Ang Kaliwat sang Pinakamataas nga mga Pari
1 Si Levi may tatlo ka mga anak nga lalaki nga amo sanday Gerson, Coat, kag Merari.2 Si Coat may apat ka mga anak nga lalaki nga amo sanday Amram, Izhar, Hebron, kag Uziel.
3 Si Amram may duha ka anak nga lalaki nga amo sanday Aaron kag Moises, kag isa ka anak nga babayi nga si Miriam. Si Aaron may apat ka mga anak nga lalaki nga amo sanday Nadab, Abihu, Eleazar, kag Itamar.
4 Ang mga kaliwat ni Eleazar amo ang masunod: Finees, Abisua,
5 Buki, Uzi,
6 Zeraias, Meraiot,
7 Amarias, Ahitob,
8 Sadoc, Ahimaaz,
9 Azarias, Johanan,
10 Azarias (ang nagaalagad sa templo nga ginpatindog ni Haring Salomon sa Jerusalem),
11 Amarias, Ahitob,
12 Sadoc, Sallum,
13 Hilcias, Azarias,
14 Seraya, Josadac.
15 Si Haring Nabucodonosor nagtapok kay Josadac upod sa iban nga mga tawo sang Juda kag Jerusalem, nga ginpadala sang Ginoo sa kabihagan.
Ang Iban nga mga Kaliwat ni Levi
16 Si Levi may tatlo ka mga anak nga lalaki nga amo sanday Gersom, Coat, kag Merari.17 Ang kadaisa sa ila may mga anak man nga lalaki. Si Gersom amo ang amay nanday Libni kag Simei;
18 si Coat amo ang amay nanday Amram, Izar, Hebron, kag Uziel;
19 kag si Merari amo ang amay nanday Mali kag Musi.
20 Amo ini ang mga kaliwat ni Gersom: Libni, Jahat, Zimna,
21 Joah, Iddo, Zara, kag Jeatrai.
22 Amo ini ang mga kaliwat ni Coat: Aminadab, Core, Asir,
23 Elcana, Ebiasaf, Asir,
24 Tahat, Uriel, Uzias, kag Saul.
25 Si Elcana may duha ka anak nga lalaki nga amo sanday Amasai kag Ahimot.
26 Amo ini ang mga kaliwat ni Ahimot: Elcana, Zofai, Nahat,
27 Eliab, Jeroham, Elcana.
28 Si Samuel may duha ka anak nga lalaki nga amo sanday Joel,h ang magulang, kag Abias, ang manghod.
29 Amo ini ang mga kaliwat ni Merari: Mali, Libni, Simei, Uza,
30 Simea, Hagia, kag Asaya.
Ang mga Manugdumala sang Musika sa Templo
31 Amo ini ang mga tawo nga gintugyanan ni Haring David nahanungod sang musika sa duog sang pagsimba sa Jerusalem, sa tapos mahalin didto ang Kaban sang Kasugtanan.32 Nagbulosbulos sila sa pag-alagad sa Tolda nga Tilipunan sang wala pa mapatindog ni Haring Salomon ang Templo.
33 Ang mga kaliwat sang panimalay nga nag-alagad sa sini nga palangakuan amo ang masunod. Ang kabaranggayan ni Coat: si Heman, ang pangulo sang nahauna nga grupo sang mga manug-amba, anak nga lalaki ni Joel. Ang iya ginhalinan pakadto kay Israel, kon-usisaon amo ang masunod: Heman, Joel, Samuel,
34 Elcana, Jeroham, Eliel, Toah,
35 Zuf, Elcana, Mahat, Amasai,
36 Elcana, Joel, Azarias, Sofonias,
37 Tahat, Asir, Ebiasaf, Core,
38 Izar, Coat, Levi, Israel.
39 Si Asaf amo ang pangulo sang ikaduha nga grupo sang mga manug-amba. Ang iya ginhalinan pakadto kay Levi, kon usisaon amo ang masunod: Asaf, Beraquias, Simeas,
40 Micael, Baaseya, Malquias,
41 Etni, Zara, Adaya,
42 Etan, Zima, Simei,
43 Jahat, Gersom, Levi.
44 Si Etan sang kabaranggayan ni Merari, amo ang pangulo sang ikatlo nga grupo sang mga manug-amba. Ang iya ginhalinan pakadto kay Levi, kon usisaon amo ang masunod: Etan, Quisi, Abdi, Malluc,
