1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48
Ginhimo
sang Dios si Ezequiel nga Manugbantay
(Ezeq.
3:16-21 )
1
Ang GINOO naghambal sa akon,
2
“Tawo nga mamalatyon, sugiri ang imo mga kasimanwa kon ano ang mahanabo kon
magpadala ako sing inaway sa duta. Ang mga pumoluyo sina nga pungsod magapili
sang isa sa ila nga manginmanugbantay.
3
Kon makita niya ang mga kaaway nga nagapalapit, ginapatunog niya ang trumpeta sa
pagpaandam sa tagsatagsa.
4
Kon may yara nga nakabati pero wala sia magsapak, kag ang kaaway nag-abot kag
ginpatay sia, sia amo ang basulon sang iya kaugalingon nga kamatayon.
5
Sia ang may sala sang iya kaugalingon nga kamatayon, kay wala sia magsapak sang
paandam. Kon nagpamati sia, kuntani nakapalagyo sia.
6
Pero kon ang manugbantay makakita sang kaaway kag wala sia magpatunog sing
paandam, ang mga kaaway magaabot kag magapamatay sang mga makasasala, kag
sukton ko ang manugbantay tungod sang ila kamatayon.
7
“Gani, tawo nga mamalatyon, ginahimo ko ikaw nga manugbantay para sa tanan nga
mga tawo sang Israel. lsugid mo sa ila ang mga paandam nga ginahatag ko sa imo.
8
Kon magsiling ako nga ang isa ka malaut nga tawo mapatay, pero wala mo sia
pagpaandami sa pagbaylo sang iya pagginawi agod magkabuhi sia, ini nga tawo
mapatay nga makasasala kag ikaw ang manabat sang iya kamatayon.
9
Kon paandaman mo ang malaut nga tawo, kag indi sia mag-untat sa pagpakasala,
mapatay sia nga makasasala, pero maluwas ang imo kaugalingon nga kabuhi.”
Ang
Katungdanan sang Tagsatagsa
10
Ang Ginoo naghambal sa akon, "Tawo nga mamalatyon, singgana ang mga Israelinhon
nga nagareklamo sila kag nagasiling: 'Ginabug-atan kami sang amon mga sala kag
sang mga sayop nga amon nahimo. Nagniwang kami. Paano kami mabuhi?’
11
Singgana sila nga samtang ako, ang Ginoo, amo ang buhi nga Dios, wala ako nagakalipay
sa kamatayon sang makasasala. Ang luyag ko nga mag-untat sia sa pagpakasala kag
magkabuhi. O Israel, untati ang kalautan nga imo ginahimo. Ngaa bala Iuyag ka mapatay?
12
"Gani, tawo nga mamalatyon, singgana ang mga Israelinhon nga kon ang matarong
nga tawo magpakasala, ang iya
maayo nga buhat indi makaluwas sa iya. Kon ang malaut nga tawo mag-untat sa
pagpakasala, indi sia pagsilutan, kag kon ang matarong nga tawo magpakasala, indi
sia makapadayon sa pagkabuhi.
13
Kon magsiling ako nga ang matarong nga tawo magakabuhi, pero nagasalig sia sa
iya maayo nga binuhatan sang una kag nagapakasala sia, indi ko pagdumdomon ang
iya binuhatan nga maayo. Mapatay sia tungod sang iya mga sala.
14
Kon paandaman ko ang malaut nga tawo nga sia mapatay, kag mag-untat sia sa
pagpakasala kag maghimo sang matarong kag maayo—
15
halimbawa, iuli niya ang ginprenda sa iya, iuli niya ang iya kinawatan—kon
mag-untat sia sa pagpakasala kag magtuman sang mga kasugoan nga nagahatag sang
kabuhi, indi sia mapatay, kundi magakabuhi.
16
Patawaron ko ang mga sala nga iya nahimo. Magakabuhi sia tungod kay naghimo sia
sang matarong kag maayo.
17
“Kag ang imo mga tawo nagasiling nga indi husto ang ginahimo ko! Ang ila
ginahimo amo ang indi husto.
