Ikapulo ka Estasyon - Ang Mahinulsulon nga Makawat

Ikapulo ka Estasyon

Ang Mahinulsulon nga Makawat

V.              Nagasimba kag nagadayaw kami sa lmo, O Jesus

R.              Kay bangod sang Imo Krus gintubos Mo ang kalibutan

Ang isa sang mga kriminal nga nalansang sa krus didto nagpasipala sa iya, “Indi bala ikaw ang Cristo? Luwasa ang imo kaugalingon kag luwasa man kami!” Pero ang iya upod nga kriminal nagsabdong sa iya nga nagasiling, “Wala ka bala mahadlok sa Dios? Pareho man lang kita nga ginasilutan. Ang aton silot bagay gid man sa aton tungod sang aton mga ginhimo, pero sia iya wala sing nahimo nga malain.” Kag nagsiling sia kay Jesus, “Jesus, dumdoma ako kon magkari ka subong nga hari.” Si Jesus nagsiling sa iya, “Nagasiling ako sa imo, karon gid nga adlaw manginkaupod ka nakon sa Paraiso.” (Lc. 23:39-43)

Pangamuyo

Ginoong Jesus, may daku nga sinseredad sa publiko nga pagkompesar sang mahinulsolon nga makawat... May bastante nga pagtuo kag pagsalig sa iya mga pulong sa imo. Ang tawo nagtuo sa lmo kalooy, nagtuo siya sa imo Ginharian. Kag wala mo sia ginpaslaw. Sing masami nakasugata kami sang tawo nga nakahimo sing sala kag Iuyag magsunod sang bag-o nga kabuhi... Ginoo.. Himoa nga kami may maayo nga panimuot sa ila kaangay sang lmo panimuot sa mahinulsolon nga makawat. Sa sini nga paagi, kami man, magtapos sang kurso sang amon kabuhi nagahiambit sang pagtuo kag pagsalig sang mahinulsolon nga makawat, kag kami nga makabati sang lmo saad sang kabuhi nga wala sing katapusan.

Lider: Amay namon nga yara ka sa langit

Pagdayawon ang Imong ngalan

Umabot sa amon ang Imong ginharian

Matuman ang Imo pagbuot diri sa duta siling sang sa langit.

 Tanan: Hatagan mo kami niyan sing kan-on namon sa matag-adlaw

Kag patawaron mo kami sang mga sala namon

Siling nga ginapatawad namon ang mga nakasala sa amon

Kag dili mo kami ipadaog sa panulay

Hinonoo luwason mo kami sa kalaut. Amen.

Lider: Maghimaya ka Maria

puno ka sing grasya

ang Ginoo yara sa imo

dayawon ka labi sa mga babaye nga tanan

kag dayawon man ang bunga sang imo tiyan nga si Jesus.

Tanan: Santa Maria Iloy sang Dios

ig-ampo mo kami nga makasasala

niyan kag sa oras sang amon ikamatay. Amen.

Lider: Himaya sa Amay, sa Anak kag sa Espiritu Santo.

Tanan: Subong sang ginsugoran

sa karon, sa gihapon, sa tuig sa mga katuigan. Kabay pa.

V. Ginoo, nakasala kami kag nagahinulsol kami,

R. Malooy ka sa amon.

Sang mapintas nga kaaway 

Ginalansang ka sa kahoy

lkaw nagapatawad lang

Ang kaaway ginapatawad

ginpasaylo ang makawat

Mapatawad kami man.

DIYOS NAMON SANG KALUOY

 1. Dios namon sang kalooy, Ikaw ang amon nga Amay

Magbubuhat, manunubos kag Ginoo sang mga tanan.

Koro: Jesus, malooy ka sa amon

Patawaron mo kami

Ang sala ginadumtan namon

Dili na magliwat kami

2. Namatay si Jesukristo, Didto sa kalbaryo

Agud kita pamawi-on sa daku nga kasubo.

Ikasiyam ka Estasyon <<   >> Ikapulo kag Isa ka Estasyon