Showing posts with label New Way of the Cross. Show all posts
Showing posts with label New Way of the Cross. Show all posts

Friday, February 28, 2020

Ikan-um ka Estasyon - Ang Pagkadagpa ni Jesus

Ikan-um ka Estasyon
Ang Pagkadagpa ni Jesus

V.              Nagasimba kag nagadayaw kami sa lmo, O Jesus
R.              Kay bangud sang Imo Krus gintubos Mo ang kalibutan

Pero ginpilas sia tungod sang aton mga sala, ginhanot sia tungod sang mga kalautan nga aton ginhimo. Ang silot nga iya gin-antos naghilway sa aton, gin-ayo kita tungod sang mga bunal nga iya naagom. Tanan kita kaangay sang mga karnero nga nagtalang, ang tagsatagsa sa aton naglakat sa iya kaugalingon nga dalan. Kag ang silot ginpatupa sang Ginoo sa iya, ang silot nga bagay sa aton tanan. “Ginpintasan sia, pero ginbaton niya ini sing mapainuboson; wala gid sia magreklamo. Kaangay sang isa ka cordero nga ilihawon, kaangay sang isa ka karnero nga pagaguntingan,wala gid sia magreklamo. (ls. 53:5-7)

Pangamuyo

Ang distansiya gikan sa Pretoryo padulong sa kalbaryo indi gid masyado kalayo—mga pila lang ka gatos ka metro. Apang nadugayan ikaw, Ginoo, sa paglakat sa amon dalanon, nagakadagpa sing may kasakit kag nagapanglanghap sang bulig. Ang imo kusog nadula. Ang dalan indi matapan. Ang katawhan wala sing kaluoy. Ang krus nagbug-at kag nagbug-at kutob nga ikaw nakadagpa, nasubsob sa yab-ok! "Katulad sa lmo madamo sa amon nagakasandad kag nakadagpa sa mabudlay nga dalanon sang krus" nga amon madangatan kon ang mga pagtilaw kag kapaslawan sa kabuhi magmadinalag-on kag magdugmok sa amon sa duta. "Kon kami makadagpa kag malaglag, Ginoo mangin kabulig ka namon! Kag kon ang amon mga kautoran daw sa indi makasarang sa pagdala sang kabug-at sang mga pagtilaw, Ginoo, hatagi kami sang maluloy-on nga tagipusoon, agod nga indi namon madugangan sang insulto sang mga pilas. 

Lider: Amay namon nga yara ka sa langit
Pagdayawon ang Imong ngalan
Umabot sa amon ang Imong ginharian
Matuman ang Imo pagbuot diri sa duta siling sang sa langit.
 Tanan: Hatagan mo kami niyan sing kan-on namon sa matag-adlaw
Kag patawaron mo kami sang mga sala namon
Siling nga ginapatawad namon ang mga nakasala sa amon
Kag dili mo kami ipadaog sa panulay
Hinonoo luwason mo kami sa kalaut. Amen.

Lider: Maghimaya ka Maria
puno ka sing grasya
ang Ginoo yara sa imo
dayawon ka labi sa mga babaye nga tanan
kag dayawon man ang bunga sang imo tiyan nga si Jesus.
Tanan: Santa Maria Iloy sang Dios
ig-ampo mo kami nga makasasala
niyan kag sa oras sang amon ikamatay. Amen.

Lider: Himaya sa Amay, sa Anak kag sa Espiritu Santo.
Tanan: Subong sang ginsugoran
sa karon, sa gihapon, sa tuig sa mga katuigan. Kabay pa.

V. Ginoo, nakasala kami kag nagahinulsol kami,
R. Malooy ka sa amon.

O Jesus nga manunubos
Sang tanan nga katawohan,
Yari Ka nagahapa
Masami kami mahulog
sa sala, Jesus maluoy
kag kami patindoga.

