Ikapulo kag Duha ka Estasyon - Ang Pagkamatay ni Jesus

Ikapulo kag Duha ka Estasyon

Ang Pagkamatay ni Jesus

V.              Nagasimba kag nagadayaw kami sa lmo, O Jesus

R.              Kay bangud sang Imo Krus gintubos Mo ang kalibutan

Sang mga alas dose ang takna nagdulom ang bug-os nga duta kag nagpadayon ini tubtob sa alas tres sang hapon. Dayonsi Jesus nagsiling, “Ginauhaw ako.” May tibod didto nga puno sang maaslom nga bino. Gintusmog nila ang espongha sa bino, gintakod sa tukon nga isopo kag gintunghol sa baba ni Jesus. Sang madimdiman ni Jesus ang bino, nagsiling sia, “Tapos na!” Dayon si Jesus nagsinggit sa mabaskog nga tingog, “Amay, sa imo mga kamot ginatugyan ko ang akon espiritu.” Sang makasiling sia sini napatay sia. (Lc. 23:44-46; Jn. 19:28-30)

Pangamuyo

Tanan kami ginakondenar sa kamatayon tungod sang amon nga sala, kag imo ginabaton ang silot nga kamatayon bisan ikaw gid lamang ang indi nagakadapat para sini. Ang Imo isa lamang nga kabuhi subong sa amon tanan, O Ginoo lmo ginhatag sa hilway nga buot agod nga kami magkabuhi sa wala katubtoban. Tungod sang amon nga sala, tungod sang lmo gugma sa amon,. Nga napatay Ikaw pinalangga nga Jesus. Sang lkaw nagahimugto nagsiling ikaw nga ginauhaw ka - ginauhaw sa gugma, karon ginahalad namon sa Imo ang amon mahinulsulon nga gugma, O Ginoo. Buot namon higugmaon Ka man sa mga inadlaw nga nagkulang kami. Buot namon higugmaon Ka tungod sang mga katawhan nga nagdingot sa paghigugma sa Imo. Kabay pa nga kami, sa katapusan sang amon mabagyohon nga kabuhi, mapatay nga may pagsalig sa pagbungat sang katapusan nga mga pulong, "Amay sa lmo mga kamot ginatugyan namon ang amon espiritu!".

Lider: Amay namon nga yara ka sa langit

Pagdayawon ang Imong ngalan

Umabot sa amon ang Imong ginharian

Matuman ang Imo pagbuot diri sa duta siling sang sa langit.

 Tanan: Hatagan mo kami niyan sing kan-on namon sa matag-adlaw

Kag patawaron mo kami sang mga sala namon

Siling nga ginapatawad namon ang mga nakasala sa amon

Kag dili mo kami ipadaog sa panulay

Hinonoo luwason mo kami sa kalaut. Amen.

Lider: Maghimaya ka Maria

puno ka sing grasya

ang Ginoo yara sa imo

dayawon ka labi sa mga babaye nga tanan

kag dayawon man ang bunga sang imo tiyan nga si Jesus.

Tanan: Santa Maria Iloy sang Dios

ig-ampo mo kami nga makasasala

niyan kag sa oras sang amon ikamatay. Amen.

Lider: Himaya sa Amay, sa Anak kag sa Espiritu Santo.

Tanan: Subong sang ginsugoran

sa karon, sa gihapon, sa tuig sa mga katuigan. Kabay pa.

V. Ginoo, nakasala kami kag nagahinulsol kami,

R. Malooy ka sa amon.

Ang kasakit 'di matugma

'di maasoy lmo gugma.

Sang nabitay Ka sa Krus.

Napatay tungod sa amon.

Mapatay tungod sa Imo

Balos namon, O Jesus.

DIYOS NAMON SANG KALUOY

 1. Dios namon sang kalooy, Ikaw ang amon nga Amay

Magbubuhat, manunubos kag Ginoo sang mga tanan.

Koro: Jesus, malooy ka sa amon

Patawaron mo kami

Ang sala ginadumtan namon

Dili na magliwat kami

2. Namatay si Jesukristo, Didto sa kalbaryo

Agud kita pamawi-on sa daku nga kasubo.

Ikapulo kag Isa ka Estasyon <<   >> Ikapulo kag Tatlo ka Estasyon