MGA SALMO - Kapitulo 10

1  2  3  4  5  6  7  8  9  10  11  12  13  14  15  16  17  18  19  20  21  22  23  24  25  26  27  28  29  30  31  32  33  34  35  36  37  38  39  40  41  42  43  44  45  46  47  48  49  50  51  52  53  54  55  56  57  58  59  60  61  62  63  64  65  66  67  68  69  70  71  72  73  74  75  76  77  78  79  80  81  82  83  84  85  86  87  88  89  90  91  92  93  94  95  96  97  98  99  100  101  102  103  104  105  106  107  108  109  110  111  112  113  114  115  116  117  118  119  120  121  122  123  124  125  126  127  128  129  130  131  132  133  134  135  136  137  138  139  140  141  142  143  144  145  146  147  148  149  150

Pangamuyo agod Buligan

1 Ngaa bala kalayo sa imo, O GINOO?
     Ngaa bala nagapanago ka sa tion sang kinagamo?
2 Ang mga malaut bugalon kag nagahingabot sang mga imol;
     kabay nga masiod gid sila sang mga siod nga ila ginhimo.
3 Ginapabugal sang malaut nga tawo ang iya malaut nga mga handom,
     ang dalok nagapasipala kag nagasikway sa GINOO.
4 Ang malaut nga tawo wala nagasapak sa GINOO;
     sa iya pagpabugal nagahunahona sia nga ang Dios bali wala.
5 Madinalag-on sia sa tanan nga iya ginahimo.
     Ang mga paghukom sang Dios indi niya mahangpan,
     kag nagayubit sia sa iya mga kaaway.
6 Nagasiling sia sa iya kaugalingon, “Indi gid ako mapaslawan,
     indi gid ako maligban.”
7 Ang iya hambal puno sing mga pasipala, kabutigan kag pamahog,
     madali sia maghambal sang malaut kag malain nga mga pulong.
8 Didto sia sa mga puongpuong nagapanago;
     nagahulat sia didto kag nagapamatay sang mga tawo nga wala sing sala.
     Ginabantayan gid niya ang iya palatyon nga wala sing makatabang;
9   nagahulat sia sa iya palanaguan subong sang leon.
   Ginatiid niya ang iya tulokbon,
   gindakop niya ini sang iya siod kag ginaguyod.
10 Ang makalulooy nga tulokbon matumba kag wala sing mahimo,
       gindaog sia sang daku nga kusog.
11 Ang malaut nagasiling sa iya kaugalingon, “Wala nagasapak ang Dios!
     Ginpiyong niya ang iya mga mata, kag indi gid niya makita ako!”
12 Kari ka, O GINOO, kag luwasa ako!
       O Dios, indi pagkalimti ang ginapigos!
13 Makatamay bala ang malaut nga tawo sa Dios,
       kag magsiling sa iya kaugalingon, “Indi sia magsilot sa akon”?
14 Pero nagatan-aw ka; makita mo ang pag-antos kag kalisod,
       kag handa ka gihapon sa pagbulig.
     Sa imo ginatugyan sang maluya ang iya kaugalingon,
       tungod kay nagabulig ka sa gihapon sa mga nawad-an.
15 Gub-a ang gahom sang malaut kag malain nga mga tawo,
       siluti sila tungod sang ila mga kalautan,
       tubtob matapos ang pagsilot sa ila!
16 Ang GINOO hari sa walay katubtoban,
       kag ang mga indi diosnon magakawala sa iya duta.
17 Imo pamatian, O GINOO, ang mga pangamuyo sang mapainuboson,
       imo sila hatagan sing kaisog.
18 Imo pamatian ang mga hinibi sang mga ginapigos kag mga ilo,
       kag magahukom ka pabor sa ila,
       agod ang mamalatyon nga tawo indi na gid magdala sing kahadlukan.

MGA SALMO - Kapitulo 9 <<<   >>> MGA SALMO - Kapitulo 11