Ikapulo kag Tatlo ka Estasyon - Ang Paglubong kay Jesus

Ikapulo kag Tatlo ka Estasyon

Ang Paglubong kay Jesus

V.              Nagasimba kag nagadayaw kami sa lmo, O Jesus

R.              Kay bangud sang Imo Krus gintubos Mo ang kalibutan

Sang sirom na, nag-abot ang isa ka tawo nga manggaranon gikan sa Arimatea. Ang iya ngalan si Jose kag gintuton-an man sia ni Jesus. Nagkadto sia kay Pilato kag ginpangayo niya ang bangkay ni Jesus. Gani si Pilato nagmando nga ihatag ini sa iya. Ginkuha ni Jose ang bangkay, kag ginsamburan sing bag-o nga tela nga lino. Ginbutang niya ang bangkay sa iya kaugalingon nga lulobngan, nga bag-o lang ginguhab sa bato. Dayon ginpaligid niya ang isa ka daku nga bato sa puwertahan sa pagtakop sang lulobngan kag naglakat. (Mt. 27-57-60)

Pangamuyo

Ginoong Jesus, ang kadulom sang kamatayon naglikop sa imo. Ang isahanon gid lang kag masanag nga iwag amo ang malulo nga gugma sang imo lloy, ang matampad nga pagtuo ni Juan kag ang pagka-abyan ni Jose sang Arimatea kag iban pa nga yara sa imo palibot. Ginpahamtang ka sa lulobngan, kasubong sang malahalon nga hiyas nga ginapahamtang sa iya bulotangan kasubong sang binhi nga natago sa lupa. Ang imo paglubong nagahatag kahulugan kag paglaum sa amon nga paglubong. Salamat sa imo, kay ini nangin malinong nga katulogon sa sabak sang lloy nga kalibutan sa diin kami nagahulat sang malipayon nga pagbugtaw kon ang amon pagkabanhaw sanglit. 

Lider: Amay namon nga yara ka sa langit

Pagdayawon ang Imong ngalan

Umabot sa amon ang Imong ginharian

Matuman ang Imo pagbuot diri sa duta siling sang sa langit.

 Tanan: Hatagan mo kami niyan sing kan-on namon sa matag-adlaw

Kag patawaron mo kami sang mga sala namon

Siling nga ginapatawad namon ang mga nakasala sa amon

Kag dili mo kami ipadaog sa panulay

Hinonoo luwason mo kami sa kalaut. Amen.

Lider: Maghimaya ka Maria

puno ka sing grasya

ang Ginoo yara sa imo

dayawon ka labi sa mga babaye nga tanan

kag dayawon man ang bunga sang imo tiyan nga si Jesus.

Tanan: Santa Maria Iloy sang Dios

ig-ampo mo kami nga makasasala

niyan kag sa oras sang amon ikamatay. Amen.

Lider: Himaya sa Amay, sa Anak kag sa Espiritu Santo.

Tanan: Subong sang ginsugoran

sa karon, sa gihapon, sa tuig sa mga katuigan. Kabay pa.

V. Ginoo, nakasala kami kag nagahinulsol kami,

R. Malooy ka sa amon.

Si Jose si Nicodemo

Naglubong sang bangkay Nimo

Di madugay banhawon.

Himulatan namon pirme

pagkabuhi nga Kristiano

Kami man pagbanhawon.

DIYOS NAMON SANG KALUOY

 1. Dios namon sang kalooy, Ikaw ang amon nga Amay

Magbubuhat, manunubos kag Ginoo sang mga tanan.

Koro: Jesus, malooy ka sa amon

Patawaron mo kami

Ang sala ginadumtan namon

Dili na magliwat kami

2. Namatay si Jesukristo, Didto sa kalbaryo

Agud kita pamawi-on sa daku nga kasubo.

Ikapulo kag Duha ka Estasyon <<   >> Ikapulo kag Apat ka Estasyon