□□□□□
Ang Palasyo ni Salomon
1 Si Salomon nagpatindog man sing palasyo para sa iya kaugalingon, kag nahuman niya ini sa sulod sang 13 ka tuig.2-3 Ang Tilipunan nga ginatawag ang Kagulangan sang Libanoj 150 ka tapak ang kalabaon, 75 ka tapak ang kasangkaron, kag 45 ka tapak ang kataason. May tatlok ini ka kubay nga mga haligi nga sedro, 15 sa tagsa ka kubay, nga may haligi nga sedro nga nagatungtong sa sini. Ang kisame kahoy nga sedro kag naglambot ini tubtob sa kuwarto nga talaguan, kag ginatukod ini sang mga haligi.
4 Sa tagsa ka kilid nga dingding may tatlo ka kubay nga mga bintana.
5 Ang mga puwertahan kag ang mga bintanal may kwadrado nga hamba kag ang tatlo ka kubay nga mga bintana sa tagsa ka dingding nagaatubang sa pihak nga kubay.
6 Ang Portiko nga may mga Haligi 75 ka tapak ang kalabaon kag 45 ka tapak ang kasangkaron. May balkonahe ini nga may atop, kag ginatukod ini sang mga haligi.
7 Ang Hulot sang Trono, nga ginatawag man Hulot sang Hukmanan, sa diin si Salomon nagahukom sang mga kaso, may mga sedro nga tapi halin sa salog pakadto sa kisame.m
8 Ang kaugalingon nga puloy-an ni Salomon, sa isa ka pasiyuhan sa likod sang Hulot sang Hukmanan, ginhimo kaangay sang iban nga balay. Naghimo man sia sing amo nga sahi sang balay para sa iya asawa nga bata sang hari sang Egipto.
9 Tanan ini nga balay, halin sa sadsaran tubtob sa balisbisan, nahimo sa mga bato nga gin-aman sa ginkuhaan sini, ginbasbasan suno sa takos, nga ang ila sa gwa kag sa sulod nga mga kilid ginkortihan sang mga lagari.
10 Ang mga sadsaran nahimo sa dalagku nga mga bato nga gin-aman sa ginkuhaan sini, ang iban 12 ka tapak ang kalabaon kag ang iban 15 ka tapak ang kalabaon.
11 Sa ibabaw sini may iban man nga mga bato nga ginkortihan suno sa takos, kag sedro nga mga balayan.
12 Ang pasiyuhan sang palasyo, ang nasulod nga pasiyuhan sang Templo, kag ang alagyan nga kuwarto sang Templo may mga dingding nga may isa ka sampaw sang balayan nga sedro sa tagsa ka tatlo ka sampaw sang nakortihan nga mga bato.
Ang mga Gamit nga Saway sa Templo
13 Ginpatawag ni Haring Salomon ang isa ka tawo nga ginahingalanan kay Hiram, isa ka maayo nga manug-obra sa saway, nga nagpuyo sa siyudad sang Tiro.14 Ang iya amay, nga patay na, taga-Tiro, kag maayo man sia nga manug-obra sa saway; ang iya iloy nagikan sa tribo ni Neftali. Si Hiram maalam kag sampaton nga manug-obra. Ginbaton niya ang pangagda ni Haring Salomon sa pagdumala sang tanan nga mga ulobrahon nga saway.
Ang Duha ka Haligi nga Saway
(2 Cron. 3:15-17)
15 Si Hiram naghimo sing duha ka haligi gikan sa tinunaw nga saway, ang tagsa ka haligi 27 ka tapak ang kataason kag 18 ka tapak ang kadakuon,n kag ginbutang ini sa puwertahan sang Templo.16 Naghimo man sia sing duha ka uloulo nga saway, nga ang tagsa ka uloulo 7 ½ ka tapak ang kataason, nga inugbutang sa ibabaw sang haligi.
