Ang mga Tawo nga Nagbalik sa Kabihagan
1 Ang tanan nga mga tawo sang Israel ginlista suno sa ila mga panimalay, kag nasulat sa Libro sang mga Hari sang Israel. Ang mga tawo sang Juda gintapok sa Babilonia subong silot sang ila mga sala.2 Ang nahauna nga mga nakabalik sa ila pagkabutang sa mga siyudad nagalakip sang mga Israelinhon nga mga kalalakin-an, mga pari, mga Levita, kag mga tawo nga nagaobra sa Templo.
3 Ang mga tawo halin sa mga tribo nanday Juda, Benjamin, Efraim, kag Manases nagpuyo sa Jerusalem.
4-6 Ang 690 ka mga panimalay sang tribo ni Juda nagpuyo sa Jerusalem. Ang pangulo sang mga kaliwat sang anak nga lalaki ni Juda nga si Perez amo si Utai nga anak nga lalaki ni Amihud kag apo ni omri. Ang iban niya nga mga katigulangan nagalakip kanday Imri kag Bani. Ang pangulo sang mga kaliwat sang anak nga lalaki ni Juda nga si Sela amo si Asaya, nga amo ang pangulo sang iya panimalay. Ang pangulo sang mga kaliwat sang anak nga lalaki ni Juda nga si Zara amo si Jeuel.
7-8 Ang masunod nga mga katapo sang tribo ni Benjamin nagpuyo sa Jerusalem:
si Sallu, anak nga lalaki ni Mesullam, nga anak nga lalaki ni Hodavias, ang anak nga lalaki ni Asenua
si Ibnias, anak nga lalaki ni Jeroham
si Ela, anak nga lalaki ni Uzi kag apo ni Micri
si Mesullam, anak nga lalaki ni Sepatias, nga anak nga lalaki ni Reuel, ang anak nga lalaki ni Ibnias.
9 May 956 ka mga panimalay sa sini nga tribo nga nagapuyo didto. Ang tanan nga mga lalaki nga ang ila mga ngalan nasambit na, mga pangulo sang panimalay.
Ang mga Pari nga Nagpuyo sa Jerusalem
10-12 Ang masunod nga mga pari nagpuyo sa Jerusalem:Jedaya, Joiarib, kag Jaquin
si Azarias nga anak nga lalaki ni Helcias (ang mataas nga pangulo sa Templo). Ang iya mga katigulangan nagalakip kanday Mesullam, Sadoc, Meraiot, kag Ahitob
si Adaya anak nga lalaki ni Jeroham, kag ang iya mga katigulangan nagalakip kanday Pasur kag Malquias
si Masai anak nga lalaki ni Adiel, kag ang iya mga katigulangan nagalakip kanday Jazera, Mesullam, Mesilemit, kag Imer.
13 Ang bug-os nga kadamuon sang mga pari nga mga pangulo sang panimalay 1,760. Mga sampaton sila sa tanan nga obra sa Templo.
Ang mga Levita nga Nagpuyo sang sa Jerusalem
14 Ang masunod nga mga Levita nagpuyo sa Jerusalem: Semaya nga anak nga lalaki ni Hasub, kag ang iya mga katigulangan nagalakip kanday Azricam kag Hasabias, sa kabaranggayan ni Merari;15 Bacbacar, Heres, kag Galal; Matania nga anak nga lalaki ni Mica, kag ang iya mga katigulangan nagalakip kanday Zicri kag Asaf;
16 Obadias nga anak nga lalaki ni Semaya, kag ang iya mga katigulangan nagalakip kanday Galal kag Jedutum; Berequias, anak nga lalaki ni Asa kag apo ni Elcana. Nagpuyo sia sa duta nga natuon sa banwa sang Netopa.
Ang mga Gwardya sang Templo nga Nagpuyo sa Jerusalem
17 Ang masunod nga mga gwardya sang Templo nagpuyo sa Jemsalem: Sallum, Acub, Talmon, kag Ahiman. Si Sallum amo ang ila pangulo.18 Tubtob sa sining panahon ang mga katapo sang ila mga kabaranggayan ginpahamtang sa nasidlangan nga alagyan pakadto sa Puwerta sang Hari.p Sang una didto sila nagabantay sa mga alagyan pakadto sa mga kampamento sang mga Levita.
19 Si Sallum, anak nga Ialaki ni Core kag apo ni Abiasaf, upod sa mga katapo sang kabaranggayan ni Corah, amo ang nagabantay sa alagyan pakadto sa balaan nga Tolda, subong sang ginhimo sang ila mga katigulangan sang sila ang nagabantay sang kampamento sang Ginoo.
20 Si Finees nga anak nga lalaki ni Eleazar—kabay nga ang Ginoo mag-upod sa iya!—amo ang nagdumala anay sa ila.
21 Si Zacarias nga anak nga lalaki ni Meselemias amo ang gwardya sa alagyan pakadto sa Tolda nga Tilipunan.
22 Tanan sila, 212 ka mga lalaki ang ginpili subong mga gwardya para sa mga alagyan kag mga puwerta. Ginlista sila suno sa mga kabaryuhanan nga ila ginpuy-an. Si Haring David kag si Samuel nga propeta amo ang naghatag sa ila mga katigulangan sini nga mga katungdanan.
