1 MGA CRONICA - Kapitulo 7

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29

Ang mga Kaliwat ni Isacar 

1 Si Isacar may apat ka mga anak nga lalaki nga amo sanday Tola, Pua, Jasub, kag Simron.
2 Si Tola may anom ka mga anak nga lalaki nga amo sanday Uzi, Refaya, Jeriel, Jamai, Ibsam, kag Semuel. Ini sila mga pangulo sang mga panimalay sang kabaranggayan ni Tola, kag isganan sila nga mga soldado. Sang panahon ni Haring David ang kadamuon sang ila mga kaliwat 22,600.
3 Si Uzi may isa ka anak nga lalaki nga si Izrahias. Si Izrahias may apat ka mga anak nga lalaki nga amo sanday Micael, Obadias, Joel, kag Isias. Tanan sila mga pangulo sang ila mga panimalay.
4 May madamo sila nga mga asawa kag mga kabataan sa bagay nga ang ila mga kaliwat may 36,000 ka mga soldado.
5 Ang listahan sang tanan nga mga panimalay sang tribo ni Isacar may 87,000 ka mga lalaki nga makaentra sa pagkahangaway.

Ang mga Kaliwat nanday Benjamin kag Dan 

6 Si Benjamin may tatlo ka mga anak nga lalaki nga amo sanday Bela, Bequer, kag Jediael.
7 Si Bela may lima ka mga anak nga lalaki nga amo sanday Esbon, Uzi, Uziel, Jerimot, kag Iri. Sila mga pangulo sang mga panimalay sa kabaranggayan kag tanan sila isganan nga mga soldado. Ang ila mga kaliwat nagalakip 22,034 ka mga lalaki nga sarang makaentra sa pagkahangaway.
8 Si Bequer may siyam ka mga anak nga lalaki nga amo sanday Zemira, Joas, Eliezer, Elioenai, Omri, Jerimot, Abias, Anatot, kag Alemet.
9 Ang listahan sang ila mga kaliwat suno sa mga panimalay nagalakip sang 20,200 ka mga lalaki nga sarang makaentra sa pagkahangaway.
10 Si Jediael may isa ka anak nga lalaki nga si Bilhan, kag si Bilhan may pito ka mga anak nga lalaki nga amo sanday Jehus, Benjamin, Aod, Canaana, Zetan, Tarsis, kag Ahisahar.
11 Ini sila mga pangulo sang mga panimalay sa kabaranggayan kag isganan nga mga soldado. Ang ila mga kaliwat nagalakip sang 17,200 ka mga lalaki nga sarang makaentra sa pagkahangaway.
12 Si Supim kag si Hupim katapo man sini nga tribo. Si Dan may isa ka anak nga lalaki nga si Husim.

Ang mga Kaliwat ni Neftali 

13 Si Neftali may apat ka mga anak nga lalaki nga amo sanday Jahziel, Guni, Jezer, kag Sallum. (Ini sila mga kaliwat ni Bilha.)^j

Ang mga Kaliwat ni Manases

14 Sa iya babayi nga Aramnon, si Manases may duha ka mga anak nga lalaki nga amo sanday Asriel kag Maquir. Si Maquir amo ang amay ni Galaad.
15 Ginpaasaw-an ni Maquir si Hupim kag si Supim. Ang ngalan sang iya utod nga babayi amo si Maaca. Ang ikaduha nga anak nga lalaki ni Maquir amo si Zelofehad, kag wala sia sing mga anak nga lalaki, kundi mga babayi lamang.
16 Si Maaca nga asawa ni Maquir, may duha ka bata nga lalaki, nga ila ginhingalanan kay Perez kag Seres. Si Perez may duha ka mga anak nga lalaki nga amo sanday Ulam kag Requem,
17 kag si Ulam may anak nga lalaki nga si Bedan. Ini sila tanan mga kaliwat ni Galaad, anak ni Maquir kag apo ni Manases.
18 Ang utod nga babayi ni Galaad nga si Hamolequet, may tatlo ka mga anak nga lalaki nga amo sanday Ishod, Abiezer, kag Mala.
19 Si Semida may apat ka mga anak nga Ialaki nga amo sanday Ahian, Siquem, Likhi, kag Aniam.