17 Ang ibabaw sang tagsa ka haligi napunihan sang pinuna nga mga kadena,
18 kag sang duha ka kubay nga mga granada nga saway.
19 Ang mga uloulo daw pareho sang liro ang ila korte, anom ka tapak ang kataason,
20 kag nabutang ini sa matulotipulon nga bahin sa ibabaw sang kadena. May 200 ka mga granada, sa duha ka kubay, sa palibot sang tagsao sa uloulo.
21 Ginbutang ni Hiram ining duha ka haligi nga saway sa atubangan sang puwertahan sang Templo: ang sa bagatnan ginhingalanan Jaquin,p kag ang sa aminhan ginhingalanan Boaz.q
22 Ang mga uloulo nga ila korte daw sa lirio yara sa ibabaw sang mga haligi. Gani ang obra sa mga haligi natapos.
Ang Tangke nga Saway
(2 Cron. 4:2-5)
23 Si Hiram naghimo sing tangke nga saway nga daw kawa, 7 ½ ka tapak ang kadalumon, 15 ka tapak ang kasangkaron, kag 45 ka tapak palibot.24 Sa bug-os nga palibot sang nagwa nga bibig sang tangke may duha ka kulod nga saway nga tag-45 ka tapak, nga gintunaw upod sa paghimo sini nga tangke.
25 Ang tangke nagatungtong sa likod sang dose ka mga baka nga toro nga bulawan nga nagaatubang sa gwa, nga ang tatlo nagaatubang sa aminhan, ang tatlo nagaatubang sa katundan, ang tatlo nagaatubang sa bagatnan, kag ang tatlo nagaatubang sa sidlangan.
26 Ang tangke magadamol sing 3 pulgada. Ang iya bibig kaangay sang tasa, nga nagaliad pa gwa kaangay sang bukad sang bulak. Ang tangke sarang makaunod sing 10,000 ka galon.
Ang mga Karo nga Saway
27 Si Hiram naghimo man sing napulo ka karo nga saway. Ang tagsa ka karo 6 ka tapak ang kalabaon, 6 ka tapak ang kasangkaron kag 4 ½ ka tapak ang kataason.28 Nahimo ini sa kwadrado nga mga tapi kag may mga balayan.
29 Ang mga tapi may larawan sang mga leon, mga baka nga toro, kag mga sapat nga may mga pakpak. Sa mga balayan, sa ibabaw kag sa idalom sang mga leon kag mga baka nga toro may kulokorona nga dekorasyon.
30 Ang tagsa ka karo may apat ka kariton nga saway kag ehe nga saway. Sa apat ka pamusod may apat ka tiil nga may kulokorona nga dekorasyon nga nagatukod sang labador.
31 May matipulon nga balayan sa ibabaw para sa labador. Ini nga balayan nagalabaw halin sa ibabaw sang karo sing 18 ka pulgada kag pito ka pulgada pa idalom kag may mga dekorasyon ini nga gindibuho.
32 Ang kataason sang mga kariton 25 ka pulgada. Ginbutang ini sa idalom sang mga tapi, kag ang mga ehe unay sa karo.
33 Ang mga kariton pareho sang mga kariton sang karuwahi; ang ila mga ehe, mga tubo, mga radyos, kag mga yanta nahimo tanan sa saway.
34 May apat ka tiil sa idalom sang apat ka pamusod sang tagsa ka karo, nga unay sa karo.
35 Sa ibabaw sang tagsa ka karo may nagalibot nga sanipa nga siyam ka pulgada; ang iya sini tiil kag mga tapi unay sa karo.
36 Ang mga tiil kag mga tapi may dibuho sang larawan sang mga sapat nga may mga pakpak, mga leon, mga palma, bisan diin nga may lugar para sa ila, kag may mga dekorasyon sa palibot sini.
