Ang mga Kaliwat ni Juda
1 Si Israel may dose ka mga anak nga lalaki nga amo sanday Ruben, Simon, Levi, Juda, Isacar, Zabulon,2 Dan, Jose, Benjamin, Neftali, Gad, kag Aser.
3 Si Juda may lima ka mga anak nga lalaki. Sa iya asawa nga si Batsua nga taga-Canaan, may tatlo sia ka mga anak nga amo sanday Er, Onan, kag Sela. Ang iya kamagulangan nga anak nga si Er, tama gid kalaut sa bagay nga ginpatay sia sang Ginoo.
4 Sa iya umagad nga si Tamar, may duha pa sia ka anak nga lalaki nga amo sanday Perez kag Zera.
5 Si Perez may duha ka anak nga lalaki nga amo sanday Hezron kag Hamul.
6 Ang iya utod nga si Zera may lima ka mga anak nga lalaki nga amo sanday Zimri, Etan, Heman, Calcol, kag Dara.
7 Si Acar,b nga anak ni Carmi, nagdala sing kalaglagan sa mga tawo sang Israel paagi sa pagkuha sang inagaw nga ginpain para sa Dios, nga kuntani dapat laglagon.
8 Si Etan may isa ka anak nga lalaki nga si Azaria.
Ang Panimalay nga Ginhalinan ni Haring David
9 Si Hezron may tatlo ka mga anak nga Ialaki, nga amo sanday Jerameel, Ram, kag Caleb.10 Ang mga kaliwat sang panimalay ni Ram tubtob sa kay Jesse amo ang masunod: Ram, Aminadab, Naason (isa ka bantog nga tawo sa tribo ni Juda),
11 Salma, Booz,
12 Obed, kag Jesse.
13 Si Jesse may pito ka mga anak nga lalaki. Amo ini sila halin sa kamagulangan: Eliab, Abinadab, Simea,
14 Natanael, Radai,
15 Ozem, kag David.
16 May duha man sia ka anak nga babayi nga amo sanday Sarvia kag Abigail. Ang anak nga babayi ni Jesse nga si Sarvia may tatlo ka mga anak nga lalaki nga amo sanday Abisai, Joab, kag Asael.
17 Ang isa niya ka anak nga babayi nga si Abigail, ginpangasawa ni Jeter, isa ka kaliwat ni Ismael, kag may anak sila nga lalaki nga si Amasa.
Ang mga Kaliwat ni Hezron
18 Ang anak nga lalaki ni Hezron nga si Caleb nagpangasawa kay Azuba, kag may isa sila ka anak nga babayi nga si Jeriot. May tatlo sia ka mga anak nga lalaki nga amo sanday Jeser, Sobab, kag Ardon.19 Sa tapos mapatay si Azuba, ginpangasawa ni Caleb si Efrata, kag may isa sila ka anak nga lalaki nga si Hur.
20 Ang anak nga lalaki ni Hur amo si Uri, kag ang iya apo amo si Besalel.
21 Sang si Hezron nagaedad sing 60 ka tuig, ginpangasawa niya ang anak nga babayi ni Maquir, ang utod ni Galaad. May anak sila nga lalaki nga si Segub,
22 kag si Segub may anak nga lalaki nga si Jair. Si Jair naggahom sang 23 ka mga siyudad sa kadutaan sang Galaad.
23 Pero ang mga ginharian ni Gesur kag ni Aram nag-agaw sang 60 ka mga banwa didto, lakip ang mga kampamento sang Jair kag Kenat, kag ang mga banwa nga malapit. Ang tanan nga mga tawo nga nagapuyo didto mga kaliwat ni Maquir, nga amay ni Galaad.
24 Sa tapos mapatay si Hezron, ang iya anak nga si Caleb nagpangasawa kay Efrata, ang balo nga asawa sang iya amay. May anak sila nga lalaki nga si Asur, nga nagpasad sang banwa sang Tecoa.
Ang mga Kaliwat ni Jerameel
25 Si Jerameel, ang magulang nga anak ni Hezron, may lima ka mga anak nga lalaki. Ang kamagulangan amo si Ram, kag ang iban amo sanday Buna, Oren, Ozem, kag Ahia.26-27 Si Ram may tatlo ka mga anak nga lalaki nga amo sanday Maaz, Jamin, kag Eker. Si Jerameel may isa pa ka asawa nga si Atara, kag may anak sila nga lalaki nga si Onam.
28 Si Onam may duha ka anak nga lalaki nga amo sanday Samai kag Jada, kag si Samai may duha man ka anak nga lalaki nga amo sanday Nadab kag Abisur.
