Ikasiyam ka Estasyon - Ang Paglansang kay Jesus sa Krus

Ikasiyam ka Estasyon

Ang Paglansang kay Jesus sa Krus

V.              Nagasimba kag nagadayaw kami sa lmo, O Jesus

R.              Kay bangod sang Imo Krus gintubos Mo ang kalibutan

Sang pag-abot nila sa duog nga ginatawag “Ang Bagol,” ginlansang nila didto si Jesus sa krus, kag subong man ang duha ka kriminal, ang isa sa iya tuo kag ang isa sa iya wala. Si Jesus nagsiling, “Amay, patawara sila, kay wala sila makahibalo sang ila ginahimo.” Ang mga tawo nagtindog didto nga nagatan-aw samtang ang mga pangulo sang mga Judio nagyaguta sa iya. Nagsiling sila, “Ginluwas niya ang iban, abi ipaluwas sa iya ang iya kaugalingon, kon sia amo ang Cristo, ang pinili sang Dios.” (Lc. 23:33-35)

Pangamuyo

Ginoo, ang imo mga kamot nga nagahaplos sang mga kabataan, nagbendisyon sang mga masakiton kag nagtabog sang mga yawa karon nalansang sing walay kalooy sa kahoy sang krus. Ang imo tiil nga nagdala sa lmo padulong sa pagkalain-lain nga lugar sa pagpaninguha nga madala ang Maayong Balita sang Ginharian sa tanan, karon indi na makahulag... Ang imo mga kaaway nagyaguta sa lmo nga mapanaog Ka sa krus. Apang indi mo luyag. Indi tungod sang mga lansang kundi tungod sang imo gugma sa mga makakasala. Ang gugma amo ang nagpadala dira sa lmo. Tungod sang gugma nga ikaw nagpabilin dira..." Ginoong Jesus, hatagi kami sang grasya sa pagtuman sang amon katungdanan tungod sang gugma kag upod sa gugma, bisan pa nga ini tanan nagalarawan sang masakit nga paglansang.

Lider: Amay namon nga yara ka sa langit

Pagdayawon ang Imong ngalan

Umabot sa amon ang Imong ginharian

Matuman ang Imo pagbuot diri sa duta siling sang sa langit.

 Tanan: Hatagan mo kami niyan sing kan-on namon sa matag-adlaw

Kag patawaron mo kami sang mga sala namon

Siling nga ginapatawad namon ang mga nakasala sa amon

Kag dili mo kami ipadaog sa panulay

Hinonoo luwason mo kami sa kalaut. Amen.

Lider: Maghimaya ka Maria

puno ka sing grasya

ang Ginoo yara sa imo

dayawon ka labi sa mga babaye nga tanan

kag dayawon man ang bunga sang imo tiyan nga si Jesus.

Tanan: Santa Maria Iloy sang Dios

ig-ampo mo kami nga makasasala

niyan kag sa oras sang amon ikamatay. Amen.

Lider: Himaya sa Amay, sa Anak kag sa Espiritu Santo.

Tanan: Subong sang ginsugoran

sa karon, sa gihapon, sa tuig sa mga katuigan. Kabay pa.

V. Ginoo, nakasala kami kag nagahinulsol kami,

R. Malooy ka sa amon.

Gin-ubahan sang panapton

Gintagaan langgaw apdo

Ang Ginoo Tagasunod

Ang nagutom pagpakan-a

ang waay bayo pabayoa

ginahimo ni Jesus.

DIYOS NAMON SANG KALUOY

 1. Dios namon sang kalooy, Ikaw ang amon nga Amay

Magbubuhat, manunubos kag Ginoo sang mga tanan.

Koro: Jesus, malooy ka sa amon

Patawaron mo kami

Ang sala ginadumtan namon

Dili na magliwat kami

2. Namatay si Jesukristo, Didto sa kalbaryo

Agud kita pamawi-on sa daku nga kasubo.

Ikawalo ka Estasyon <<   >> Ikapulo ka Estasyon