MGA SALMO - Kapitulo 17

1  2  3  4  5  6  7  8  9  10  11  12  13  14  15  16  17  18  19  20  21  22  23  24  25  26  27  28  29  30  31  32  33  34  35  36  37  38  39  40  41  42  43  44  45  46  47  48  49  50  51  52  53  54  55  56  57  58  59  60  61  62  63  64  65  66  67  68  69  70  71  72  73  74  75  76  77  78  79  80  81  82  83  84  85  86  87  88  89  90  91  92  93  94  95  96  97  98  99  100  101  102  103  104  105  106  107  108  109  110  111  112  113  114  115  116  117  118  119  120  121  122  123  124  125  126  127  128  129  130  131  132  133  134  135  136  137  138  139  140  141  142  143  144  145  146  147  148  149  150

Pangamuyo sang Matarong nga Tawo

1 Pamatii, O Ginoo, ang akon matarong nga pagpakiluoy, 

     talupangda ang akon pagpangayo sing bulig! 

   Pamatii ang akon pangamuyo, 

     kay wala ako nagalimbong.

2 Magahukom ka pabor sa akon, 

     kay nakahibalo ka sang matarong.

3 Nahibaluan mo ang akon tagipusoon, 

     ginaduaw mo ako sa kagab-ihon.

   Gin-usisa mo ako sing maayo, 

     kag wala ka sing nakita nga malaut nga handom sa akon, 

     wala ako nagahambal sing malaut,

4   subong sang iban, 

   ang imo sugo akon ginatuman, 

     kag wala ko ginasunod ang dalan sang mga mabangis.

5 Sa gihapon nagalakat ako sa imo dalan,

     kag wala gid ako magsipak.

6 Nagapangamuyo ako sa imo, O Dios, kay ikaw nagasabat sa akon, 

     gani balikda ako, kag pamatii ang akon mga pulong.

7 Ipahayag ang imo makatilingala nga gugma, O Manlulowas; 

     sa imo luyo indi kami maano sa amon mga kaaway.

8 Tipigi ako, subong sang pagtipig mo sang imo gid mga mata, 

     tagoa ako sa idalom sang imo mga pakpak

9   gikan sa mga pagsalakay sang malaut. 

   Ang akon mga kaaway, nga puno sang dumot, nagalibot sa akon,

10   wala gid sila sing kaluoy, kag nagapabugal pa.

11 Karon bisan diin ako magliso yara sila, 

       nga nagahulat lamang sang kahigayunan sa paglaglag sa akon.

12 Daw mga leon sila, nga buot maggus-ab sa akon, 

       daw mga totoy sang leon, nga nagahulat sa akon sa ila palanaguan.

13 Kari, O Ginoo, sumponga ang akon mga kaaway kag laglaga sila! 

     Luwasa ako sa malaut paagi sa imo espada;

14   bangod sang imo gahom luwasa ako sa ila, 

       sa mga tawo sining kinabuhi nga nagaangkon sang tanan nga ila naluyagan. 

     Padal-i sila sing mga pag-antos nga imo ginatigana, 

       kabay pa nga may madamo nga mga pag-antos ang ila mga kabataan, 

       kag may yara pa nga mabilin para sa mga anak sang ila mga kaanakan!

15 Makakita ako sa imo, tungod kay ako matarong, 

       kag sa akon pagmata mapuno ako sing kalipay 

       sa imo pagpakig-upod sa akon.

uTITULO SA HEBREO: Pangamuyo ni David. 

MGA SALMO - Kapitulo 16 <<<   >>> MGA SALMO - Kapitulo 18