DIYOS NAMON SANG KALUOY


 1. Dios namon sang kalooy, Ikaw ang amon nga Amay
Magbubuhat, manunubos kag Ginoo sang mga tanan.

Koro: Jesus, malooy ka sa amon
Patawaron mo kami
Ang sala ginadumtan namon
Dili na magliwat kami

2. Namatay si Jesukristo, Didto sa kalbaryo
Agud kita pamawi-on sa daku nga kasubo.

Ikalima ka Estasyon <<   >> Ikapito ka Estasyon

Ikalima ka Estasyon - Ang Pagpas-an ni Jesus sang Krus

Ikalima ka Estasyon
Ang Pagpas-an ni Jesus sang Krus

V.              Nagasimba kag nagadayaw kami sa lmo, O Jesus
R.              Kay bangud sang Imo Krus gintubos Mo ang kalibutan

Sa tapos nila mayaguta si Jesus, ginkuhaan nila sia sing kapa, kag ginpasuksokan nila sia sang iya kaugalingon nga bayu. Dayon gindala nila sia sa gwa agod nga ilansang sa krus. (Mt. 27:31) 


Pangamuyo

Ginoong Jesus, ang krus amo ang pagsilot sa mga kriminal kag mga insurekto. Sin-o ang makapati nga ipapas-an ini sa abaga sang Anak sang Dios, ang ginikanan sang tanan nga pagkasanto kag kaayo? Apang Imo ini tanan ginabaton sing mapainubuson tungod kay ini tanan amo ang kondisyon sa pagluwas sa amon sa walay katapusan nga kalaglagan. Ang krus nga imo ginbaton nga pas-anon amo ang amon krus ang krus sang amon mga sala, ang krus sang amon kahuang, ang amon pagkatalaw, ang amon kapaslawan, ang amon pagkamalaut. Kutob karon nga adlaw, inosente nga mga katawhan kag kabataan ang ginpapas-an sang krus sang mga kasaypanan, kasakon, bugal kag kailigbon sang iban... pinalangga nga Ginoo, itugyan sa amon ang grasya agod nga dili kami makahatag sang hu-ol sa iban paagi sa amon immoralidad, kag amon nga pas-anon nga may kaisog upod sa lmo ang krus sang amon matag-adlaw nga tulomanon.

Lider: Amay namon nga yara ka sa langit
Pagdayawon ang Imong ngalan
Umabot sa amon ang Imong ginharian
Matuman ang Imo pagbuot diri sa duta siling sang sa langit.
 Tanan: Hatagan mo kami niyan sing kan-on namon sa matag-adlaw
Kag patawaron mo kami sang mga sala namon
Siling nga ginapatawad namon ang mga nakasala sa amon
Kag dili mo kami ipadaog sa panulay
Hinonoo luwason mo kami sa kalaut. Amen.

Lider: Maghimaya ka Maria
puno ka sing grasya
ang Ginoo yara sa imo
dayawon ka labi sa mga babaye nga tanan
kag dayawon man ang bunga sang imo tiyan nga si Jesus.
Tanan: Santa Maria Iloy sang Dios
ig-ampo mo kami nga makasasala
niyan kag sa oras sang amon ikamatay. Amen.

Lider: Himaya sa Amay, sa Anak kag sa Espiritu Santo.
Tanan: Subong sang ginsugoran
sa karon, sa gihapon, sa tuig sa mga katuigan. Kabay pa.

V. Ginoo, nakasala kami kag nagahinulsol kami,
R. Malooy ka sa amon.

Malisod imong lalaktan
Kag mabug-at imo lulan:
Lawas Mo maluya gid.
Malisod ang pangabuhi
sang madamong utod nimo
Buylogan namon Sia.

DIYOS NAMON SANG KALUOY


 1. Dios namon sang kalooy, Ikaw ang amon nga Amay
Magbubuhat, manunubos kag Ginoo sang mga tanan.

Koro: Jesus, malooy ka sa amon
Patawaron mo kami
Ang sala ginadumtan namon
Dili na magliwat kami

2. Namatay si Jesukristo, Didto sa kalbaryo
Agud kita pamawi-on sa daku nga kasubo.

Ikaapat ka Estasyon <<   >> Ikan-um ka Estasyon

Ikaapat ka Estasyon - Ang Pagkorona sang Tunok kay Jesus

Ikaapat ka Estasyon
Ang Pagkorona sang Tunok kay Jesus

V.              Nagasimba kag nagadayaw kami sa lmo, O Jesus
R.              Kay bangod sang Imo Krus gintubos Mo ang kalibutan