18
Kon ang matarong nga tawo mag-untat sa paghimo sing maayo kag maghimo sing
malaut, mapatay sia.
19
Kon ang malaut nga tawo mag-untat sa pagpakasala kag maghimo sang matarong kag
maayo, magakabuhi sia.
20 Pero, O Israel, nagasiling ikaw nga indi husto ang
akon ginahimo. Hukman ko ikaw suno sa imo ginahimo.”
Ang
Balita nahanungod sang Pagkapukan sang Jerusalem
21
Sa ika-12 nga tuig sang pagbihag sa amon, sa ikalima nga adlaw sang ikanapulo
nga bulan, ang isa ka tawo nga nakapalagyo sa Jerusalem nag-abot kag nagsiling
sa akon nga ang siyudad naagaw.
22
Sang gab-i sa wala pa sia makaabot, nabatyagan ko ang gamhanan nga presensya
sang GINOO. Sang pag-abot sang tawo pagkaaga, ang GINOO nagpabalik sang akon
paghambal, kag indi na ako apa.
Ang
mga Sala sang mga Tawo
23
Ang GINOO naghambal sa akon,
24
“Tawo nga mamalatyon, ang mga tawo nga nagapuyo sa naguba nga mga siyudad sa
duta sang Israel nagasiling, ‘Si Abraham isa lang, kag ginhatag sa iya ang
bug-os nga duta. Karon madamo na kita, kag ang duta aton.’
25
“Singgana sila kon ano ang ginasiling ko, ang GINOO nga Gamhanan, ‘Nagakaon
kamo sing dugo upod sa karne. Nagasimba kamo sa mga diosdios. Nagapamatay kamo.
Ngaa maghunahona kamo nga ang duta inyo?
26
Nagasalig kamo sa inyo mga espada. Makangilil-ad ang inyo ginahimo. Ang kadaisa
nagapakighilawas. Ngaa maghunahona kamo nga ang duta inyo?’
27
“Singgana sila nga ako, ang GINOO, nagapaandam sa ila nga samtang ako ang Dios
nga buhi, ang mga tawo nga nagapuyo sa naguba nga mga siyudad magakalamatay.
Ang mga nagapuyo sa uma pagakaunon sang mga sapat nga talunon. Ang mga
nagapanago sa kabukiran kag sa mga kuweba magakalamatay sa balatian.
28
Himuon ko ang pungsod nga desierto. Manginwalay pulos ang gahom nga ila
ginapabugal. Ang mga kabukiran sang Israel manginkagulangan nga wala sing
makaagi sini.
29
Kon silutan ko ang mga tawo tungod sang ila mga sala kag himuon ko ang pungsod
nga isa ka desierto, dayon makilala nila nga ako amo ang GINOO.”
Ang
mga Resulta sang Ginsiling sang Propeta
30
Ang GINOO nagsiling, “Tawo nga mamalatyon, ang imo mga kasimanwa nagahambal
nahanungod sa imo kon magtipuntipon sila sa luyo sang mga pader sang siyudad
ukon sa mga puwertahan sang ila mga balay. Nagasiling sila sa isa kag isa,
‘Dali, pamatian ta kon ano ang ginasiling sang GINOO karon.’
31
Gani, ang akon mga tawo nagaginutok sa pagpamati kon ano ang imo isiling, pero
wala sila nagatuman sang imo ginasiling sa ila. Ginapasulabi nila ang
pagbinutig kag ang pagtipon sing kuwarta.
32
Para sa ila ikaw isa lamang ka manuglingaw nga nagaamba sang mga ambahanon sang
paghigugma ukon manugtukar sang arpa. Nagapamati sila sang tanan mo nga ginahambal,
pero bisan isa lang sini wala gid nila ginatuman.
33
Pero kon matuman man ang tanan mo nga ginasiling—kag ini matuman gid—dayon
makilala nila nga may isa ka propeta sa tunga nila.”
No comments:
Post a Comment