MGA SALMO - Kapitulo 8

1  2  3  4  5  6  7  8  9  10  11  12  13  14  15  16  17  18  19  20  21  22  23  24  25  26  27  28  29  30  31  32  33  34  35  36  37  38  39  40  41  42  43  44  45  46  47  48  49  50  51  52  53  54  55  56  57  58  59  60  61  62  63  64  65  66  67  68  69  70  71  72  73  74  75  76  77  78  79  80  81  82  83  84  85  86  87  88  89  90  91  92  93  94  95  96  97  98  99  100  101  102  103  104  105  106  107  108  109  110  111  112  113  114  115  116  117  118  119  120  121  122  123  124  125  126  127  128  129  130  131  132  133  134  135  136  137  138  139  140  141  142  143  144  145  146  147  148  149  150

Ang Himaya sang Dios kag sung Kadungganan sang Tawo 

1 O GINOO, Ginoo namon,

     ang imo pagkahalangdon makita sa bug-os nga kalibutan!

   Ang imo himaya nagalambot tubtob sa ibabaw sang kalangitan:
2 Ginakanta ini sang mga lapsag kag mga kabataan. 

     Nagpatindog ka sing pamakod batok sa imo mga kaaway,

     sa pagtapna sang imo mga kontra kag mga kasumpong.
3 Kon magtangla ako sa langit, nga imo ginhimo,

     sa bulan kag mga kabituonan, nga imo ginbutang sa ila kaugalingon nga duog, 
4 Ano gid bala ang tawo nga imo sia dumdoman,

     ang ahaw nga tawo nga imo sia sapakon?
5 Pero ginhimo mo sia nga kubos-kubos lamang sa imo, 

     ginkoronahan mo sia sing himayakag kadungganan. 
6 Ginpagahom mo sia sa tanan nga imo gintuga,

     ginpadumala mo sia sa tanan nga mga butang: 
7 sa mga karnero kag mga baka, kag sa talunon nga mga sapat,
8 sa mga pispis kag mga isda,
     kag sa tanan nga mga tinuga sa kadagatan.
9 O GINOO, Ginoo namon,
     ang imo pagkahalangdon makita sa bug-os nga kalibutan! 


iTITULO SA HEBREO: Salmo ni David.
jimo; ukon mga dios; ukon mga anghel.

MGA SALMO - Kapitulo 7 <<<   >>> MGA SALMO - Kapitulo 9