Nagpamangkot si Pilato sa ila, “Ano karon ang himuon ko kay Jesus nga ginatawag Cristo?” Nagsabat sila tanan, “Ilansang sia sa krus!” Namangkot si Pilato sa ila, “Ano bala nga sala ang iya nahimo?” Dayon nagbaskog pa gid ang ila pagsinggit, “Ilansang sia sa krus!” Dayon ginbuy-an ni Pilato si Barrabas sa ila. Ginpabunal niya si Jesus kag gintugyan sia sa mga soldado nga ilansang sa krus. Dayon naghimo sila sing korona nga tunokon kag ginsuksok nila ini sa iya ulo kag ginpauyat nila sing tigbaw ang iya tuo nga kamot. Dayon nagluhodluhod sila sa atubangan niya, kag ginyaguta nila sia nga nagasiling, “Mabuhay ang Hari sang mga Judio!” (Mt. 27:22-30, passim) 


Pangamuyo

Sa pagsudyot sang Imo mga kaaway, ang mga tawo buot nga ikaw mapatay, pinalangga nga Jesus, kag si Pilato wala maghunahuna sa pagpanindugan sa hustisya sa pagdampig sang imo pag ka inosente. Gani ang magansal nga katawhan nagtigayon sang ila paagi. Ang mga soldado nga Romanhon nagpadayon man sang ila kapintas sa lmo nagadinugo nga mga pilas kag sa pagkorona sang lmo ulo sang mga tunok kag pagyaguta. Kag wala Mo ginbuksan ang imo baba sa pagprotesta. Ginbatas mo ang tanan, nagpaubos ka kaangay sang kordero nga pagaihawon, mahipos, kasubong sang minilyon ka simple nga katawhan nga pigos kag ginapasipalahan, samtang ang kadam-an sa amon bulag sa lapnagon nga mga hustisya. 

Lider: Amay namon nga yara ka sa langit
Pagdayawon ang Imong ngalan
Umabot sa amon ang Imong ginharian
Matuman ang Imo pagbuot diri sa duta siling sang sa langit.
 Tanan: Hatagan mo kami niyan sing kan-on namon sa matag-adlaw
Kag patawaron mo kami sang mga sala namon
Siling nga ginapatawad namon ang mga nakasala sa amon
Kag dili mo kami ipadaog sa panulay
Hinonoo luwason mo kami sa kalaut. Amen.

Lider: Maghimaya ka Maria
puno ka sing grasya
ang Ginoo yara sa imo
dayawon ka labi sa mga babaye nga tanan
kag dayawon man ang bunga sang imo tiyan nga si Jesus.
Tanan: Santa Maria Iloy sang Dios
ig-ampo mo kami nga makasasala
niyan kag sa oras sang amon ikamatay. Amen.

Lider: Himaya sa Amay, sa Anak kag sa Espiritu Santo.
Tanan: Subong sang ginsugoran
sa karon, sa gihapon, sa tuig sa mga katuigan. Kabay pa.

V. Ginoo, nakasala kami kag nagahinulsol kami,
R. Malooy ka sa amon.

Sa 'tong ginkoronahan
Ang Ginoo nga gamhanan
Sa hukmanan ginbatas
Nga kami magmalaumon
 Sa kabuhing kristohanon
Updan Mo kami Jesus.

DIYOS NAMON SANG KALUOY


 1. Dios namon sang kalooy, Ikaw ang amon nga Amay
Magbubuhat, manunubos kag Ginoo sang mga tanan.

Koro: Jesus, malooy ka sa amon
Patawaron mo kami
Ang sala ginadumtan namon
Dili na magliwat kami

2. Namatay si Jesukristo, Didto sa kalbaryo
Agud kita pamawi-on sa daku nga kasubo.

Ikatatlo nga Estasyon <<   >> Ikalima ka Estasyon

Ikatatlo nga Estasyon - Si Jesus sa Atubang sang Sanhedrin

Ikatatlo nga Estasyon
Si Jesus sa Atubang sang Sanhedrin

V.              Nagasimba kag nagadayaw kami sa lmo, O Jesus
R.              Kay bangod sang Imo Krus gintubos Mo ang kalibutan

