ano nga butang nga indi niya masaysay sa iya.
4 Nagdayaw gid sia sang daku nga kaalam ni Salomon, sang palasyo nga iya ginpatindog,
5 sang pagkaon nga iya ginbutang, sang mga opisyales sa iya korte, sang abilidad kag matahom nga panapton sang iya mga alagad, sang iya manugtagay sang bino kag sang mga halad nga iya gindulot sa Templo. Ang katahom sini tanan nagpahalawhaw sa iya.
6 Nagsiling sia kay Haring Salomon, “Matuod gid ang nabatian ko sa akon pungsod nahanungod sa imo kaalam.
7 Pero indi ako makapati sini tubtob nagkari ako kag nakita ko gid ini tanan. Pero wala gani sing katunga ang akon nabatian. Ang imo kaalam kag manggad labaw katama sang sa ginsugid sa akon.
8 Daw ano ka mapalaron sang imo mga asawa!u Kag daw ano ka mapalaron sang imo mga ulipon nga yara pirme sa imo atubangan kag nagapamati sang imo ginahambal nga may kaalam!
9 Dayawon ang GINOO nga imo Dios! Ginpakita niya nga nalipay gid sia sa imo sa iya paghimo sa imo nga hari sang Israel. Tungod kay ang iya gugma sa Israel mapinadayunon, ginhimo niya ikaw nga hari, sa paggahom sing matarong kag wala sing pinasulabi.”
10 Dayon ang rayna sang Saba naghatag kay Salomon sing malapit sa lima ka tonelada nga bulawan, kag madamo nga pahamot kag mga alahas. Ang kadamuon sang pahamot nga ginhatag sang rayna sa iya amo ang labing madamo nga iya nabaton halin sang una.
11 (Dugang pa sini tanan, ang mga sakayan ni Hiram nga nagdala sing bulawan halin sa Ofir, nagdala man gikan didto sang madamo nga kahoy nga sandalo kag mga alahas.
12 Si Salomon naggamit sini nga kahoy sa paghimo sing mga hambuyan sa Templo kag sa palasyo, kag sa paghimo sing mga arpa kag salterio para sa mga musikero. Ang mga sandalo nga kahoy nga gindala sa Israel amo ang labing maayo. Wala na gid sing kaangay sini nga kahoy tubtob sini nga adlaw.)
13 Si Haring Salomon naghatag sa rayna sang Saba sang tanan nga ginpangayo niya, wala labot sang kinaandan nga mga regalo nga ginhatag niya sing bugana sa iya. Dayon nagpauli sia upod sa iya mga ulipon sa duta sang Saba.
Ang Daku nga Manggad ni Salomon
(2 Cron. 9:13-29)
14 Kada tuig si Haring Salomon nagbaton sing sobra sa 25 ka tonelada nga bulawan.15 Wala labot ini sang iya ginbaton sa mga buhisv gikan sa mga negosyante, sa mga ganansya sa negosyo, kag sang buhis nga ginbayad sang mga hari sang Arabia kag sang mga gobernador sa mga distrito.
16 Si Salomon naghimo sing duha ka gatos ka dalagku nga mga taming kag ang tagsa ka taming ginpahaklapan niya sing malapit sa 15 ka libra nga bulawan.
17 Naghimo man sia sing tatlo ka gatos ka magamay nga mga taming, kag ang tagsa ka taming ginhaklapan niya sing malapit sa apat ka libra nga bulawan. Ginpabutang niya ini tanan sa Tilipunan sang Kagulangan sang Libano.
18 Naghimo man sia sing daku nga trono nga nahaklapan sang tipuso kag puraw nga bulawan.
19-20 May anom ka lintang pasaka sa trono kag sa tagsa ka punta sang lintang may estatwa sang leon, gani may dose tanan ka leon. Sa likod sang trono may estatwa sang ulo sang baka nga toro, kag sa luyo sang tagsa ka halambuyan may estatwa sang leon. Wala gid sing hari nga may trono kaangay sini.
21 Ang tanan nga mga tagsa nga ilimnan ni Salomon bulawan, kag ang tanan nga galamiton sa Tilipunan sang Kagulangan sang Libano puraw nga bulawan. Wala sing pilak nga gingamit kay wala ini ginkabig nga malahalon sa tion ni Salomon.
22 May madamo sia nga dalagku nga mga sakayan nga nagabiyahe upod sa mga sakayan ni Hiram. Kada tatlo ka tuig ang iya mga bapor nagapauli nga nagadala sing bulawan, pilak, tiposo, kag dalagku kag magamay nga mga amo.
23 Si Haring Salomon labing manggaranon kag labing maalam sa bisan kay sin-o nga hari,
24 kag ang tanan nga mga tawo sa kalibutan luyag magkadto sa iya sa pagpamati sang kaalam nga ginhatag sang Dios sa iya.
25 Ang tagsatagsa nga nagkadto sa iya nagdala sing regalo—mga butang nga mahimo sa bulawan kag pilak, mga panapton, mga hinganiban, mga pahamot, mga kabayo, kag mga mula. Kag nagpadayon ini tuigtuig.
26 Si Salomon nagtipon sing mga hangaway nga 1,400 ka mga karuwahi kag 12,000 ka mga kabayo, ang iban sini ginbutang niya sa banwa sang mga kangga kag ang iban sa idalom sang iya pagmando sa Jerusalem.
27 Sa panahon sang iya paggahom, ang pilak sa Jerusalem daw pareho lang ka ordinaryo sang bato, kag ang kahoy nga sedro bugana pareho sang kahoy nga sikomoro.
28 Ang iya mga kabayo nagikan sa Egipto kag Cilicia. Ang iya mga tinawo nagbakal sini sa pat-od nga bili.
29 Ang isa ka karuwahi gikan sa Egipto nagabili sing 600 ka bilog nga pilak, kag ang kabayo, 150 ka bilog nga pilak. Kag ang mga tinawo ni Salomon nagbaligya sini sa Hethanon kag Siriahanon nga mga hari.
uAng iban nga dumaan nga pagbadbad mga asawa; sa Hebreo mga tinawo.
vAng isa ka dumaan nga pagbadbad mga buhis; sa Hebreo mga tawo.
No comments:
Post a Comment