○○○○○
1 Gani ang mga tawo sang siyudad sang Kiryatjearim nagkuha sang Kaban sang Kasugtanan kag gindala nila ini sa balay ni Abinadab, nga yara sa ibabaw sang bakulod. Ginpakabalaan nila ang iya anak nga si Eleasar sa pagbantay sini.
3 Si Samuel nagsiling sa mga tawo sang Israel, "Kon magbalik kamo sa GINOO sa bug-os ninyo nga tagipusoon, kinahanglan isikway ninyo ang tanan nga mga dios kag ang mga larawan sang diosa nga si Astarot. Itugyan ninyo sing bug-os ang inyo kaugalingon sa Ginoo kag magsimba sa iya lamang, kag luwason niya kamo sa gahom sang mga Filistinhon."
4 Gani ginsikway sang mga Israelinhon ang ila mga diosdios nga si Baal kag si Astarot, kag ang Ginoo lamang ang ila ginsimba.
5 Dayon si Samuel nagtawag sang tanan nga mga Israelinhon sa pagtipon sa Mispa kag ginsingganan sila, "Magapangamuyo ako didto sa Ginoo para sa inyo.’”
6 Gani nagtipon sila tanan sa Mispa. Nagsag-ob sila sing tubig kag gin-ula ini subong halad sa Ginoo, kag nagpuasa sila sa bug-os nga adlaw. Nagsiling sila, "Nakasala kita batok sa Ginoo." (Ang mga kasuayon sang mga Israelinhon ginhusay ni Samuel sa Mispa.)
7 Sang pagkabati sang mga Filistinhon nga ang mga Israelinhon nagtipon sa Mispa, ang lima ka mga pangulo sang Filistinhon upod ang ila mga tinawo naglakat sa pagsalakay sa ila. Ang mga Israelinhon nakabati nahanungod sini kag hinadlukan,
8 kag nagsiling sila kay Samuel, "Magpadayon ka sa pagpangamuyo sa Ginoo nga aton Dios nga luwason niya kita sa mga Filistinhon.”
9 Si Samuel nagpatay sang isa ka cordero kag ginsunog ini sing bilog subong halad sa Ginoo. Nagpangamuyo sia sa Ginoo nga buligan ang Israel, kag ang Ginoo nagsabat sang iya pangamuyo.
10 Samtang nagahalad si Samuel sang iya dulot, ang mga Filistinhon nagapakari sa pagsalakay, pero ang Ginoo nagdaguob gikan sa langit batok sa ila. Nagsalangisag sila sing bug-os kag nagpalagyo.
11 Ang mga Israelinhon naggwa sa Mispa kag naglagas sa ila tubtob sa Betkar, nga nagapamatay sa ila sa dalanon.
12 Dayon nagkuha si Samuel sing bato, ginbutang niya ini sa gin-utlan sang Mispa kag Sen kag nagsiling, "Ang Ginoo nagbulig sa aton tubtob nakalambot kita diri"—kag ginhingalanan niya ini sing “Bato sang Pagbulig.”
13 Gani nalutos ang mga Filistinhon kag ang Ginoo wala na magtugot sa ila sa paggubat sa Israel sang si Samuel buhi pa.
14 Ang tanan nga mga siyudad, halin sa Ecron tubtob sa Gat nga gin-agaw anay sang mga Filistinhon gin-uli sa Israel, kag ang Israel nagbawi sang tanan niya nga mga kadutaan. Kag wala man sing inaway sa tunga sang mga Israelinhon kag sang mga Canaanhon.
15 Si Samuel naggahom sa Israel sa iya bug-os nga kabuhi.
16 Sa tagsa ka tuig nagalibot sia sa Betel, Gilgal, kag Mispa, kag sa sini nga mga duog nagahusay sia sang mga kagamo.
17 Dayon nagabalik sia sa iya puloy-an sa Rama sa diin nagagahom sia sa Israel. Didto nagpatindog sia sing altar sa GINOO.