Karon ang Pinakamataas nga Pari nagtindog sa atubangan nila kag nagpamangkot kay Jesus, “Ikaw bala ang Cristo, ang Anak sang Dalayawon nga Dios?” Nagsabat si Jesus, “Ako amo sia, kag inyo tanan makita ang Anak sang Tawo nga nagalingkod sa tuo sang Makagagahom kag nagakari upod sa mga panganod sang langit!” Gingisi sang Pinakamataas nga Pari ang iya bayu kag nagsiling, “Wala nakita kinahanglan sang dugang pa nga mga saksi! Nabatian ninyo ang iya pagpasipala sa Dios. Ano bala sa inyo?” Kag ginpamatbatan nila nga nakasala sia kag dapat sia pagapatyon. Aga pa gid ang pangulo nga mga pari nagpakigsapol sa mga katigulangan sang mga Judio, sa mga manunodlo sang Kasugoan, kag sa tanan nga mga katapo sang Konsilyo. Ginpusasan nila si Jesus kag gindala nga itugyan kay Pilato. (Mc. 14:60-64,15:1)

Pangamuyo

Ginoong Jesus, lkaw ang hukom sang tanan nga katawhan, apang lmo ginapahanugotan nga hukman ikaw sang di-matarong nga mga hukom. Ikaw ang bala-an ang isa gid lamang nga inosente sa kalibutan apang ang Imo ginbatas ang kondenasyon sang mga makasasala. Kag ang indi makatarungan nga paghukom nagapadayon, sa mga di-husto nga mga sentensya nga ang mga inosente nga katawhan, nakondenar kag ang mga buyong nahilway. Ikaw sa gihapon padayon nga biktima sining mga inhustisya nga ginahimo batok sa mga mahuyang, wala sing depensa ang mga wala sing tingog sa sosyedad nga sa ila ikaw padayon nga nagakabuhi kag naga-antos.

Lider: Amay namon nga yara ka sa langit
Pagdayawon ang Imong ngalan
Umabot sa amon ang Imong ginharian
Matuman ang Imo pagbuot diri sa duta siling sang sa langit.
 Tanan: Hatagan mo kami niyan sing kan-on namon sa matag-adlaw
Kag patawaron mo kami sang mga sala namon
Siling nga ginapatawad namon ang mga nakasala sa amon
Kag dili mo kami ipadaog sa panulay
Hinonoo luwason mo kami sa kalaut. Amen.

Lider: Maghimaya ka Maria
puno ka sing grasya
ang Ginoo yara sa imo
dayawon ka labi sa mga babaye nga tanan
kag dayawon man ang bunga sang imo tiyan nga si Jesus.
Tanan: Santa Maria Iloy sang Dios
ig-ampo mo kami nga makasasala
niyan kag sa oras sang amon ikamatay. Amen.

Lider: Himaya sa Amay, sa Anak kag sa Espiritu Santo.
Tanan: Subong sang ginsugoran
sa karon, sa gihapon, sa tuig sa mga katuigan. Kabay pa.

V. Ginoo, nakasala kami kag nagahinulsol kami,
R. Malooy ka sa amon.

Ginhukman ang Ginoo
"di matuod di matarong
Ang kabuhi mapatay!
“Di itugot O Ginoo
nga paghukman ko ang tawo
     kaluoyan mo kami.

DIYOS NAMON SANG KALUOY


 1. Dios namon sang kalooy, Ikaw ang amon nga Amay
Magbubuhat, manunubos kag Ginoo sang mga tanan.

Koro: Jesus, malooy ka sa amon
Patawaron mo kami
Ang sala ginadumtan namon
Dili na magliwat kami

2. Namatay si Jesukristo, Didto sa kalbaryo
Agud kita pamawi-on sa daku nga kasubo.

Ikaduha nga Estasyon <<   >> Ikaapat ka Estasyon

Ikaduha nga Estasyon - Ang Pangamuyo sa Getsemane

Ikaduha nga Estasyon
Ang Pangamuyo sa Getsemane

V.              Nagasimba kag nagadayaw kami sa lmo, O Jesus
R.              Kay bangod sang Imo Krus gintubos Mo ang kalibutan