Ang mga Kaliwat ni Efraim 

20 Amo ini ang mga kaliwat ni Efraim: Sutela, Bered, Tahat, Elada, Tahat,
21 Zabad kag Sutela. Si Efraim may duha pa gid ka mga anak nga lalaki, nga amo sanday Ezer kag Elad, nga ginpatay sang nagtinguha sila sa pagkawat sang mga baka sang mga tumandok nga mga pumoluyo sang Gat.
22 Ang ila amay nga si Efraim naglalaw para sa ila sa sulod sang madamo nga mga inadlaw, kag ang iya mga utod nga lalaki nag-abot sa paglipay sa iya.
23 Dayon naghiusa sia liwat sa iya asawa kag nagbusong sia kag nagbata sing lalaki. Ginhingalanan niya sia kay Berias,^k tungod sang kalalat-an nga nag-abot sa ila panimalay.
24 Si Efraim may isa ka anak nga babayi nga si Seera. Sia ang nagpasad sang mga banwa sang naibabaw kag naubos, nga Bet Horon, kag sang Uzen Seera.
25 Si Efraim may isa ka anak nga lalaki nga si Repa, nga ang iya mga kaliwat amo sanday Resef, Tela, Tahan,
26 Ladan, Amiud, Elisama,
27 Nun, kag Josue.
28 Ang kadutaan nga ila nabaton kag ginpuy-an nagalakip sang Betel kag sang mga kabanwahanan sa palibot sini, tubtob sa sidlangan sa Naaran, kag tubtob sa nakatundan sa Gezer kag sang mga banwa sa palibot sini. Nagalakip man ini sang mga siyudad sang Sequem kag Aza, kag sang mga kabanwahanan sa palibot nila.
29 Ang mga kaliwat ni Manases naggahom sang mga siyudad sang Bet Sean, Taanac, Meguido, kag Dor, kag sang mga kabanwahanan sa palibot nila. Amo ini ang mga duog sa diin nagpuyo ang mga kaliwat ni Jose nga anak ni Israel.

Ang mga Kaliwat ni Aser 

30 Amo ini ang mga kaliwat ni Aser. May mga anak sia nga lalaki nga amo sanday Imna, Isva, Isvi, Berias, kag isa ka anak nga babayi nga si Sera.
31 Si Berias may duha ka anak nga  lalaki, nga amo sanday Heber kag Malquiel. (Si Malquiel amo ang nagpasad sang siyudad sang Birzavit.)
32 Si Heber may tatlo ka mga anak nga lalaki, nga amo sanday Jaflet, Semer, Hotam, kag isa ka anak nga babayi, nga si Sua.
33 Si Jaflet may tatlo man ka mga anak nga lalaki, nga amo sanday Pasac, Bimbal, kag Asvat.
34 Ang iya utod nga si Semer may tatlo ka mga anak nga lalaki nga amo sanday Roga, Jehuba, kag Aram.
35 Ang iya utod nga si Hotam^l may apat ka mga anak nga lalaki nga amo sanday Zofa, Imna, Seles, kag Amal.
36 Ang mga kaliwat ni Zofa amo sanday Sua, Harnefer, Sual, Beri, Imra,
37 Bezer, Hod, Sama, Silsa, Itran, kag Beera.
38 Ang mga kaliwat ni Jeter amo sanday Jefone, Pispa, kag Ara,
39 kag ang mga kaliwat ni Ulla amo sanday Arah, Haniel, kag Rezia.
40 Ini sila tanan mga kaliwat ni Aser. Mga pangulo sila sang mga panimalay, isganan nga mga soldado sa inaway, bantog nga mga pangulo. May 26,000 sila ka mga lalaki nga sarang makaentra sa inaway.


^jBILHA: Isa ka babayi ni Jacob nga may duha ka mga anak nga lalaki nga amo sanday Dan kag Neftali.
^kBERIAS: Ini nga ngalan kon ihambal daw pareho sang Hebreo nga pulong nga kon sayuron “kalalat-an.”
^lHOTAM: (tan-awa man ang ber. 32); sa Hebreo Helem.

1 MGA CRONICA - Kapitulo 6 <<<   >>> 1 MGA CRONICA - Kapitulo 8