Ikapulo kag Isa ka Estasyon - Si Maria kag Jesus

Ikapulo kag Isa ka Estasyon

Si Maria kag Jesus

V.              Nagasimba kag nagadayaw kami sa lmo, O Jesus

R.              Kay bangod sang Imo Krus gintubos Mo ang kalibutan

Sa tupad sang krus ni Jesus nagatindog didto ang iya iloy, ang utod sang iya iloy, si Maria nga asawa ni Cleofas, kag si Maria Magdalena. Sang makita ni Jesus ang iya iloy kag ang iya hinigugma nga gintuton-an nga nagatindog didto, nagsiling sia sa iya iloy, “Babayi, yari ang imo anak.” Dayon nagsiling man sia sa gintuton-an, “Yari ang imo iloy.” Kag sugod sadto, gindala sang gintuton-an si Maria sa pagpuyo sa iya balay. (Jn. 19:25-27)

Pangamuyo

Ang pag-antos, sa kasubong sang espada, magalapos sang imo tagipusoon, 'gintagna sang tigulang nga si Simeon. Sa kalbaryo, si Maria nag-eksperensiya sang katumanan sang amo nga tagna. Kag liwat sa ini tagipusoon iya ginbungat. "Matuman ini sa akon suno sa lmo pagbuot'." Ginoo, wala sing isa sa kalibutan nga naghiguma sa lmo subong sang Imo lloy, kag wala man ikaw sing ginhigugma nga labaw pa sa iya. Kag yara sia, saksi kag nagaambit sang imo makaluluwas nga pag-antos. Sa pagtugyan Nimo sa iya kay Juan gintigayon Mo ang nabilin nga tinion sang imo iloy. Sa pagtugyan mo kay Juan sa iya ang tanan nga mga kinahanglanon sang katawhan kay ginhatag Nimo ang imo lloy. Kabay nga magmahigugmaon kami nga anak kasubong sa imo.

Lider: Amay namon nga yara ka sa langit

Pagdayawon ang Imong ngalan

Umabot sa amon ang Imong ginharian

Matuman ang Imo pagbuot diri sa duta siling sang sa langit.

 Tanan: Hatagan mo kami niyan sing kan-on namon sa matag-adlaw

Kag patawaron mo kami sang mga sala namon

Siling nga ginapatawad namon ang mga nakasala sa amon

Kag dili mo kami ipadaog sa panulay

Hinonoo luwason mo kami sa kalaut. Amen.

Lider: Maghimaya ka Maria

puno ka sing grasya

ang Ginoo yara sa imo

dayawon ka labi sa mga babaye nga tanan

kag dayawon man ang bunga sang imo tiyan nga si Jesus.

Tanan: Santa Maria Iloy sang Dios

ig-ampo mo kami nga makasasala

niyan kag sa oras sang amon ikamatay. Amen.

Lider: Himaya sa Amay, sa Anak kag sa Espiritu Santo.

Tanan: Subong sang ginsugoran

sa karon, sa gihapon, sa tuig sa mga katuigan. Kabay pa.

V. Ginoo, nakasala kami kag nagahinulsol kami,

R. Malooy ka sa amon.

O Iloy sang Manunubos

nano ang ginbatyag Nimo

pagkakita kay Jesus

Ginatuman ang pagtagna

nga ginsaad sang propeta

"Lapsan sang imong kalag!

DIYOS NAMON SANG KALUOY

 1. Dios namon sang kalooy, Ikaw ang amon nga Amay

Magbubuhat, manunubos kag Ginoo sang mga tanan.

Koro: Jesus, malooy ka sa amon

Patawaron mo kami

Ang sala ginadumtan namon

Dili na magliwat kami

2. Namatay si Jesukristo, Didto sa kalbaryo

Agud kita pamawi-on sa daku nga kasubo.

Ikapulo ka Estasyon <<   >> Ikapulo kag Duha ka Estasyon