Panguna
Ang Deuteronomio amo ang mga pamulongpulong ni Moises sa mga Israelinhon sa duta sang Moab, sa diin sila nagdulog sa tapos ang ila malawig nga pagpanglakaton sa desierto kag manugsulod na sila sa Canaan sa pagpanag-iya sang duta.
Ang pila sang mga bagay nga importante nga makita sa libro amo ang masunod: 1) Si Moises nagapahanumdom sa mga tawo sang dalagku nga mga hitabo sang nagligad nga 40 ka tuig. Nagapangabay sia sa mga tawo sa pagpanumdom kon paano gintuytuyan sila sang Dios sa desierto, kag magmatinumanon kag magmainunongon sila sa Dios. 2) Ginasulit ni Moises ang Napulo ka Sugo kag ginpatalupangod niya sing maayo ang kahulogan sang Nahauna nga Sugo, kag nagapangabay sia sa mga tawo sa paghigugma sa Ginoo lamang. Dayon ginsulit niya ang nanglainlain nga mga kasugoan nga amo ang magagahom sa kabuhi sang Israel sa ginsaad nga duta. 3) Si Moises nagapahanumdom sa mga tawo sang kahulogan sang kasugtanan sang Dios sa ila, kag nagapangabay sa ila sa pagbag-o sang ila mga saad sa ila katungdanan sa amo nga kasugtanan. 4) Si Josue ginpili nga pangulo sang mga tawo sang Dios. Sa tapos ni Moises makanta ang mga ambahanon nga nagasugid sang katutom sang Dios, kag sa tapos niya mabendisyonan ang mga tribo sang Israel, napatay sia didto sa Moab sa sidlangan sang Suba sang Jordan.
Ang daku nga tema sang libro amo ini: Ang Dios nagluwas kag nagbendisyon sang iya pinili nga mga tawo nga iya ginahigugma. Gani, ang iya mga tawo dapat magdumdom sini, kag maghigugma kag magtuman sa iya, agod magkabuhi sila kag mag-agom sang kaayuhan nga wala nagauntat.
Ang yabi nga mga bersikulo sini nga libro amo ang 6:4-6, kag nagalakip ini sang mga pulong nga ginatawag ni Jesus ang labing daku sang mga kasugoan: "Higugmaa ang Ginoo nga imo Dios sa bug-os mo nga tagipusoon, sa bug-os mo nga kalag, kag sa bug-os mo nga kusog."
Ang Deuteronomio amo ang mga pamulongpulong ni Moises sa mga Israelinhon sa duta sang Moab, sa diin sila nagdulog sa tapos ang ila malawig nga pagpanglakaton sa desierto kag manugsulod na sila sa Canaan sa pagpanag-iya sang duta.
Ang pila sang mga bagay nga importante nga makita sa libro amo ang masunod: 1) Si Moises nagapahanumdom sa mga tawo sang dalagku nga mga hitabo sang nagligad nga 40 ka tuig. Nagapangabay sia sa mga tawo sa pagpanumdom kon paano gintuytuyan sila sang Dios sa desierto, kag magmatinumanon kag magmainunongon sila sa Dios. 2) Ginasulit ni Moises ang Napulo ka Sugo kag ginpatalupangod niya sing maayo ang kahulogan sang Nahauna nga Sugo, kag nagapangabay sia sa mga tawo sa paghigugma sa Ginoo lamang. Dayon ginsulit niya ang nanglainlain nga mga kasugoan nga amo ang magagahom sa kabuhi sang Israel sa ginsaad nga duta. 3) Si Moises nagapahanumdom sa mga tawo sang kahulogan sang kasugtanan sang Dios sa ila, kag nagapangabay sa ila sa pagbag-o sang ila mga saad sa ila katungdanan sa amo nga kasugtanan. 4) Si Josue ginpili nga pangulo sang mga tawo sang Dios. Sa tapos ni Moises makanta ang mga ambahanon nga nagasugid sang katutom sang Dios, kag sa tapos niya mabendisyonan ang mga tribo sang Israel, napatay sia didto sa Moab sa sidlangan sang Suba sang Jordan.
Ang daku nga tema sang libro amo ini: Ang Dios nagluwas kag nagbendisyon sang iya pinili nga mga tawo nga iya ginahigugma. Gani, ang iya mga tawo dapat magdumdom sini, kag maghigugma kag magtuman sa iya, agod magkabuhi sila kag mag-agom sang kaayuhan nga wala nagauntat.
Ang yabi nga mga bersikulo sini nga libro amo ang 6:4-6, kag nagalakip ini sang mga pulong nga ginatawag ni Jesus ang labing daku sang mga kasugoan: "Higugmaa ang Ginoo nga imo Dios sa bug-os mo nga tagipusoon, sa bug-os mo nga kalag, kag sa bug-os mo nga kusog."
Balayan sang Kaundan
Ang nahauna nga pamulongpulong ni Moises 1:1—4:49
Ang ikaduha nga pamulongpulong ni Moises 5:1—26:19
a. Ang Napulo ka Sugo 5:1—10:22
b. Ang mga Kasugoan, mga pagsulondan, kag mga paandam 11:1—26:19
Mga tugon sa pagsulod sa Canaan 27:1—28:68
Ang kasugtanan ginbag-o 29:1—30:20
Ang katapusan nga mga pulong ni Moises 31:1—33:29
Ang kamatayon ni Moises 34:1-12
Ang nahauna nga pamulongpulong ni Moises 1:1—4:49
Ang ikaduha nga pamulongpulong ni Moises 5:1—26:19
a. Ang Napulo ka Sugo 5:1—10:22
b. Ang mga Kasugoan, mga pagsulondan, kag mga paandam 11:1—26:19
Mga tugon sa pagsulod sa Canaan 27:1—28:68
Ang kasugtanan ginbag-o 29:1—30:20
Ang katapusan nga mga pulong ni Moises 31:1—33:29
Ang kamatayon ni Moises 34:1-12
No comments:
Post a Comment