Nagbalik ang Babayi nga Taga-Sunem
1 Karon si Eliseo nagsiling sa babayi nga nagapuyo sa Sunem nga
ang iya anak ginbuhi niya, nga ang Ginoo magapadala sing gutom nga magalawig sa
sulod sang pito ka tuig, kag sia magalakat upod sa iya panimalay kag magapuyo
sa iban nga duog.
2 Gintuman niya ang mga ginsiling ni Eliseo, kag naglakat sia upod
sa iya pamilya sa pagpuyo sa Filistia sa sulod sang pito ka tuig.
3 Pagkatapos sang pito ka tuig, nagbalik ang babayi sa Israel, kag
nagkadto sa hari sa pagpangayo nga ibalik sa iya ang iya balay kag duta.
4 Nakita niya ang hari nga nagapakighambal kay Giezi nga suloguon
ni Eliseo. Luyag ang hari makahibalo nahanungod sang mga milagro nga ginhimo ni
Eliseo.
5 Sang nagasugid si Giezi sa hari kon paano ni Eliseo ginbuhi ang
patay, ang babayi nagpakiluoy sa hari. Si Giezi nagsiling sa iya, "Mahal
nga Hari, yari ang babayi kag ang iya anak nga lalaki nga ginbuhi ni
Eliseo!"
6 Sa pagsabat sang pamangkot sang hari, ginpamatud-an sang babayi
ang ginasugid ni Giezi, kag ang hari nagtawag sang opisyal kag ginsugo sia sa
pag-uli sang tanan nga pagkabutang nga iya sang babayi, lakip ang bili sang
tanan nga patubas sang iya uma sa sulod sang pito ka tuig nga wala sia didto.
Si Eliseo kag si Benhadad nga Hari sang Siria
7 Sang pagkadto ni Eliseo sa Damasco si Benhadad nga hari sang
Siria nagamasakit. Sang masugiran ang hari nga si Eliseo nag-abot,
8 nagsiling sia kay Hazael, isa sang iya mga opisyales,
"Dalhi sing regalo ang propeta, kag singgana sia nga pamangkoton ang Ginoo
kon magaayo ako ukon indi."
9 Gani si Hazael nagkarga sa 40 ka mga kamelyo sang tanan nga sahi
sang maayo nga mga patubas sang Damasco, kag nagkadto kay Eliseo. Sang masugata
sia ni Hazael,nagsiling sia,"Ang imo alagad nga si Benhadad nagpadala sa akon
sa pagpamangkot sa imo kon bala magaayo sia sa iya balatian ukon indi."
10 Nagsabat si Eliseo, “Ang Ginoo nagpahayag sa akon nga mapatay
sia, pero kadtoi sia kag sugiri nga magaayo sia.”
11 Dayon gintulok sia ni Eliseo sing makahaladlok tubtob nga
nagpanghilawhilaw si Hazael. Sa hinali si Eliseo naghibi.
12 Nagpamangkot si Hazael, "Sir, ngaa nagahibi ka?"Nagsabat
si Eliseo, “Kay nahibal-an ko ang pagpamintas nga imo himuon sa mgatawo sang
Israel. Tutdan mo ang ila mga pamakod, pamatyon mo ang ila pinakamaayo nga
pamatan-on nga mga lalaki, ilampos mo ang ila mga kabataan agod mapatay, kag
ririan mo ang tiyan sang ila mga babayi nga nagabusong."
13Si Hazael nagpamangkot, "Ano ang pag-angkon ko sing gahom
kaangay sina? Sin-o gid bala ako!" Si Eliseo nagsabat,"Ang Ginoo
nagpahayag sa akon nga manginhari ka sa Siria."
14 Nagbalik si Hazael kay Benhadad, nga namangkot saiya, "Ano
ang ginsiling ni Eliseo?” Nagsabat si Hazael, "Nagsugid sia sa akon nga
magaayo ka gid.”
15 Pero sang madason nga adlaw nagkuha si Hazael sing habol, gintum-oy
sa tubig kag ginhaklap sa guya sang hari tubtob napatay sia. Kag si Hazael nagbulos
kay Benhadad subong hari sa Siria.
Si Haring Jehoram sang Juda
(2 Cron. 21:1-20)
16 Sa ikalima ka tuig sang paggahom ni Joram nga anak ni Acab nga
hari sang Israel,i si Jehoram nga anak nga lalaki ni Josafat naghari sa Juda.
17 Nagaedad sia sing 32 ka tuig kag naggahom sia sa Jerusalem sa
sulod sing walo ka tuig.
18 Ang iya asawa anak ni Acab, kag kaangay sang panimalay ni Acab
nagsunod sia sa malaut nga mga pagginawi sang mga hari sang Israel. Nagpakasala
sia batok sa Ginoo,
19 pero ang Ginoo indi luyag maglaglag sa Juda, tungod kay nagsaad
sia sa iya alagad nga siDavid nga ang iya mga kaliwat magapadayon sa paggahom.
20 Sa panahon sang paggahom ni Jeroham, ang Edom nagribok batok sa
Juda kag nangin-isa ka ginharian.
21 Gani si Jehoram nagkadto sa Zair upod sa tanan niya nga mga karuwahi,
kag didto ginkibon sila sang mga hangaway nga Edomnon. Sang gab-i, sia kag ang
mga panguIo sang iya mga karuwahi nakagwa kag nakapalagyo, kag ang iya mga
soldado nag-alaplaag pauli sa ila mga balay.
22 Ang Edom nanginhilway sa Juda halin sadto. Sa amo nga panahon,
ang siyudad sang Libna nagribok man.
23 Ang tanan nga mga ginhimo ni Jehoram ginsulat sa Maragtas sang
mga Hari sang Juda.
24 Napatay si Jehoram kag ginlubong sa mga lulobngan sang mga hari
sa Siyudad ni David, ang daan nga bahin sang Jerusalem, kag iya anak nga si Ocozias
nagbulos sa iya subong hari.
Si Haring Ocozias sang Juda
(2 Cron. 22:1-6)
25 Sa ika-12 nga tuig sang paggahom ni Joram nga anak ni Acab
subong hari sang Israel, si Ocozias nga anak ni Jehoram naghari sa Juda.
26 Nagaedad sia sing 22 ka tuig, kag naggahom sia sa Jerusalem
sing isa ka tuig. Ang iya iloy amo si Atalias nga apo ni Omri nga hari sang
Israel.
27 Tungod kay si Ocozias nakatapik kay Haring Acab paagi sa
pagpangasawa, nagpakasala sia batok sa Ginoo, pareho sang ginhimo sang
panimalay ni Acab.
28 Si Haring Ocozias nagbuylog kay Haring Joram sang Israel sa
pagpakig-away batok kay Haring Hazael sang Siria. Ang mga hangaway nag-inaway
sa Ramot nga sakop sang Galaad, kag si Joram napilasan.
29 Nagbalik sia sa siyudad sang Jezreel sa pagpaayo sang iya mga pilas, kag si Ocozias nagkadto didto
sa pagduaw sa iya.
iSa iban nga dumaan nga pagbadbad lsrael; sa Hebreo lsrael, si
Josafat nga naghari sa Juda.
No comments:
Post a Comment