MGA SALMO - Kapitulo 11

1  2  3  4  5  6  7  8  9  10  11  12  13  14  15  16  17  18  19  20  21  22  23  24  25  26  27  28  29  30  31  32  33  34  35  36  37  38  39  40  41  42  43  44  45  46  47  48  49  50  51  52  53  54  55  56  57  58  59  60  61  62  63  64  65  66  67  68  69  70  71  72  73  74  75  76  77  78  79  80  81  82  83  84  85  86  87  88  89  90  91  92  93  94  95  96  97  98  99  100  101  102  103  104  105  106  107  108  109  110  111  112  113  114  115  116  117  118  119  120  121  122  123  124  125  126  127  128  129  130  131  132  133  134  135  136  137  138  139  140  141  142  143  144  145  146  147  148  149  150

Pagsalig sa Ginoo

1 Nagasalig ako sa Ginoo nga indi ako maano. 
     Daw ano kabuang sa inyo  nga magsiling sa akon: 
  “Lupad ka subong sang pispis pa kabukiran,

2   kay ang mga malaut nagabingat sang ila mga pana kag nagatumod sang ila mga baslay 
     sa pagpana sang mga matarong sa kadudolman.

3 Wala mahimo ang  maayo nga tawo, 
     kon nagakaguba na ang tanan nga mga butang.”

4 Ang Ginoo yara sa iya balaan nga templo, 
     didto sa langit ang iya trono.
   Ginabantayan niya ang tanan nga mga tawo, 
     kag nahibal-an niya ang ila ginahimo.

5 Ginausisa niya ang malain kag ang maayo, 
     kag ginadumtan niya sang iya bug-os nga tagipusoon ang malinapason.

6 Ginapaulan niya sa mga malaut 
     ang nagadabdab nga mga baga kag asupre, 
     iya sila ginasilutan sing nagaharahara nga kalayo.

7 Ang Ginoo matarong, kag nagahigugma sang maayo nga mga buhat, 
     ang mga nagatuman sa iya magakabuhi sa iya atubangan.

lTITULO SA HEBREO: Ni David.
msubong sang pispis pa kabukiran; ukon pispis sa inyo kabukiran.
nAng isa ka dumaan nga pagbadbad baga; sa Hebreo mga lagpit.

MGA SALMO - Kapitulo 10 <<<   >>> MGA SALMO - Kapitulo 12