Ang Pagkakita liwat sang Ulo sang Wasay
1 Ang grupo sang mga propeta nga ginadumalahan
ni Eliseo nagreklamo sa iya, "Ang duog nga amon ginapuy-an gutok sa amon.
2 Tugoti kami sa pagkadto sa Jordan sa pagpulod
sing mga kahoy, agod nga makapatindog kami sang amon pagapuy-an." Si
Eliseo nagsabat, "Sigi."
3 Ang isa sa ila nagpilit kay Eliseo sa pag-upod
sa ila. Nagsugot sia,
4 kag naglakat sila. Sang pag-abot nila sa
Jordan, nagpamulod sila sing mga kahoy.
5 Sang nagapulod sing kahoy ang isa sa ila, sa
hinali ang ulo sang wasay nag-apok sa tubig. Nagsinggit sia kay Eliseo,
"Sir, ano ang akon himuon? Ginhulam ko lang yadto!"
6 Si Eliseo nagpamangkot, "Diin bala nayon
nagtupa?" Gintudlo sang tawo ang duog nga gintup-an kag nag-utod si Eliseo
sing kahoy, ginhaboy ini sa tubig, kag ginpalutaw ang wasay.
7 Nagsugo sia, "Kuhaa na!” Dayon gindab-ot
sang tawo kag ginkuha.
Ginlutos ang mga Hangaway nga Sirianhon
8 Ang hari sang Siria nagapakig-away batok sa Israel.
Nagpakigsapol sia sa iya mga opisyales, kag nagpili sing isa ka duog nga
patindugan niya sang iya kampamento.
9 Pero si Eliseo nagpadala singpahibalo sa hari sang Israel, nga
nagapaandam sa iya nga indi sia magpalapit sa kampamento, kay ang mga Sirianhon
nagahulat sa pagsalakay didto.
10 Gani ang hari sang Israel nagpaandam sa mga tawo nga nagapuyo
didto, kag nagbantay sila. Natabo ini sa madamo nga beses.
11 Ang hari sang Siria natublag gid tungod sini; gintawag niya ang
iya mga opisyales kag ginpamangkot sila, “Sin-o bala sa inyo ang nagadampig sa
hari sang Israel?"
12 Nagsabat ang isa sa ila, "Wala gid bisan isa, Mahal nga
Hari. Si Eliseo nga propeta nagasugid sa hari sang Israel bisan ano ang imo
ginahambal sa sulod sang imo kaugalingon nga kuwarto."
13 Ang hari nagsugo,"Pangitaa ninyo kon diin sia, kay
ipadakop ko sia.Sang ginsugiran sia nga si Eliseo didto sa Dotan,
14nagpadala sia sing madamo nga mga soldado nga may mga kabayo kag
mga karuwahi. Nag-abot sila sa banwa sang gab-i kag ginkibon nila ini.
15 Aga pa gid sang madason nga adlaw ang suloguon ni Eliseo
nagbugtaw, naggwa sia sa balay kag nakita niya ang mga hangaway nga taga-Siria
nga may mga kabayo kag mga karuwahi nga nagakibon sang banwa. Nagbalik sia kay
Eliseo kag nagsiling, "Sir, tapos na kita! Ano ang aton himuon?"
16 Si Eliseo nagsabat,"Indi ka magkahadlok! Ang nagaapin sa
aton madamo pa sang sa ila."
17 Dayon nagpangamuyo sia, “O Ginoo, buksi ang iya mga mata agod
makakita sia!"Ang Ginoo nagsabat sang iya pangamuyo, kag ang suloguon ni
Eliseo nagtangla kag nakita niya ang bakulod nga napuno sang mga kabayo kag mga
karuwahi nga kalayo, sa palibot ni Eliseo.
18 Sang magsalakay ang mga taga-Siria, nagpangamuyo si
Eliseo,"O GINOO, bulaga ini nga mga tawo!"Ang Ginoo nagsabat sang iya
pangamuyo kag ginbulag sila.
