MGA SALMO - Kapitulo 5

1  2  3  4  5  6  7  8  9  10  11  12  13  14  15  16  17  18  19  20  21  22  23  24  25  26  27  28  29  30  31  32  33  34  35  36  37  38  39  40  41  42  43  44  45  46  47  48  49  50  51  52  53  54  55  56  57  58  59  60  61  62  63  64  65  66  67  68  69  70  71  72  73  74  75  76  77  78  79  80  81  82  83  84  85  86  87  88  89  90  91  92  93  94  95  96  97  98  99  100  101  102  103  104  105  106  107  108  109  110  111  112  113  114  115  116  117  118  119  120  121  122  123  124  125  126  127  128  129  130  131  132  133  134  135  136  137  138  139  140  141  142  143  144  145  146  147  148  149  150

Pangamuyo agod Apinan^e

1 O GINOO, pamatii ang akon  mga pulong,
     kag dungga ang akon mga panghayhay.

2 Hari ko kag Dios ko,

     talupangda man ang akon pagpangayo sing bulig.

   Sa imo, O GINOO, ako magapangamuyo;

3   mabatian mo ang akon tingog sa kaagahon,

     sa pagbutlak sang adlaw nagapangamuyo^f ako sa imo,

     kag karon nagahulat ako sang sabat mo.

4 Ikaw ang Dios nga indi luyag sang kalautan;

     wala sing duog ang malaut sa imo atubangan.

5 Wala ka nagatalupangod sa mga bugalon,

     ginadumtan mo ang malaut nga mga tawo.

6 Ginalaglag mo ang tanan nga mga butigon,

     kag ginatamay mo ang malugoson kag malimbongon,

7 Pero ako akon makaduaw sa imo balay,

     tungod sang imo daku nga gugma.

   Makasimba ako sa imo balaan nga Templo,

     kag nagaduko sa pagtahod sa imo.

8 O GINOO, madamo ang akon mga kaaway,

     tuytoyi ako sa pagtuman sang imo kabubot-on,

     kag tudloi ako sang dalan nga akon pagaagyan!

9 Ang ginasiling sang akon mga kaaway indi masaligan;

     ang ila handom amo ang kalaglagan;

   ang ila mga baba kaangay sang bukas nga lulobngan,

     kag ang ila mga pulong matanlas kag malimbungon.

10 Kondenaha kag siluti sila, O Dios,

       paglugaw-i ang ila malaut nga mga plano.

       Tabuga sila sa imo atubangan,

       tungod sang ila madamo nga mga sala

       kag sang ila pagsumpong sa imo.

11 Ang tanan nga nagadangop sa imo magahinugyaw,

       magaamba sila sa gihapon sa daku nga kalipay.

     Ginaapinan mo ang nagahigugma sa imo, 

       ang ila kalipayan yara sa imo.

12 Ginabendisyonan mo, O GINOO, ang nagatuman sa imo,

       kay ang imo kaluoy amo ang ila taming. 


^eTITULO SA HEBREO: Salmo ni David.
^fnagapangamuyo; ukon nagahalad. 

MGA SALMO - Kapitulo 4 <<<   >>> MGA SALMO - Kapitulo 6