37 Gani amo ini ang paghimo sang mga karo; pareho ang ila kadakuon kag korte.
38 Si Hiram naghimo man sing napulo ka labador, isa para sa tagsa ka karo. Ang tagsa ka labador anom ka tapak ang kadakuon, kag sarang masudlan sing 200 ka galon.
39 Ginbutang niya ang lima ka karo sa bagatnan nga kilid sang templo, kag ang lima sa aminhan nga kilid; ang tangke ginbutang niya sa pamusod nga yara sa tunga sang bagatnan kag sidlangan.
Ang Lista sang mga Gamit sa Templo
(2 Cron. 4:11-51)
40-45 Si Hiram naghimo man sing mga kolon, mga pala, kag mga yahong. Natapos niya ang tanan niya nga bulohaton kay Haring Salomon para sa Templo sang Ginoo. Amo ini ang iya nahimo:Ang duha ka haligi
Ang duha ka uloulo nga daw yahong sa ibabaw sang mga haligi
Ang pinuna nga mga kadena sa tagsa ka uloulo
Ang 400 ka mga granada, sa duha ka kubay nga tag-100 sa palibot sang dibuho sa tagsa ka uloulo
Ang napulo ka mga karo
Ang napulo ka mga labador
Ang tangke
Ang dose ka mga baka nga toro nga ginatungtongan sang tangke
Ang mga kolon, mga pala, kag mga yahong
Tanan ini nga mga gamit sa Templo, nga ginhimo ni Hiram kay Haring Salomon, saway nga mahining.
46 Ginpahimo ini tanan sang hari sa pondedor nga yara sa gin-utlan sang Sucot kag Saretan sa kapatagan sang Jordan.
47 Wala ginpapisar ni Salomon ini nga mga gamit kay tama gid sila kadamo nga ang ila kabug-aton indi na mahibal-an.
48 Si Salomon nagpahimo man sing mga gamit nga bulawan para sa Templo: ang bulawan nga altar, ang lamisa para sa balaan nga tinapay,
49 ang napulo ka bulawan nga kandiliruhan nga nagatindog sa atubangan sang nasulod nga santuaryo, lima sa bagatnan nga bahin kag lima sa aminhan nga bahin; ang bulawan nga mga bulak, mga suga, kag mga kimpit;
50 ang bulawan nga mga kupa, mga inugpatay sang suga, mga yahong, mga pinggan para sa insyenso, kag ang mga balagahan; kag ang mga bisagra nga bulawan para sa mga puwertahan sang nasulod nga santuaryo kag sang daku nga santuaryo.
51 Sang matapos ni Haring Salomon ang tanan nga bulohaton sa templo, ginbutang niya sa mga talaguan sa Templo ang tanan nga mga butang nga ginhalad sa Ginoo sang iya amay nga si David—ang pilak, bulawan, kag ang iban nga mga gamit.
jTILIPUNAN SANG KAGULANGAN SANG LIBANO: Daku nga tilipunan sa palasyo nga ginahiwatan sang mga seremoniya. Ayhan gintawag ini sa sini nga ngalan kay gingamitan ini sang mga sedro.
kAng isa ka dumaan nga pagbadbad tatlo; sa Hebreo apat.
lAng isa ka dumaan nga pagbadbad mga bintana; sa Hebreo bakalan.
mAng iban nga dumaan nga pagbadbad kisame; sa Hebreo salog.
nAng iban nga dumaan nga pagbadbad ang tagsa . . . ka kadakuon; sa Hebreo ang nahauna nga haligi 18 ka tapak ang kadakuon.
oAng isa ka dumaan nga pagbadbad tagsa ka; sa Hebreo ang ikaduha.
pJAQUIN: Ini nga ngalan kon ihambal daw pareho sang Hebreo nga pulong nga kon sayuron “nagapalig-on sia (Dios).”
qBOAZ: Ini nga ngalan kon ihambal daw pareho sang Hebreo nga pulong nga kon sayuron “paagi sa iya (Dios) kusog.”
No comments:
Post a Comment