45 Hasabias, Amasias, Hilcia,
46 Amzi, Bani, Semer,
47 Mahli, Musi, Merari, Levi.
48 Ang ila kapareho nga mga Levita ginhatagan sing iban nga mga katungdanan sa duog sang pagsimba.
Ang mga Kaliwat ni Aaron
49 Si Aaron kag ang iya mga kaliwat nagdala sang mga dulot nga insyenso kag nagdulot sang mga halad nga ginsunog sa altar. Sila ang gintugyanan sang tanan nga pagsimba sa Labing Balaan nga Duog kag sang mga halad nga paagi sini ang Dios nagapatawad sang mga sala sang Israel. Ginhimo nila ini tanan suno sa mga sugo nga ginhatag ni Moises, ang alagad sang Dios.50 Amo ini ang mga kaliwat ni Aaron: Eleazar, Finees, Abisua,
51 Buki, Uzi, Zeraias,
52 Meraiot, Amarias, Ahitob,
53 Sadoc, kag Ahimaaz.
Ang Ginpuy-an sang mga Kaliwat ni Aaron
54 Amo ini ang duta nga ginhatag sa mga kaliwat ni Aaron, halin sa mga kabaranggayan ni Coat. Sila ang nakabaton sang nahauna nga bahin sang duta.55 Nagalakip ini sang Hebron, sa kadutaan sang Juda kag sang mga halalban sa palibot sini.
56 Pero ang mga kaumhan kag mga kabaryuhanan nga sakop sang siyudad, ginhatag kay Caleb nga anak ni Jefone.
57-59 Ang masunod nga mga banwa, ginhatag sa mga kaliwat ni Aaron: Hebron, isa ka siyudad nga dalangpan,i Jatir, ang mga banwa sang Libna, Estemoa, Hilen, Debir, Asan, kag Bet Semes, lakip ang ila mga halalban.
60 Sa duta ni Benjamin ginhatag sa ila ang masunod nga mga banwa lakip ang ila mga halalban: Geba, Alemet, kag Anatot. Trese tanan ka mga banwa ang manginpuloy-an para sa tanan nila nga mga panimalay.
Ang Ginpuy-an sang Iban nga mga Levita
61 Ang napulo ka mga banwa sa kadutaan sang Nakatundan nga Manases ginhatag paagi sa pagabutgabot sa nabilin nga mga kabaranggayan ni Coat suno sa ila mga panimalay.62 Sa kabaranggayan ni Gersom, suno sa ila panimalay, ginhatag ang 13 ka mga banwa sa kadutaan nanday Isacar, Aser, Neftali, kag sang Nasidlangan nga Manases sa Basan.
63 Sa amo man nga paagi, ang 12 ka mga banwa sa kadutaan nanday Ruben, Gad, kag Zabulon ginhatag sa kabaranggayan ni Merari suno sa ila mga panimalay.
64 Sa sini nga paagi ang mga tawo sang Israel naghatag sa mga Levita sing mga banwa nga ila pagapuy-an, lakip ang mga halalban sa palibot nga mga banwa.
65 (Ang mga banwa sa kadutaan nanday Juda, Simeon, kag Benjamin, nga nasambit na, ginhatag man paagi sa pagabutgabot.)
66 Ang iban nga mga panimalay sang kabaranggayan ni Coat ginhatagan sing mga banwa kag mga halalban sa kadutaan ni Efraim.
67 Ini nga mga banwa amo ang Siquem, isa ka siyudad nga dalangpan, sa mga kabakuloran sang Efraim, Gezer,
68 Jocmeam, Bet Horon,
69 Ayalon, kag Gat Rimon.
70 Sa kadutaan sang Nakatundan nga Manases ginhatag sa ila ang mga banwa sang Aner kag Bileam lakip ang palibot nga mga halalban.
71 Sa mga panimalay sang kabaranggayan ni Gersom ginhatag ang masunod nga mga banwa, lakip ang palibot nga mga halalban. Sa kadutaan sang Nasidlangan nga Manases: ang Golan sa Basan, kag Astarot.
72 Sa kadutaan ni Isacar: ang Cades, Daberat,
73 Ramot, kag Anem.
74 Sa kadutaan ni Aser: ang Masal, Abdon,
75 Hucoc, kag Rehob.
76 Sa kadutaan ni Neftali: ang Cades sa Galilea, Hamon, kag Kiryataim.
77 Sa nabilin nga mga panimalay sang kabaranggayan ni Merari ginhatag ang masunod nga mga banwa lakip ang palibot nga mga halalban. Sa kadutaan sang Zabulon: ang Rimono kag Tabor.
78 Sa kadutaan ni Ruben, sa nasidlangan sang suba sang Jordan sa unhan sang Jerico: ang Bezer sa mataas nga patag, Jaza,
79 Quedemot, kag Mefaat.
80 Sa kadutaan ni Gad: ang Ramot sa Galaad, Mahanaim,
81 Hesbon, kag Jazer.
hAng iban nga dumaan nga pagbadbad Joel (tan-awa man ang 1 Sam. 8:2); ang Hebreo wala sini nga ngalan.
iSIYUDAD NGA DALANGPAN: Kon ang bisan sin-o nga makapatay sing indi hungod makapalagyo sia sa isa sining mga siyudad agod indi sia maano sang nagatimalos sa iya (tan-awa man ang Josue 20:1-9).
No comments:
Post a Comment