Subong sang masami nga ginahimo niya, si Jesus nagkadto sa bukid sang mga Olivo, kag ang iya mga gintuton-an nag-upod sa iya. Sang pag-abot niya didto nagsiling sia sa ila, “Pangamuyo kamo agod indi kamo madaog sang panulay.” Dayon nagpalayo sia sa ila sa antad nga sarang malambot kon habuyan sing bato, kag nagluhod sia kag nagpangamuyo. Siling niya, “O amay, kon buot mo, ilikaw ining kupa sa akon. Pero indi ang akon kabubot-on, kundi ang imo kabubot-on ang tumanon.” May isa ka anghel gikan sa langit nga nagpakita sa iya kag nagpabakod sa iya. Sa daku nga kalisod nagpangamuyo sia sing hugot pa gid. Ang iya mga balhas daw dalagku nga tinulo sang dugo nga nagatupa sa duta. Sa tapos si Jesus makapangamuyo nagbalik sia sa mga gintuton-an kag nakita niya nga nagakatulog sila tungod kay linapyo sila sang tama gid nga pagpangasubo. (Lc. 22:39-45)


Pangamuyo

Malawig kag makangilidlis ang gab-i sadto, O Ginoo. Kag wala sang bisan isa sa lmo gintuton-an ang may kabakod sa pagpabilin upod sa imo nga agonia. Ang lmo lamang kusog amo ang imo determinasyon sa pagtuman sang binubuot sang Imo Amay bisan anano pa ang katumbas." Kag ang imo isahanon nga agonia nagapadayon kutob sining panahon, yara sa kasubo sang mga katawhan nga wala sing abyan, wala sing puloy-an, wala sing paglaum, wala sing buas-damlag... Ang amon sosyedad na puno sang kasubong nga katawhan apang nagapakuno-kuno lang kami subong nga wala sing nakita kag nagakatulog kami samtang sila nagakalamatay, ang mga biktima sang pagpatumbaya.

Lider: Amay namon nga yara ka sa langit
Pagdayawon ang Imong ngalan
Umabot sa amon ang Imong ginharian
Matuman ang Imo pagbuot diri sa duta siling sang sa langit.
 Tanan: Hatagan mo kami niyan sing kan-on namon sa matag-adlaw
Kag patawaron mo kami sang mga sala namon
Siling nga ginapatawad namon ang mga nakasala sa amon
Kag dili mo kami ipadaog sa panulay
Hinonoo luwason mo kami sa kalaut. Amen.

Lider: Maghimaya ka Maria
puno ka sing grasya
ang Ginoo yara sa imo
dayawon ka labi sa mga babaye nga tanan
kag dayawon man ang bunga sang imo tiyan nga si Jesus.
Tanan: Santa Maria Iloy sang Dios
ig-ampo mo kami nga makasasala
niyan kag sa oras sang amon ikamatay. Amen.

Lider: Himaya sa Amay, sa Anak kag sa Espiritu Santo.
Tanan: Subong sang ginsugoran
sa karon, sa gihapon, sa tuig sa mga katuigan. Kabay pa.

V. Ginoo, nakasala kami kag nagahinulsol kami,
R. Malooy ka sa amon.

Sa tion sang pangamuyo
Pagbatunon ang buot mo
Kinahanglan sang tanan
Gapadayon ka Ginoo
Sa pag-ampo sa Amay Mo
Tanduga kami Jesus.

DIYOS NAMON SANG KALUOY


 1. Dios namon sang kalooy, Ikaw ang amon nga Amay
Magbubuhat, manunubos kag Ginoo sang mga tanan.

Koro: Jesus, malooy ka sa amon
Patawaron mo kami
Ang sala ginadumtan namon
Dili na magliwat kami

2. Namatay si Jesukristo, Didto sa kalbaryo
Agud kita pamawi-on sa daku nga kasubo.

Nahauna nga Estasyon <<   >> Ikatatlo nga Estasyon

Ang Bag-o nga Paagi sang Via Crucis (Hiligaynon Version)

Sa ngalan sang Amay, sang Anak kag sang Espiritu Santo. Amen.