29 Si Abisur nagpangasawa kay Abihail, kag may duha sila ka anak nga lalaki nga amo sanday Aban kag Molid.
30 Ang utod ni Abisur nga si Nadab may duha ka anak nga lalaki, nga amo sanday Seled kag Apaim, pero si Seled napatay nga wala sing bata.
31 Si Apaim amay ni Isi, si Isi amay ni Sesan, kag si Sesan amay ni Alai.
32 Si Jada nga utod ni Samai, may duha ka anak nga lalaki, nga amo sanday Jeter kag Jonatan, pero si Jeter napatay nga wala sing bata.
33 Si Jonatan may duha ka anak nga lalaki, nga amo sanday Pelet kag Zaza. Ini sila tanan mga kaliwat ni Jerameel.
34 Si Sesan wala sing mga anak nga lalaki, kundi mga babayi lamang. May suloguon sia nga Egiptohanon nga si Jara,
35 nga ginpaasaw-an niya sang isa sang iya mga anak nga babayi. May anak sila nga lalaki nga ang iya ngalan si Atai.
36 Amo ini ang mga kaliwat ni Atai: Natan, Zabad,
37 Eflal, Obed,
38 Jehu, Azarias,
39 Helez, Elasa,
40 Sismai, Salum,
41 Jecamia, kag Elisama.
Ang Iban nga mga Kaliwat ni Caleb
42 Ang kamagulangan nga anak nga lalaki ni Caleb, nga utod ni Jerameel, amo si Mesa. Si Mesa amo ang amay ni Sif, nga amay ni Maresa, nga amay ni Hebron.43 Si Hebron may apat ka mga anak nga lalaki nga amo sanday Core, Tapua, Requem, kag Sema.
44 Si Sema amay ni Raham, kag lolo ni Jorqueam. Si Requem nga utod ni Sema, amo ang amay ni Samai,
45 nga amay ni Maon, nga amay ni Batzur.
46 Si Caleb may babayi nga si Efa, kag may tatlo sila ka mga anak nga lalaki, nga amo sanday Haran, Moza kag Gasez. Si Haran may anak man nga lalaki nga si Gasez.
47 May isa ka tawo nga si Jadai nga may anom ka mga anak nga lalaki nga amo sanday Regem, Jotam, Gesam, Pelet, Efa, kag Saaf.
48 Si Caleb may isa pa gid ka babayi nga si Maaca, kag may duha sia ka anak nga lalaki sa kay Caleb, nga amo sanday Seber kag Tirana.
49 Sang ulihi, may duha pa gid sia ka anak nga lalaki, si Saaf, nga nagpasad sang banwa sang Madmana, kag si Seva, nga nagpasad sang mga banwa sang Macbena kag Giba. Wala labot sini, si Caleb may anak nga babayi nga si Acsa.
50 Ang masunod mga kaliwat man ni Caleb. Ang kamagulangan nga anak ni Caleb kag sang iya asawa nga si Efrata amo si Hur. Ang anak nga lalaki ni Hur nga si Sobal nagpasad sang siyudad sang Jearim,
51 ang iya anak nga lalaki nga si Salma nagpasad sang Betlehem, kag ang iya anak nga si Haref nagpasad sang Betgader.
52 Si Sobal, nga nagpasad sang siyudad sang Jearim, amo ang ginhalinan sang mga tawo sang Haroe, katunga sang mga pumoluyo sang Menuhot,
53 kag sang masunod nga mga kabaranggayan nga nagpuyo sa siyudad sang Jearim: ang mga Itrinhon, ang mga Puthanon, ang mga Sumatnon, kag ang mga Misranhon. (Ang mga Zoranhon kag ang mga Estaolnon mga kaliwat sini nga mga kabaranggayan.)
54 Si Salma nga nagtukod sang Betlehem, amo ang ginhalinan sang mga tawo sang Netopa, sang Atrotbetjoab, kag sang mga Zorhanon, ang katunga sang duha ka kabaranggayan sa Manahat.
55 Ang masunod nga mga kabaranggayan nga maayo magsulat kag magkopya sang mga dokumento nagpuyo sa banwa sang Jabes: ang mga Tirahanon, ang mga Simatnon, kag ang mga Sucatnon. (Ini sila mga Cinhanon nga nagpalangasawa kag nagpalamana sang mga Recabnon.)
bACAR: Ang teksto sa Hebreo nagatawag sa iya diri nga Acar, pero sa Josue 7:1, ginatawag sia nga Acan. Ang Acar isa ka lahuglahog nga ngalan nga ang kahulogan "kalaglagan.”
No comments:
Post a Comment