Ikawalo ka Estasyon - Ang mga Babaye sang Jerusalem

Ikawalo ka Estasyon

Ang mga Babaye sang Jerusalem

V.              Nagasimba kag nagadayaw kami sa lmo, O Jesus

R.              Kay bangod sang Imo Krus gintubos Mo ang kalibutan

Madamo nga mga tawo ang nagsunod sa kay Jesus. Upod sa mga tawo may mga babayi nga nagahinibi kag nagapanalambiton tungod sa iya. Ginbalikid sila ni Jesus kag ginsingganan, “Mga babayi nga taga-Jerusalem, indi kamo maghibi tungod sa akon, kundi tungod sa inyo kaugalingon kag sa inyo mga kabataan. Kay ang mga adlaw magaabot nga ang mga tawo magasiling, ‘Bulahan ang mga babayi nga baw-as, ang wala makapamata, kag wala makapasuso!’ Amo ina ang tion nga ang mga tawo magasiling sa mga bukid, ‘Tumbahi kami!’ kag sa mga bakulod, ‘Tabuni kami!’ Kay kon ini nga mga butang ginahimo samtang lab-as pa ang mga kahoy, ano pa gid ayhan ang mahanabo kon laya na ini?” (Lc. 23:27-31)

Pangamuyo

Ginoong Jesus, yadtong mga babaye sang Jerusalem may sensiredad sa ila kasubo tungod sa imo. Nangin maisog sila sa pagsunod sa Imo sa dalanon padulong sa kalbaryo. Apang lmo ginbalhin ang ila igtalupangod sa kawsa sang lmo pag-antos ang SALA, kag ang silot sa dili paghinulsol nga madulot sini sa tanan. Ginalaum namon nga kami may pagka-sinsero subong sa ila nga nagtangis sa di-makatarungan nga pagpasipala nga ikaw ginpaantos. Kag ginalauman namon nga kaangay sa ila kami mangin mabinalatyagon man sa mga pag-antos sang amon isigkatawo, ilabi sa mga eskwater, sa mga wala sing trabaho, sa mga wala sing puloy-an, kag sa tanan nga mga biktima sang inhustisya kag pamigos. Kay amo ini tanan nga mga porma sang sala ang nagadala sang nagakabagay nga silot sang Dios sa amon sosyedad.

Lider: Amay namon nga yara ka sa langit

Pagdayawon ang Imong ngalan

Umabot sa amon ang Imong ginharian

Matuman ang Imo pagbuot diri sa duta siling sang sa langit.

 Tanan: Hatagan mo kami niyan sing kan-on namon sa matag-adlaw

Kag patawaron mo kami sang mga sala namon

Siling nga ginapatawad namon ang mga nakasala sa amon

Kag dili mo kami ipadaog sa panulay

Hinonoo luwason mo kami sa kalaut. Amen.

Lider: Maghimaya ka Maria

puno ka sing grasya

ang Ginoo yara sa imo

dayawon ka labi sa mga babaye nga tanan

kag dayawon man ang bunga sang imo tiyan nga si Jesus.

Tanan: Santa Maria Iloy sang Dios

ig-ampo mo kami nga makasasala

niyan kag sa oras sang amon ikamatay. Amen.

Lider: Himaya sa Amay, sa Anak kag sa Espiritu Santo.

Tanan: Subong sang ginsugoran

sa karon, sa gihapon, sa tuig sa mga katuigan. Kabay pa.

V. Ginoo, nakasala kami kag nagahinulsol kami,

R. Malooy ka sa amon.

Dili lang ako tangisan

kundi inyo kasal-anan

kag sang kabataan man.

Manuglipay sang nalisdan

O Jesus, sila lipaya

sa tanan nga kalisod.

DIYOS NAMON SANG KALUOY

 1. Dios namon sang kalooy, Ikaw ang amon nga Amay

Magbubuhat, manunubos kag Ginoo sang mga tanan.

Koro: Jesus, malooy ka sa amon

Patawaron mo kami

Ang sala ginadumtan namon

Dili na magliwat kami

2. Namatay si Jesukristo, Didto sa kalbaryo

Agud kita pamawi-on sa daku nga kasubo.

Ikapito ka Estasyon <<   >> Ikasiyam ka Estasyon