PAG-AMPO SA PAG PAMUNO SANG ESTASYON

Lider: O Ginoong Jesukristo, samtang nagatililipon diri sa pagpamalandong sang Imo kasakit, kamatayon, kag pagkabanhaw, itugyan sa amon ang grasya sa pagsikway sang sala subong sang imo ginhimo, kag pagkabuhi suno sa lmo gintudlo paagi sa imo huwaran. Gani, makahiambit indi lamang sang imo mga pag-antos kundi subong man sang imo pagkabanhaw. Ikaw nga nagakabuhi kag nagahari sa tuig sang mga katuigan.

Tanan: Amen

DIYOS NAMON SANG KALUOY

1. Dios namon sang kalooy, Ikaw ang amon nga Amay
Magbubuhat, manunubos kag Ginoo sang mga tanan.

Koro: Jesus, malooy ka sa amon
Patawaron mo kami
Ang sala ginadumtan namon
Dili na magliwat kami

2. Namatay si Jesukristo, Didto sa kalbaryo
Agud kita pamawi-on sa daku nga kasubo.

Nahauna nga Estasyon - Ang Katapusan nga Panihapon
Ikaduha nga Estasyon - Ang Pangamuyo sa Getsemane
Ikatatlo nga Estasyon - Si Jesus sa atubang sang Sanhedrin
Ikaapat ka Estasyon - Ang Pagkorona sang tunok kay Jesus
Ikalima ka Estasyon - Ang Pagpas-an ni Jesus sang Krus
Ikan-um ka Estasyon - Ang Pagkadagpa ni Jesus
Ikapito ka Estasyon - Si Simon nga taga-Cirene
Ikawalo ka Estasyon - Ang mga babaye sang Jerusalem
Ikasiyam ka Estasyon - Ang paglansang kay Jesus sa Krus
Ikapulo ka Estasyon - Ang Mahinulsulon nga Makawat
Ikapulo kag Isa ka Estasyon - Si Maria kag Jesus
Ikapulo kag Duha ka Estasyon - Ang Pagkamatay ni Jesus
Ikapulo kag Tatlo ka Estasyon - Ang Paglubong kay Jesus
Ikapulo kag Apat ka Estasyon - Ang Pagkabanhaw

KATAPUSAN NGA PANGAMUYO

Lider: O gamhanan kag buhi nga Dios, ang imo bugtong nga Anak napatay sa pagtubos sa amon sa sala kag mahimayaon nga nabanhaw gikan sa minatay. Sa imo kaayo, banhawa ang imo matinuohon nga katawhan agud maghiusa sa iya sa kabuhi nga wala sing katapusan sa langit, sa diin diri Sia nagkabuhi kag naghari upod sa lmo kag sa Espiritu Santo. Diyos sa mga tuig sang mga katuigan.

Tanan: Amen

SA KATUYOAN SANG SANTO PAPA...

Lider: Amay namon nga yara ka sa langit
Pagdayawon ang Imong ngalan
Umabot sa amon ang Imong ginharian
Matuman ang Imo pagbuot diri sa duta siling sang sa langit.
 Tanan: Hatagan mo kami niyan sing kan-on namon sa matag-adlaw
Kag patawaron mo kami sang mga sala namon
Siling nga ginapatawad namon ang mga nakasala sa amon
Kag dili mo kami ipadaog sa panulay
Hinonoo luwason mo kami sa kalaut. Amen.

Lider: Maghimaya ka Maria
puno ka sing grasya
ang Ginoo yara sa imo
dayawon ka labi sa mga babaye nga tanan
kag dayawon man ang bunga sang imo tiyan nga si Jesus.
Tanan: Santa Maria Iloy sang Dios
ig-ampo mo kami nga makasasala
niyan kag sa oras sang amon ikamatay. Amen.

Lider: Himaya sa Amay, sa Anak kag sa Espiritu Santo.
Tanan: Subong sang ginsugoran
sa karon, sa gihapon kag sa tuig sa mga katuigan. Kabay pa.

PAGBENDISYON

Sa ngalan sang Amay, sang Anak kag sang Espiritu Santo. Amen.