136 137 138 139 140 141 142 143 144 145 146 147 148 149 150
Panghakroy kag Ambahanon
sa Pagdayaw
1 Dios ko, Dios ko, ngaa
bala ginpatumbayaan mo ako?
Daw maano na gid ako sa pagpangayo sang bulig mo,
pero
wala man gihapon ini nagaabot!
2 Kon adlaw nagapanawag
ako sa imo, O Dios ko,
pero wala ka nagasabat sa akon;
kon gab-i nagapanawag man
ako sa imo, pero wala ako sing kapahuwayan.
3 Pero ikaw ang Balaan nga
ginpalingkod sa trono, ang ginadayaw sang Israel.
4 Ang amon mga katigulangan
nagsalig sa imo;
nagsalig sila, kag imo sila ginluwas.
5 Nagpanawag sila sa imo,
kag naluwas sila sa katalagman,
nagsalig sila sa imo, kag wala sila mapaslawi.
6 Pero indi na ako tawo,
kundi isa ka ulod,
ginatamay kag ginahikayan sang tanan!
7 Ang mga nakakita sa
akon nagalangulango sa akon,
nagapadiwal sila kag nagalungolungo sang ila ulo.
8 Nagasiling sila, “Nagsalig
ka sa Ginoo, ngaa bala wala ka niya pagluwasa?
Kon palangga ka sang Ginoo, ngaa
bala wala ka niya pagbuligi?”
9 Ikaw ang nagpagwa sa
akon sa tiyan sang akon iloy nga wala maano,
kag sang lapsag pa lang ako gin-atipan
mo ako.
10 Nagsalig ako sa imo
sugod pa gid sang akon pagkatawo,
halin pa gid sang akon pagkatawo ikaw na ang
Dios ko.
11 Indi ka magpalayo sa akon!
Malapit ang kinagamo,
kag wala sing may makatabang.
12 Ginalibutan ako sang
madamo nga mga kaaway kaangay sang mga simaron;
nagalibot sila sa akon kaangay
sang mga simaron sang Basan.
13 Ginanganga nila ang
ila mga baba kaangay sang mga leon,
nga nagangurob kag manuggus-ab sa akon.
14 Nadula ang akon kusog,
kaangay
sang tubig nga naula sa duta.
Wala nagaalangot ang akon mga tul-an,
ang akon
tagipusoon nga talo sa akon dughan.
15 Ang akon tutonlan mamala
subong sang yab-ok,
kag ang akon dila nagapilit sa akon alingagngag.
Ginbayaan
mo ako sa yab-ok kay abi mo patay na ako.
16 Ang guban sang malaut
nga mga tawo nagalibot sa akon,
kaangay sang guban sang mga ido, ginakibon nila ako
gingus-ab nila
ang akon mga kamot kag tiil.
17 Naggulowa ang akon
mga tul-an.
Ang akon mga kaaway nagtulok sa akon nga nagamurarat ang ila mga mata,
18 ginapartida nila ang
akon mga panapton,
kag ginapagabutgabotan nila ang akon kapa.
19 Indi ka magpalayo sa
akon, O Ginoo!
O manlulowas ko, dalidali ka kag tabangi ako!
20 Luwasa ako sa espada,
kag ang akon kabuhi sa sina nga mga ido.
21 Luwasa ako sa sina
nga mga leon,
wala ako sing mahimo sa sina nga mga simaron.
22 Isugid ko sa akon mga
tawo ang imo binuhatan,
dayawon ko ikaw sa ila katilingban.
23 “Dayawa ninyo sia,
kamo nga mga alagad sang Ginoo!
Padunggi ninyo sia, kamo nga mga kaliwat ni
Jacob,
simbaha ninyo sia, kamo nga mga tawo sang Israel!
24 Wala niya ginapabay-i
ang mga imol ukon ginapatumbayaan ang ila mga pag-antos,
wala sia nagapalayo sa
ila,
kundi ginasabat niya ang ila pagpangayo sing bulig.”
25 Sa daku nga
katilingban dayawon ko ikaw tungod sang imo binuhatan,
magadulot ako sing mga
halad nga akon ginsaad sa atubangan sang mga nagatuman sa imo.
26 Ang mga imol magakaon
kag mabusog,
ang mga nagakari sa Ginoo magadayaw sa iya.
Kabay pa nga mag-uswag
sila sa walay katubtoban!
27 Ang tanan nga mga kapungsoran magadumdom
sa Ginoo,
halin sa tagsa ka bahin sang kalibutan magabalik sila sa iya,
ang
tanan nga mga rasa magasimba sa iya.
28 Ang Ginoo hari,
kag iya
ginagamhan ang mga kapungsoran.
29 Ang mga bugalon
magayaub sa iya;
amo man ang tanan nga mamalatyon nga mga tawo,
kag ang mga
napat-od na nga mapatay.
30 Ang palaabuton nga
mga kaliwatan magaalagad sa iya,
ang mga tawo magahambal nahanungod sa Ginoo sa
palaabuton nga kaliwatan.
31 Pagaisugid sa mga tawo
nga wala pa matawo:
“Ang Ginoo nagluwas sang iya mga tawo!”
aTITULO SA HEBREO: Salmo ni David.
btutonlan; sa Hebreo kusog.
cgingus-ab nila; sa iban ginhigot nila; sa Hebreo kaangay sang leon.
dAng iban nga dumaan nga pagbadbad wala ako sing mahimo; sa Hebreo ginsabat mo ako.
emagayaub sa iya; sa Hebreo magakaon kag magayaub sa iya.
No comments:
Post a Comment