MGA SALMO - Kapitulo 20

1  2  3  4  5  6  7  8  9  10  11  12  13  14  15  16  17  18  19  20  21  22  23  24  25  26  27  28  29  30  31  32  33  34  35  36  37  38  39  40  41  42  43  44  45  46  47  48  49  50  51  52  53  54  55  56  57  58  59  60  61  62  63  64  65  66  67  68  69  70  71  72  73  74  75  76  77  78  79  80  81  82  83  84  85  86  87  88  89  90  91  92  93  94  95  96  97  98  99  100  101  102  103  104  105  106  107  108  109  110  111  112  113  114  115  116  117  118  119  120  121  122  123  124  125  126  127  128  129  130  131  132  133  134  135  136  137  138  139  140  141  142  143  144  145  146  147  148  149  150

Pangamuyo agod Magmadinalag-on

1 Kabay nga sabton ka sang Ginoo sa adlaw sang kagamo! 

   Kabay nga apinan ka sang Dios ni Jacob!

2 Kabay nga padal-an ka niya sing bulig gikan sa iya Templo, 

     kag gikan sa Bukid sang Sion magpadala sia sing bulig sa imo!

3 Kabay nga batunon niya ang tanan mo nga mga dulot, 

     kag mahamut-an niya ang tanan mo nga mga halad.

4 Kabay nga ihatag niya sa imo ang imo ginahandom,

     kag pauswagon niya ang tanan mo nga mga plano.

5 Dayon magahinugyaw kami sing malipayon sa imo pagdaog, 

     kag saulogon namon ini paagi sa pagdayaw sa amon Dios.

   Kabay nga ihatag sang Ginoo ang tanan mo nga ginapangayo.

6 Karon nakahibalo ako nga ang Ginoo nagapadaog sang iya pinili nga hari, 

     nagasabat sia sa iya gikan sa iya balaan nga langit,

     kag paagi sa iya daku nga gahom ginapadaog niya sia.

7 Ang iban nagasalig sa ila karuwahi sa inaway, 

     kag ang iban sa ila mga kabayo,

     pero kami nagasalig sa gahom sang Ginoo nga amon Dios!

8 Magakasandad sila kag magakapukan, 

     pero kami amon magabangon kag magatindog sing malig-on!

9 Ihatag ang pagdaog sa hari, O Ginoo,

     ang Ginoo magasabat sa amon kon magpanawag kami!

yTITULO SA HEBREO: Salmo ni David.

MGA SALMO - Kapitulo 19 <<<   >>> MGA SALMO - Kapitulo 21