Ikapulo kag Apat ka Estasyon - Ang Pagkabanhaw

Ikapulo kag Apat ka Estasyon

Ang Pagkabanhaw

V.              Nagasimba kag nagadayaw kami sa lmo, O Jesus

R.              Kay bangod sang Imo Krus gintubos Mo ang kalibutan

Aga pa gid sang nahauna nga adlaw sang simana, sa tapos ang Adlaw nga Inugpahuway, nagkadto si Maria Magdalena kag ang isa pa ka Maria sa pagtan-aw sang lulobngan. Sa hinali naglinog sing mabaskog, kag ang isa ka anghel sang Ginoo nagkunsad halin sa langit. Iya ginpaligid ang bato nga nagatakop sa lulobngan kag iya ini ginpungkoan. Ang anghel nagsiling sa mga babayi, “Indi kamo magkahadlok. Nakahibalo ako nga ginapangita ninyo si Jesus nga ginlansang sa krus. Wala sia diri. Nabanhaw sia, suno sa iya ginsiling. Dali kamo diri kag tan-awa ang duog nga ginpahamyangan sa iya. Lakat kamo sa gilayon, kag sugiri ninyo ang iya mga gintuton-an: ‘Nabanhaw sia'. (Mt. 28:1-6)

Pangamuyo

Jesus, ang imo balaan nga lawas indi madunot sa lulobngan. Ang lulobngan indi makawid sa lmo sing malawig sang sa kinahanglanon agud pamatud-an nga ang lmo kamatayom matuod. Karun ang sira naguba ang pwerta nga bato napaligid, ang panaksihon sang mga Anghel nagapamatuod lmo pagkabanhaw matuod ini tanan nagapamatuod nga kami man mabanhaw. Ang lmo pagkabanhaw, Ginoo, amo ang handurawan ang amon pagkabanhaw bisan subong. Ini isa ka panghangkat sa amon sa pagbangon gikan sa kamatayon sang sala padulong sa kabuhi ang grasya. Jesus, ikaw ang Ginoo sang kabuhi. Salamat, Ginoo, sa imo pagkamatay para sa amon. Salamat sa imo pagkabanhaw para sa amon.

Lider: Amay namon nga yara ka sa langit

Pagdayawon ang Imong ngalan

Umabot sa amon ang Imong ginharian

Matuman ang Imo pagbuot diri sa duta siling sang sa langit.

 Tanan: Hatagan mo kami niyan sing kan-on namon sa matag-adlaw

Kag patawaron mo kami sang mga sala namon

Siling nga ginapatawad namon ang mga nakasala sa amon

Kag dili mo kami ipadaog sa panulay

Hinonoo luwason mo kami sa kalaut. Amen.

Lider: Maghimaya ka Maria

puno ka sing grasya

ang Ginoo yara sa imo

dayawon ka labi sa mga babaye nga tanan

kag dayawon man ang bunga sang imo tiyan nga si Jesus.

Tanan: Santa Maria Iloy sang Dios

ig-ampo mo kami nga makasasala

niyan kag sa oras sang amon ikamatay. Amen.

Lider: Himaya sa Amay, sa Anak kag sa Espiritu Santo.

Tanan: Subong sang ginsugoran

sa karon, sa gihapon, sa tuig sa mga katuigan. Kabay pa.

V. Ginoo, nakasala kami kag nagahinulsol kami,

R. Malooy ka sa amon.

Angheles sang kalangitan

Ang nagkunsad, nag-ambahan

Adlaw sa 'tong pagdaug

Nabanhaw si Jesukristo

Para sa tanan nga tawo

Gugma'ng dulot sang amay. 

DIYOS NAMON SANG KALUOY

 1. Dios namon sang kalooy, Ikaw ang amon nga Amay

Magbubuhat, manunubos kag Ginoo sang mga tanan.

Koro: Jesus, malooy ka sa amon

Patawaron mo kami

Ang sala ginadumtan namon

Dili na magliwat kami

2. Namatay si Jesukristo, Didto sa kalbaryo

Agud kita pamawi-on sa daku nga kasubo.

Ikapulo kag Tatlo ka Estasyon <<   >> Katapusan nga Pangamuyo