MGA SALMO - Kapitulo 14

1  2  3  4  5  6  7  8  9  10  11  12  13  14  15  16  17  18  19  20  21  22  23  24  25  26  27  28  29  30  31  32  33  34  35  36  37  38  39  40  41  42  43  44  45  46  47  48  49  50  51  52  53  54  55  56  57  58  59  60  61  62  63  64  65  66  67  68  69  70  71  72  73  74  75  76  77  78  79  80  81  82  83  84  85  86  87  88  89  90  91  92  93  94  95  96  97  98  99  100  101  102  103  104  105  106  107  108  109  110  111  112  113  114  115  116  117  118  119  120  121  122  123  124  125  126  127  128  129  130  131  132  133  134  135  136  137  138  139  140  141  142  143  144  145  146  147  148  149  150

Ang Kalaut sang mga Tawo

(Salmo 53)

1 Ang mga buangboang nagasiling sa ila kaugalingon, 
     “Wala sing Dios.” 
   Malaut sila tanan. 
     Makangilil-ad nga mga butang ang ila ginahimo, 
     wala gid sing isa nga nagahimo sing matarong.

2 Gikan sa langit ang Ginoo nagatamod sa mga tawo 
     sa pagtan-aw kon may yara nga maalam, 
     kag nagasimba sa iya.

3 Pero nagsala gid sila tanan, 
     lunsay sila tanan malain,
   wala sing isa sa ila nga nagahimo sing matarong, 
     wala gid bisan isa.

4 Nagapamangkot ang Ginoo, “Wala gid bala sila makahibalo? 
     Wala gid bala inalung-ong ining mga manughikot sang malaut? 
   Nagakabuhi sila sa pagpangawat sa akon mga tawo, 
     kag wala sila nagapangamuyo sa akon.”

5 Pero magakurog gid sila sa kahadlok, 
     kay ang Dios nagabulig sa mga nagatuman sa iya.

6 Ang malaut nga mga tawo naga-upang sang mga plano sang mapainuboson nga tawo, 
     Pero ang Ginoo amo ang iya dalangpan.

7 Daw ano ang akon pagpangamuyo nga gikan sa Sion 
     ang kaluwasan magaabot sa Israel! 
   Kon ang Ginoo magpauswag liwat sang iya mga tawo, 
     magakalipay ang mga kaliwat ni Jacob; 
     ang mga tawo sang Israel magakasadya.

qTITULO SA HEBREO: Ni David.

MGA SALMO - Kapitulo 13 <<<   >>> MGA SALMO - Kapitulo 15