19 Dayon si Eliseo nagkadto sa ila kag nagsiling,"Nagtalang
kamo, indiini ang banwa nga inyo ginapangita. Sunod kamo sa akon, kay tuytoyan
ko kamo sa tawonga inyo ginapangita." Kag gintuytoyan niya sila pakadto sa
Samaria.
20 Sang makasulod na sila sa siyudad, si Eliseo nagpangamuyo, “OGinoo,
buksi ang ila mga mata, agod makakita sila.” Ang Ginoo nagsabat sang iya
pangamuyo; ginpabalik niya ang ila panulok kag nakita nila nga yara sila sa
sulod sang Samaria.
21 Sang makita sang hari sang Israel ang mga taga-Siria,
nagpamangkot sia kay Eliseo,"Sir, pamatyon ko bala sila? Pamatyon ko?”
22 Nagsabat sia,"Indi, bisan gani ang mga ginbihag mo sa
inaway nga mga soldado indi mo pagpatyon. Hatagi sila sing pagkaon kag tubig,
kag pabalika sila sa ila hari."
23 Gani anghari sang Israel nagpapunsyon para sa ila; kag sa tapos
sila makakaon kag makainom, ginpabalik niya sila sa hari sang Siria. Halin
sadto ang mga Siriahanon wala na maggubat sa duta sang Israel.
Ang Pagkibon sang Samaria
24 Sang ulihi, si Haring Benhadad sang Siria nagpangulo sang iya
bug-os nga hangaway batok sa Israel kag nagkibon sang siyudad sang Samaria.
25 Tungod sang pagkibon,may daku nga gutom sa siyudad nga ang ulo
sang asno nagabili sing 80 ka bilog nga pilak, kag ang tunga sa letse nga
munggo nagabili sang limaka bilog nga pilak.
26 Ang hari sang Israel nagaagi sa pader sang siyudad sang
magpanawag ang isa ka babayi, "Tabangi ako, Mahal nga Hari!”
27 Nagsabat sia,"Kon ang GINOO indi magbulig sa imo, ano ang
akon sarang mahatag? May trigo ukon bino bala ako?
28 Ano ang imo palaligban?" Nagsabat sia,"Sang isa ka
adlaw ini nga babayi nagsiling nga kaunon namon ang akon anak nga lalaki kag
ang iya naman anak nga lalaki sa madason nga adlaw.
29 Gani ginluto namon ang akon anak kag ginkaon. Sang madason nga
adlaw ginsingganan ko sia nga ang iya naman anak ang amon kaunon, pero iya ini
gintago!"
30 Sang pagkabati sang hari, gingisi niya ang iya bayu sa kaakig,
kag ang mga tawo nga malapit sa pader nakakita nga ang iya bayu sa sulod sako.
31 Nagsiling sia,"Kabay nga patyon ako sang Dios kon indi ko
mapapugotan sing ulo si Eliseo karon nga adlaw!"
32 Kag nagpadala sia sing tawo sa pagkuha kay Eliseo. Sa pihak nga
bahin, si Eliseo yara sa balay upod sa mga katigulangan nga nagduaw sa iya. Sa
wala pa mag-abot ang ginsugo sang hari, si Eliseo nagsiling sa mga katigulangan,"Ina
nga manugpatay nagpadala sang isa ka tawo sa pagpatay sa akon! Karon, kon
mag-abot sia sirahi ninyo ang puwertahan kag indi sia pagpasudla. Ang hari
nagasunod sa iya."
33 Wala pa sia makatapos hambal sini, sang nag-abot ang harih kag
nagsiling, “Ang Ginoo amo ang nagpadala sing gutom sa aton! Ngaa bala maghulat
pa ako nga buligan niya?"
hhari; sa Hebreo ginpadala.
No comments:
Post a Comment