Ginpamatay ang mga Kaliwat ni Acab
1 Karon may mga 70 ka mga kaliwat ni Haring Acab nga nagapuyo sa
siyudad sang Samaria. Si Jehu nagsulat kag ginpadala ini sa mga pangulo sang
siyudad,l sa mga kinilala nga mga pumoluyo, kag sa mga manugtatap sang mga
kaliwat ni Acab. Ang sulat nagasiling:
2"Kamo ang gintugyanan sang mga kaliwat sang hari, subong man
sang mga karuwahi, mga kabayo, mga hinganiban kag mga siyudad nga napamakuran.
Gani sa inyo pagbaton sini nga sulat,
3 magpili kamo sing labing maayo kag makasarang sa mga kaliwat
sang hari, himoa ninyo sia nga hari, kag magpakig-away kamo sa pag-apin sa iya.”
4 Ang mga pangulo sang Samaria hinadlukan gid. Nagsiling sia,
"Ano angpagkabato naton kay Jehu, nga bisan gani si Haring Joram ukon si
Haring Ocozias indi makasarang sa iya?"
5 Gani ang mga opisyales nga gintugyanan sang palasyo kag ang mga
opisyales nga gintugyanan sang siyudad, upod sa kinilala nga mga pumoluyo kag
ang manugtatap, nagpadala sing mensahi kay Jehu: “Kamiimo mga alagad, kag handa
kami maghimo sang bisan ano nga imo ginasiling. Pero indi kami maghimo sang
bisan isa nga manginhari. Himoa ang labing maayo nga ginahunahona mo."
6 Si Jehu nagsulat sa ila sang isa pa gid ka sulat: "Kon
nagaapin kamo sa akon, kag handa sa pagtuman sang akon mga sugo, dalhaninyo ang
mga ulo sang mga kaliwat ni Haring Acab sa akon sa Jezreel sa sini man nga tion
buas.”Ang 70 ka mga kaliwat ni Haring Acab yara sa idalom sang pag-atipan sang
kinilala nga mga pumoluyo sang Samaria, nga amo ang nagsagod sa ila.
7 Sang mabaton ang sulat ni Jehu, ang kinilala nga mga pumoluyo
sang Samaria nagpamatay sang 70 ka mga kaliwat ni Acab, ginbutang ang ila mga
ulo sa mga alat kag ginpadala ini sa kay Jehu sa Jezreel.
8 Sang masugiran si Jehu nga ang mga ulo sang mga kaliwat ni Acab
gindala, nagsugo sia sa ila nga tumpokon ini sa duha ka tumpok sa puwerta sang
siyudad, kag ginbilin ini didto tubtob mag-aga.
9 Sang pagkaaga, naggwa sia sa puwerta, kag nagsiling sa mga tawo
nga yadto didto,"Ako amo ang nagplano batok kay Haring Joram kag nagpatay
sa iya. Wala kamo sing salabton sina. Pero sin-o ang nagpatay sini tanan?
10 Ini nagapamatuod nga ang tagsa ka butang nga ginsiling sang
Ginoo nahanungod sa mga kaliwat ni Acab matuman. Gintuman sang Ginoo ang iya
ginsaad paagi kay Elias nga propeta."
11 Dayon ginpamatay ni Jehu ang nabilin nga mga paryente ni Acab
nga nagapuyo sa Jezreel, ang tanan niya nga mga opisyales, ang suod nga mga
abyan, kag ang mga pari, kag wala sing nabilin sa ila nga buhi.
Ginpamatay ang mga Paryente ni Haring Ocozias
12 Naghalin si Jehu sa Jezreel kag nagkadto sa Samaria. Sa
dalanon, sa duog nga ginatawag"Kampamento sang mga Manugbantay sang mga
Karnero,"
13 nasugata niya ang iban nga mga paryente sang napatay nga hari
nga si Ocozias sang Juda, kag nagpamangkot sa ila, "Sin-o bala kamo?"
Nagsabat sila,"Mga paryente kami ni Ocozias. Nagapakadto kami sa Jezreel
sa pagduaw sang mga anak sang rayna nga si Jezebel kag sang iban nga mga
panimalay sang hari."
14 Si Jehu nagsugo sa iya mga tinawo,"Dakpa ninyo sila nga
buhi!” Gindakop nila sila, kag ginpamatay sila didto malapit sa buho. Mga 42
sila tanan, kag wala sing isa sa ila nga nabilin nga buhi.
Ginpamatay ang Tanan nga Nabilin nga mga Paryente ni Acab
15 Nagpadayon liwat si Jehu sa paglakat, kag sa iya dalanon
nasugata niyasi Jonadab nga anak nga lalaki ni Recab. Gin-abiabi sia ni Jehu
kag nagsiling, "Pareho ang aton panghunahona. Magasakdag ka bala sa
akon?" Nagsabat si Jonadab, "Huo, magasakdag ako sa imo." Si
Jehu nagsabat, "Kon amo, idaho sa akon ang imo kamot."Nagkamustahanay
sila, kag si Jehu nagpasaka sa iya sa karuwahi,
16 nga nagasiling,"Upod ka sa akon kag makita mo sa imo
kaugalingon nga mga mata kon daw ano ang kakugi ko sa GINOO."Kag nag-upod sila
sakay pakadto sa Samaria.
