MGA SALMO - Kapitulo 7

1  2  3  4  5  6  7  8  9  10  11  12  13  14  15  16  17  18  19  20  21  22  23  24  25  26  27  28  29  30  31  32  33  34  35  36  37  38  39  40  41  42  43  44  45  46  47  48  49  50  51  52  53  54  55  56  57  58  59  60  61  62  63  64  65  66  67  68  69  70  71  72  73  74  75  76  77  78  79  80  81  82  83  84  85  86  87  88  89  90  91  92  93  94  95  96  97  98  99  100  101  102  103  104  105  106  107  108  109  110  111  112  113  114  115  116  117  118  119  120  121  122  123  124  125  126  127  128  129  130  131  132  133  134  135  136  137  138  139  140  141  142  143  144  145  146  147  148  149  150

Pangamuyo para sa Katarungan 

1 O GINOO, Dios ko, dira sa imo indi ako maano,

     tabangi kag luwasa ako sa mga nagalagas sa akon,
2 kay kon indi, tabanon nila ako subong sang pagtaban sang isa ka leon 

     sa diin wala sing may makaluwas sa akon;

     kag didto gus-abon nila ako.
3 O GINOO, Dios ko, kon nakahimo ako bisan isa sini nga mga butang:

     kon nakasala ako sa bisan kay sin-o,
4   kon ginluiban ko ang akon abyan,

     ukon ginpintasan ko ang akon kaaway nga wala sing kabangdanan,
5 kabay nga ang akon mga kaaway maglagas kag magdakop sa akon,

     maglabo kag magpatay sa akon,

     kag ibilin ang akon bangkay sa duta!
6 Bangon ka, O GINOO, sa imo kaakig, 

     kag sumponga ang pagsilabo sang akon mga kaaway! 

   Mata na kag buligi ako,

     kay ang katarungan amo ang ginapangita mo.
7 Tipuna ang tanan nga mga katawuhan sa palibot mo,

     kag gikan sa langit gamhi sila.
8 Ikaw, O GINOO, amo ang hukom sang tanan nga mga tawo.

     Maghukom ka pabor sa akon,

     kay wala ako sing sala.
9 Ikaw matarong nga Dios 

     kay nagahukom sang mga panghunahona kag mga handom sang mga tawo. 

  Tapnaa ang kalautan sang malain nga mga tawo,

     kag hatagi sing balos ang mga tawo nga maayo.
10 Ang Dios amo ang akon mangangapin,

       ginaluwas niya ang mga nagatuman sa iya.
11 Ang Dios matarong nga hukom, 

       kag sa gihapon nagakon denar sang malaut.
12 Kon indi maghinulsol ang mga tawo, 

       ang Dios magabaid sang iya espada. 

     Ginabingat niya kag ginahanda ang iya pana,
13   ginakaptan niya ang iya makamamatay nga mga hinganiban,

       kag ginapuntariya ang iya nagakalayo nga mga baslay.
14 Tan-awa kon daw ano kalaut ang ginabuko sang malaut nga tawo,

       nagaplano sia sang gamo, kag nagahimo sing pagdaya.
15 Nagakutkot sia sing madalom nga buho sa duta,

       kag sia man lang ang nagakahulog sa iya kinutkotan!
16 Gani, ginasilutan sia sang iya man lang kalautan,

       kag sia man lang ang nagakasakit sang iya kapintas.
17 Magapasalamat ako sa GINOO tungod sang iya katarungan:

       magaamba ako sang mga pagdayaw sa GINOO, ang Labing Mataas.


hTITULO SA HEBREO: Ambahanon nga ginkanta ni David sa GINOO tungod kay Cus nga Benjaminhon.

MGA SALMO - Kapitulo 6 <<<   >>> MGA SALMO - Kapitulo 8