Ikapito ka Estasyon - Si Simon nga taga-Cirene

Ikapito ka Estasyon

Si Simon nga taga-Cirene

V.              Nagasimba kag nagadayaw kami sa lmo, O Jesus

R.              Kay bangod sang Imo Krus gintubos Mo ang kalibutan

Nasugata nila sa dalan ang isa ka tawo nga ginhingalanan kay Simon nga nagapabanwa halin sa uma. Ginpilit nila sia sa pagpas-an sang krus ni Jesus. (Ini amo si Simon nga taga-Cirene, ang amay ni Alejandro kag ni Rufo.) (Mc. 15:21) 

Pangamuyo

Si Simon natabuan lang nga nagalabay sa iya pagpauli gikan sa kaumahan. Ginpilit sia nga magbalhin sang iya padulongan ang pagliko nga nagbalhin sang iya kabuhi. Ginpilit sa pagpas-an sang imo krus, Ginoong Jesus, sia nangin biktima man sang pagpamigos kag inhustisya. Nag-eksperensiya sia sang bahin sang lmo kasakit, Ginoo, gani natukiban niya kon anano ang kabuhi kon ang isa buot magbulig sa iya isigkatawo. Ipadala sa amon ang dugang nga mga Simon Cerineo, Ginoo. Ipadala sa amon ang mga katawhan nga may kaisog sa pagpas-an sang mga krus sang iban sa mga mag-ulolotod nga paghiliusa kag pasensiya. Himo-a kami nga kaangay nga mga Simon, Ginoo. Hatagi kami sang kusog kag kaalwan sa pagpas-an sang karga sang isa kag isa, kay ang amon sosyedad napun-an sang mga imol nga ginadaog ni Kristo paagi sa krus sa tanan nga sahi kag kabug-at. 

Lider: Amay namon nga yara ka sa langit

Pagdayawon ang Imong ngalan

Umabot sa amon ang Imong ginharian

Matuman ang Imo pagbuot diri sa duta siling sang sa langit.

 Tanan: Hatagan mo kami niyan sing kan-on namon sa matag-adlaw

Kag patawaron mo kami sang mga sala namon

Siling nga ginapatawad namon ang mga nakasala sa amon

Kag dili mo kami ipadaog sa panulay

Hinonoo luwason mo kami sa kalaut. Amen.

Lider: Maghimaya ka Maria

puno ka sing grasya

ang Ginoo yara sa imo

dayawon ka labi sa mga babaye nga tanan

kag dayawon man ang bunga sang imo tiyan nga si Jesus.

Tanan: Santa Maria Iloy sang Dios

ig-ampo mo kami nga makasasala

niyan kag sa oras sang amon ikamatay. Amen.

Lider: Himaya sa Amay, sa Anak kag sa Espiritu Santo.

Tanan: Subong sang ginsugoran

sa karon, sa gihapon, sa tuig sa mga katuigan. Kabay pa.

V. Ginoo, nakasala kami kag nagahinulsol kami,

R. Malooy ka sa amon.

Si Simon nga Cireneo

Ginapilit sang soldado

Magdala sang Imo krus

Agod amon mabuligan

krus sang amon kautoran

lig-ona kami, Jesus.

DIYOS NAMON SANG KALUOY

 1. Dios namon sang kalooy, Ikaw ang amon nga Amay

Magbubuhat, manunubos kag Ginoo sang mga tanan.

Koro: Jesus, malooy ka sa amon

Patawaron mo kami

Ang sala ginadumtan namon

Dili na magliwat kami

2. Namatay si Jesukristo, Didto sa kalbaryo

Agud kita pamawi-on sa daku nga kasubo.

Ikan-um ka Estasyon <<   >> Ikawalo ka Estasyon