17 Sang pag-abot nila didto, ginpamatay ni Jehu ang tanan nga mga
paryente ni Acab nga wala sing ginbilin nga buhi bisan isa. Amo ini ang ginsiling
ni Elias nga matabo.
Ginpamatay ang mga Nagasimba kay Baal
18 Gintawag ni Jehu sing tingob ang mga tawo sang Samariakag
nagsiling, “Si Haring Acab nagsimba sa dios ni Baal, pero magaalagad ako sa iya
sing sobra pa.
19 Tawga ninyo sing tingob ang tanan nga mga propeta ni Baal, ang
tanan nga nagasimba sa iya, kag ang tanan nga mga pari. Kinahanglan ang tanan
magkari, kay magahalad ako sing isa ka daku nga halad kay Baal, kag ang bisan sin-o
nga indi magkari pagapatyon."(Amo ini ang pahito ni Jehu agod mapamatay
niya ang tanan nga nagasimbakay Baal.)
20 Dayon si Jehu nagsugo,"Maghiwat kamo sing isa ka adlaw nga
pagsimba sa kadungganan ni Baal!"Gintuman nila ini,
21 kag si Jehu nagpadala sing pahibalo sa bug-os nga duta sang Israel.
Ang tanan nga nagasimba kay Baal nag-abot; kag wala gid sing isa sa ila nga
wala magkari. Nagsulod sila tanan sa templo ni Baal kag napuno ini.
22 Dayon ginsugo ni Jehu ang pari nga gintugyanan sang balaan nga
mga bayu nga dalhon ini pa gwa kag ihatag sa mga sumilimba.
23 Pagkatapos sini, si Jehu mismo nagsulod sa templo upod kay
Jonadab nga anak nga lalaki ni Recao, kag nagsiling sa mga tawo didto, “Pat-ura
ninyo nga mga sumilimba lamang ni Baal ang yari diri, kag wala sing sumilimba
sa Ginoo nga nakasulod.”
24 Dayon sia kag si Jonanab nagsulod sa pagdulot sang mga halad
kag mga halad nga sinunog kay Baal. Ginbutangan niya sang 80 ka mga tawo sa gwa
sang templo, kag ginsingganan sila,"Pamatyon ninyo ini tanan nga mga tawo;
ang bisan sin-o nga makapalagyo sang bisan isa sa ila pagabayaran niya sang iya
kaugalingon nga kabuhi!"
25 Sa tapos nga makadulot si Jehu sang mga halad, nagsiling sia sa
mga gwardya kag sa mga opisyales,"Sulod kamo kag pamatyon sila tanan. Indi
ninyo pagtugoti nga may makapalagyo!" Nagsulod sila nga may mga espada,
ginpamatay sila tanan, kag ginguyod ang mga bangkay pa gwa. Dayon nagsulod sila
sa nasulod nga bahin sang templo,
26 gindala pa gwa ang balaan nga haligi nga yadto didto, kag
ginsunog ini.
27 Gani ginguba nila ang balaan nga haligi kag ang templo, kag
ginhimo ini nga palamus-onan,tubtob karon ngaadlaw.
28 Sa sini nga paagi gindula ni Jehu ang pagsimba kay Baal sa
Israel.
29 Pero ginsunod niya ang sala ni Jeroboam, nga nagdala sa Israel
sa pagsimba sa mga baka nga bulawan nga ginpatindog niya sa Betel kag sa Dan.
30 Ang GINOO nagsiling kay Jehu,"Gintuman mo ang tanan nga
ginsiling kosa imo sa mga kaliwat ni Acab. Gani nagasaad ako sa imo nga ang imo
mga kaliwatan, tubtob sa ikap-at ka kaliwatan magahari sa Israel."
31 Pero si Jehu nagpatumbaya sa bug-os niya nga tagipusoon sa
pagtuman sang Kasugoan sang Ginoo, ang Dios sang Israel; sa baylo nagsunod sia
sa ginhimo ni Jeroboam, nga nagdala sa Israel sa pagpakasala.
Pagkapatay ni Jehu
32 Sa sadto nga tion ang Ginoo nagsugod sa pag-iban sang kadutaan
sang Israel. Si Haring Hazael sang Siria nagpang-agaw sang tanan nga sakop sang
Israel
33 sa nasidlangan sang Jordan, tubtob sa nabagatnan sang banwa
sang Aroer sa suba sang Arnon—ini nagalakip sang mga sakop sang Galaad kag Basan,
sa diin nagapuyo ang mga tribo ni Gad, ni Ruben, kag ni Manases.
34 Ang tanan nga mga ginhimo ni Jehu, lakip ang iya bantog nga mga
binuhatan, nasulat sa Maragtas sang mga Hari sang Israel.
35 Napatay sia kag ginlubong sa Samaria, kag si Joacaz nga iya
anak nga lalaki nagbulos sa iya subong hari.
36 Naggahom si Jehu sa Samaria subong hari sang Israel sing 28 ka
tuig.
No comments:
Post a Comment