Ang Matuod nga Paghigugma

1. Ang matuod nga paghigugma, Iya sa aton ginpakita;

paagi sa pagsakripisyo, sang iya nga kaugalingon.

Itugyan ta ang mga manggad, nga yara sa aton puloy-an,

para sa kahimayaan, sang Dios diri sa kalibutan.

Labing makatilingala, nga ang Dios sa akon magpuyo,

Kay siya ang akon Manugtoga, kag Iya ako nga ulipon.

2. Kita unta ang mag-alagad, sing himpit sa Santa Iglesia,

paagi sa paghigugma, kag sa aton pagkabalaka,

batunon naton ang Ginuo, nga may himpit gid nga pagtuo,

kay ang aton mga kaluwasan, maangkon paagi sa iya.

3. Sa Dios nagahalin ang gugma, kay siya ang aton Manugtoga.

Kon sin-o ang nagahigugma, ang Dios nagapuyo sa iya.

Kon nagatuo ka sa Iya, nga siya gid ang kamatuoran,

Pagahatagan ka sang grasya, sa pagpuyo upod sa Iya.

4. Si Kristo ang nagapapagsik sang tagsa ka tagipusoon

Iya ini ginapabuhi, kag iya nga ginapaputli.

Ang aton handum kag paglaum, sing masunsun ginapalig-on

Kag ang aton nga kahimtangan, sang Dios indi pagpabayaan.

5. Ang kabugwason sang Ginoo, akon gid nga nahimutaran,

samtang ako nagpakadto padulong sa iya nga templo.

Daku ang akon nga kasadya sa pag-abi-abi sa Iya,

labi na gid sa pagtaliwan, nga yari siya sa akon dughan.