Si Samuel Naggahom sa Israel
2 Ang Kaban sang Kasugtanan sang Ginoo nagpabilin sa siyudad sang Kiryatjearim sing madugay, mga 20 ka tuig. Sa sini nga mga tinuig ang bug-os nga Israel nagpangayo sing bulig sa Ginoo.3 Si Samuel nagsiling sa mga tawo sang Israel, "Kon magbalik kamo sa GINOO sa bug-os ninyo nga tagipusoon, kinahanglan isikway ninyo ang tanan nga mga dios kag ang mga larawan sang diosa nga si Astarot. Itugyan ninyo sing bug-os ang inyo kaugalingon sa Ginoo kag magsimba sa iya lamang, kag luwason niya kamo sa gahom sang mga Filistinhon."
4 Gani ginsikway sang mga Israelinhon ang ila mga diosdios nga si Baal kag si Astarot, kag ang Ginoo lamang ang ila ginsimba.
5 Dayon si Samuel nagtawag sang tanan nga mga Israelinhon sa pagtipon sa Mispa kag ginsingganan sila, "Magapangamuyo ako didto sa Ginoo para sa inyo.’”
6 Gani nagtipon sila tanan sa Mispa. Nagsag-ob sila sing tubig kag gin-ula ini subong halad sa Ginoo, kag nagpuasa sila sa bug-os nga adlaw. Nagsiling sila, "Nakasala kita batok sa Ginoo." (Ang mga kasuayon sang mga Israelinhon ginhusay ni Samuel sa Mispa.)
7 Sang pagkabati sang mga Filistinhon nga ang mga Israelinhon nagtipon sa Mispa, ang lima ka mga pangulo sang Filistinhon upod ang ila mga tinawo naglakat sa pagsalakay sa ila. Ang mga Israelinhon nakabati nahanungod sini kag hinadlukan,
8 kag nagsiling sila kay Samuel, "Magpadayon ka sa pagpangamuyo sa Ginoo nga aton Dios nga luwason niya kita sa mga Filistinhon.”
9 Si Samuel nagpatay sang isa ka cordero kag ginsunog ini sing bilog subong halad sa Ginoo. Nagpangamuyo sia sa Ginoo nga buligan ang Israel, kag ang Ginoo nagsabat sang iya pangamuyo.
10 Samtang nagahalad si Samuel sang iya dulot, ang mga Filistinhon nagapakari sa pagsalakay, pero ang Ginoo nagdaguob gikan sa langit batok sa ila. Nagsalangisag sila sing bug-os kag nagpalagyo.
11 Ang mga Israelinhon naggwa sa Mispa kag naglagas sa ila tubtob sa Betkar, nga nagapamatay sa ila sa dalanon.
12 Dayon nagkuha si Samuel sing bato, ginbutang niya ini sa gin-utlan sang Mispa kag Sen kag nagsiling, "Ang Ginoo nagbulig sa aton tubtob nakalambot kita diri"—kag ginhingalanan niya ini sing “Bato sang Pagbulig.”
13 Gani nalutos ang mga Filistinhon kag ang Ginoo wala na magtugot sa ila sa paggubat sa Israel sang si Samuel buhi pa.
14 Ang tanan nga mga siyudad, halin sa Ecron tubtob sa Gat nga gin-agaw anay sang mga Filistinhon gin-uli sa Israel, kag ang Israel nagbawi sang tanan niya nga mga kadutaan. Kag wala man sing inaway sa tunga sang mga Israelinhon kag sang mga Canaanhon.
15 Si Samuel naggahom sa Israel sa iya bug-os nga kabuhi.
16 Sa tagsa ka tuig nagalibot sia sa Betel, Gilgal, kag Mispa, kag sa sini nga mga duog nagahusay sia sang mga kagamo.
17 Dayon nagabalik sia sa iya puloy-an sa Rama sa diin nagagahom sia sa Israel. Didto nagpatindog sia sing altar sa GINOO.
No comments:
Post a Comment