23 Sila kag ang ila mga kaliwat nagpadayon sa pagbantay sang mga puwerta sang Templo.
24 May puwerta nga nagaatubang sa sidlangan, sa nakatundan, sa aminhan, kag sa bagatnan, kag ang kada puwerta may pangulo nga gwardya.
25 Ini nga mga gwardya ginabuligan sang ila mga paryente nga nagapuyo sa mga kabaryuhanan, kag nagabulosbulos sa pagbantay sing pito ka adlaw ang kadaisa.
26 Ang apat ka pangulo nga mga gwardya, mga Levita, kag sila ang may mataas nga katungdanan. Sila ang gintugyanan sang mga kuwarto sa Templo kag sang mga pagkabutang nga natago didto.
27 Nagpuyo sila malapit sa Templo, kag katungdanan nila ang pagbantay sini kag ang pag-abri sang mga puwerta kada aga.
Ang Iban nga mga Levita
28 Ang iban nga mga Levita gintugyanan sang mga galamiton nga ginagamit sa pagsimba. Ginaisip nila ini kon pagwaon, kag ginaisip nila ini liwat sa tapos nga magamit ini.29 Ang iban gintugyanan sang balaan nga mga gamit, kag sang arina, bino, lana sang olivo, insyenso, kag mga pahamot.
30 Pero ang katungdanan sa pagsimbog sing mga pahamot iya sang mga pari.
31 Ang isa ka Levita nga ginhingalanan kay Matatias, ang kamagulangan nga anak ni Sallum, sa kabaranggayan ni Core, amo ang gintugyanan sa paghimo sang mga halad nga naluto sa horno.q
32 Ang mga katapo sang kabaranggayan ni Coat amo ang gintugyanan sa paghimo sang balaan nga tinapayr para sa Templo sa tagsa ka Adlaw nga Inugpahuway.
33 Ang iban nga mga panimalay sang mga Levita amo ang gintugyanan sang musika sa Templo. Ang mga pangulo sini nga mga panimalay nagpuyo sa iban nga mga balay sa Templo, kag wala na sila sing iban pa nga obra, kay handa sila sa ila katungdanan sa adlaw kag gab-i.
34 Ang mga lalaki nga ginhingadlan na, mga pangulo sang mga panimalay sang mga Levita, suno sa mga katigulangan nga ila ginhalinan. Sila amo ang mga pangulo nga nagpuyo sa Jerusalem.
Ang mga Katigulangan kag mga Kaliwat ni Haring Saul
(8:29-38)
35 Si Jeiel nagpasad sang siyudad sang Gabaon kag nagpuyo didto. Ang iya amay amo si Maaca,36 kag ang iya kamagulangan nga anak nga lalaki amo si Abdon. Ang iban niya nga mga anak nga lalaki amo sanday Zur, Cis, Baal, Ner, Nadab,
37 Gedor, Ahio, Zacarias, kag Miclot,
38 ang amay ni Simeam. Ang ila mga kaliwat nagpuyo sa Jerusalem malapit sa iban nga mga panimalay sang ila kabaranggayan.
39 Si Ner amo ang amay ni Cis, kag si Cis amo ang amay ni Saul. Si Saul may apat ka mga anak nga lalaki nga amo sanday Jonatan, Malquisua, Abinadab, kag Esbaal.s
40 Si Jonatan amo ang amay ni Meribbaal,t kag si Meribbaal amo ang amay ni Mica.
41 Si Mica may apat ka mga anak nga lalaki nga amo sanday Piton, Melec, Tarea, kag Acaz.u
42 Si Acaz amo ang amay ni Jara, kag si Jara may tatlo ka mga anak nga lalaki nga amo sanday Alemet, Azmavet, kag Zimri. Si Zimri amo ang amay ni Moza,
43 kag si Moza amay ni Binea, si Binea amay ni Refaya, si Refaya amay ni Elasa, kag si Elasa amay ni Azel.
44 Si Azel may anom ka mga anak nga lalaki nga amo sanday Azricam, Bocru, Ismael, Searya, Obadias, kag Hanan.
pPUWERTA SANG HARI: Ang nasidlangan nga puwerta sang Templo nga ginaagyan pirme sang hari pasulod.
qMGA HALAD NGA NALUTO SA HORNO: Manipis nga tinapay nga nahimo sa arina kag lana nga olivo nga ginluto kag ginhalad subong nga mga dulot sa Dios (tan-awa man ang Lev. 2:4-6).
rBALAAN NGA TINAPAY: Dose ka panid nga tinapay nga ginbutang sa lamisa sa Templo sa tagsa ka Adlaw nga Inugpahuway subong isa ka dulot sa Dios (tan-awa man ang Lev. 24:5-9).
sESBAAL: Tan-awa ang 8:33.
tMERIBAAL: Tan-awa ang 8:34.
uACAZ: (tan-awa ang 1 Cronica 8:35); ang Hebreo wala sini nga ngalan.
No comments:
Post a Comment