Nahauna nga Estasyon - Ang Katapusan nga Panihapon

Nahauna nga Estasyon

Ang Katapusan nga Panihapon

V.              Nagasimba kag nagadayaw kami sa lmo, O Jesus

R.              Kay bangod sang Imo Krus gintubos Mo ang kalibutan

Si Ginoong Jesus, sang gab-i nga gintugyan sia, nagkuha sing tinapay, nagpasalamat sa Dios, nagpamihakpihak sini kag nagsiling, “Ini amo ang akon lawas para sa inyo. Himoa ninyo ini sa akon handumanan.” Sa amo man nga bagay ginkuha niya ang kupa sa tapos ang panihapon kag nagsiling, “Ini nga kupa amo ang bag-o nga kasugtanan nga ginsilyuhan sang akon dugo. Sa inyo pag-inom sini, himoa ninyo ini sa akon handumanan.” Kay sa tagsa ninyo ka pagkaon sini nga tinapay kag pag-inom sa sini nga kupa, ginabantala ninyo ang kamatayon sang Ginoo tubtob nga magkari sia. (1 Cor. 11:23-26)

Pangamuyo

Ginoong Jesus, ginhigugma mo kami sing lubos. Ginhigugma mo kami tubtob sa katapusan. Nagpabilin ikaw sa Eukaristiya para sa amon, ang pagkaon kag ilimnon nga nagahatag sang kabuhi nga wala sing katapusan. Nagpabilin ikaw sa amon agod mangin nagapadayon nga tanda sang makalulowas nga presensiya nga Diosnon sa tanan nga pagkahimtang sang kabuhi. "Patawara kami Ginoo, sa mga tion nga kami nagkulang sa amon pag-apresyar sang regalo sang imo kaugalingon para sa amon kag sang lmo mahigugmaon nga presensiya sa Eukaristiya.

Lider: Amay namon nga yara ka sa langit

Pagdayawon ang Imong ngalan

Umabot sa amon ang Imong ginharian

Matuman ang Imo pagbuot diri sa duta siling sang sa langit.

 Tanan: Hatagan mo kami niyan sing kan-on namon sa matag-adlaw

Kag patawaron mo kami sang mga sala namon

Siling nga ginapatawad namon ang mga nakasala sa amon

Kag dili mo kami ipadaog sa panulay

Hinonoo luwason mo kami sa kalaut. Amen.

Lider: Maghimaya ka Maria

puno ka sing grasya

ang Ginoo yara sa imo

dayawon ka labi sa mga babaye nga tanan

kag dayawon man ang bunga sang imo tiyan nga si Jesus.

Tanan: Santa Maria Iloy sang Dios

ig-ampo mo kami nga makasasala

niyan kag sa oras sang amon ikamatay. Amen.

Lider: Himaya sa Amay, sa Anak kag sa Espiritu Santo.

Tanan: Subong sang ginsugoran

sa karon, sa gihapon, sa tuig sa mga katuigan. Kabay pa.

V. Ginoo, nakasala kami kag nagahinulsol kami,

R. Malooy ka sa amon.

Ang bangkete nga langitnon 

Ginapa-ambit N'ya sa akon 

Aton pakamahalon

lsa ini ka handumanan

Nga sa amon ginatugyan

Himpita kami Jesus.

DIYOS NAMON SANG KALUOY

 1. Dios namon sang kalooy, Ikaw ang amon nga Amay

Magbubuhat, manunubos kag Ginoo sang mga tanan.

Koro: Jesus, malooy ka sa amon

Patawaron mo kami

Ang sala ginadumtan namon

Dili na magliwat kami

2. Namatay si Jesukristo, Didto sa kalbaryo

Agud kita pamawi-on sa daku nga kasubo.

Pag-ampo sa Pagpamuno sang Estasyon <<   >> Ikaduha nga Estasyon