MGA SALMO - Kapitulo 19

1  2  3  4  5  6  7  8  9  10  11  12  13  14  15  16  17  18  19  20  21  22  23  24  25  26  27  28  29  30  31  32  33  34  35  36  37  38  39  40  41  42  43  44  45  46  47  48  49  50  51  52  53  54  55  56  57  58  59  60  61  62  63  64  65  66  67  68  69  70  71  72  73  74  75  76  77  78  79  80  81  82  83  84  85  86  87  88  89  90  91  92  93  94  95  96  97  98  99  100  101  102  103  104  105  106  107  108  109  110  111  112  113  114  115  116  117  118  119  120  121  122  123  124  125  126  127  128  129  130  131  132  133  134  135  136  137  138  139  140  141  142  143  144  145  146  147  148  149  150

Ang Himaya sang Dios sa Iya Gintuga

1 Ang himaya sang Dios ginapahayag sing maathag sang kalangitan! 

     Ang langit nagapakita sang iya mga binuhatan!

2 Ang tagsa ka adlaw nagasugid sini sa madason nga adlaw, 

     Ang tagsa ka gab-i nagasulit sini sa madason nga gab-i.

3 Wala sing pulong ukon mga tinuga nga ginagamit, 

     wala sing gahod nga mabatian,

4 pero ang ila tingog nagatugob sa bug-os nga kalibutan, 

     ang ila mga pulong nagalambot sa mga ukbong sang duta. 

   Didto sa langit naghimo ang Dios sing tolda para sa adlaw,

5   kaangay ini sang nobyo nga nagagwa sa iya balay, 

     kaangay sang humalampang nga nagadali sa pagpalumba.

6 Nagasugod ini halin sa isa ka ukbong sang langit, 

     kag nagalibot ini pakadto sa isa na man ka ukbong.

     Wala gid sing may makapanago sa iya kainit.

Ang Kasugoan sang Ginoo

7 Ang kasugoan sang Ginoo himpit; 

     nagahatag ini sing bag-o ngakabuhi, 

   ang mga sugo sang Ginoo masaligan,

     kag nagahatag ini sing kaalam sa mga nakulangan.

8 Matarong ang mga pagsulondan sang Ginoo, 

     kag ang mga nagatuman sini malipayon, 

   matarong gid ang iya mga sugo, 

     kag nagahatag sing paghangop kag sa hunahona.

9 Ang pagsimba sa Ginoo maayo; 

     magapadayon ini sa walay katubtoban. 

   Matarong ang mga paghukom sang Ginoo; 

     Wala ini sing may ginapasulabi.

10 Halandumon pa sila sang sa bulawan, 

       bisan pa sang sa pinakapuraw nga bulawan. 

     Matam-is pa sila sang sa dugos, 

       bisan pa sang sa wala simbog nga dugos.

11 Ginatudloan nila ako nga imo alagad, 

       tungod sang akon pagtuman sini ginahatagan ako sing balos.

12 Wala sing tawo nga makakita sang iya kaugalingon nga mga sayop; 

       luwasa man ako sa tago nga mga kasaypanan!

13 Ipahilayo man ako sa hayag nga mga sala, 

       indi ako pag-ipadaog sa ila. 

     Dayon manginhimpit ako, 

       kag hilway sa makasiligni nga mga sala.

14 Kabay pa nga mabaton mo ang akon mga pulong kag panghunahona,

       O Ginoo nga akon dalangpan kag Manunobos!

wTITULO SA HEBREO: Salmo ni David.

xAng iban nga dumaan nga pagbadbad tingog; sa Hebreo linya.

MGA SALMO - Kapitulo 18 <<<   >>> MGA SALMO - Kapitulo 20